၂၀၁၇ခုနှစ်၊ သြဂုတ်လ ၁၀ ရက်

 မန္တလေးတက္ကသိုလ် ကျောင်းသားသမဂ္ဂရုံးခန်း ဖွင့်လှစ်ခြင်းအခမ်းအနားကို သြဂုတ်လ ၁၀ရက်နံနက် ၈ နာရီက မန္တလေးတက္ကသိုလ် ပင်မအဆောက်အအုံ အနီးရှိ အဆိုပါရုံးခန်းတွင်ပြုလုပ်ရာ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးနှင့် မန္တလေးတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာ ဇော်မြင့်မောင်တို့တက်ရောက်ဖွင့်လှစ်ပေးခဲ့ကြသည်။

 မန္တလေးတက္ကသိုလ်ကျောင်းသား သမဂ္ဂရုံးခန်းသည် အစိုးရသစ်လက်ထက်တွင် ဒုတိယအကြိမ်မြောက် ဖွင့်လှစ်သော ရုံးခန်းဖြစ်ပြီး ပြီးခဲ့သည့် ဇူလိုင်လက ရန်ကုန်တက္ကသိုလ် ကျောင်းသားသမဂ္ဂရုံးခန်းကို ပထမဆုံး ဖွင့်လှစ်ခဲ့ခြင်းဖြစ်သည်။

 ဖွင့်ပွဲအခမ်းအနားတွင် မန္တလေးတက္ကသိုလ် ပါမောက္ခချုပ် ဒေါက်တာသီတာဝင်းက ကြိုဆိုနုတ်ခွန်း ဆက်စကားနှင့် မြန်မာ့လွှတ်လပ်ရေးကြိုးပမ်းမှု သမိုင်းတွင် ကျောင်းသားသမဂ္ဂ၏ အစဉ်အလာကြီးမားခဲ့ပုံတို့ကို ပြောကြားသည်။

 ထို့နောက်ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက အမှာစကားပြောကြားရာတွင် ပညာရေးဝန်ကြီးဌာန အနေဖြင့် ကျောင်းသား၊ ကျောင်းသူများဘက်စုံပညာသင်ယူဖို့အတွက် အားပေးမြင့်တင် ဆောင်ရွက်နေ သကဲ့သို့ ကျောင်းသားကျောင်းသူများ၏ လိုအပ်ချက်များကို ဖြည့်ဆည်းဆည်း ပေးနိုင်ရန်၊ ပညာရေးပြုပြင် ပြောင်းလဲမှုများတွင် တိုင်းပြည်၏ အနာဂတ်အကျိုးကို ရှေးရှုပြီး ကောင်းကျိုးများ ဆောင်ရွက်နိုင်ရန်အတွက် ကျောင်းသားသမဂ္ဂအဆောက်အအုံများကို ဖွင့်လှစ်ခြင်းဖြစ်ပါကြောင်း။ ကျောင်းသား ကျောင်းသူ များအား တိုင်းပြည်၏ကောင်းကျိုးကို သယ်ပိုးစွမ်းဆောင်နိုင်ရန်အတွက် နိုင်ငံတကာလူငယ်များနှင့် ယှဉ်ပြိုင် နိုင်စွမ်းရှိအောင် ပြုစုပျိုးထောင်နေသည့် အချိန်တွင် ပညာရေး ဝန်ကြီးဌာနနှင့် မန္တလေးတက္ကသိုလ်က တာဝန်ရှိသူများက ကျောင်းသားသမဂ္ဂရုံးခန်းတစ်ခုကို ဖြည့်ဆည်း ဆောင်ရွက် ပေးခြင်းဖြစ်ကြောင်း၊ ဘာသာရပ်များဖွံ့ဖြိုးတိုးတက်ဖို့၊ တက္ကသိုလ်၏ဖွံ့ဖြိုးတိုးတက်ရေးကို ဦးတည်ပြီး ပူးပေါင်းဆောင်ရွက်နိုင်ဖို့၊ ကျောင်းသားကျောင်းသူအချင်းချင်း တွေ့ဆုံဆွေးနွေးနိုင်ဖို့ နေရာလိုအပ်နေသည့် အတွက် အားပေး ဆောင်ရွက်ခြင်းဖြစ်ကြောင်းနှင့် အချင်းချင်း ပူးပေါင်း၍ အနာဂတ်တွင် ကောင်းမွန်စွာလျောက်လှမ်းနိုင်မည်ဟု မျှော်လင့်ပါကြောင်းစသည်ဖြင့် ပြောကြားခဲ့သည်။

 အခမ်းအနားသို့ တိုင်းဒေသကြီးအစိုးရအဖွဲ့ဝင်ဝန်ကြီးများ ပညာရေးဝန်ကြီးဌာန၊ အဆင့်မြင့်ပညာ ဦးစီးဌာန ညွှန်ကြားရေးမှူးချုပ်၊ ဒုတိယညွှန်ကြားရေးမှူး ချုပ်များ၊ ဒုတိယပါမောက္ခချုပ်များနှင့် ဆရာ/ဆရာမများ၊ တက္ကသိုလ်အသီးသီးက ကျောင်းသားသမဂ္ဂများ၊ မန္တလေးတက္ကသိုလ် ကျောင်းသားသမဂ္ဂ အဖွဲ့ဝင်များ၊ မန္တလေးတက္ကသိုလ် ကျောင်းသားသမဂ္ဂအဖွဲ့ဝင်ဟောင်းများနှင့် ဖိတ်ကြားထားသူများ တက်ရောက်ကြသည်။

 ဆက်လက်၍ မန္တလေးတိုင်းဒေသကြီး အစိုးရအဖွဲ့ဝန်ကြီးချုပ် ဒေါက်တာဇော်မြင့်မောင်က ဝမ်းမြောက် စကား ပြောကြားရာတွင် ကျောင်းသားသမဂ္ဂရုံးခန်းကို မန္တလေးတက္ကသိုလ်မှာဖွင့်လိုက်သည့်အတွက် ဝမ်းသာပါကြောင်း၊ နိုင်ငံတော် လွတ်လပ်ရေးကျိုးပမ်းမှုသမိုင်းတွင် ကျောင်းသားသမဂ္ဂသည် လွန်စွာလေးစား၊ အားကျစရာကောင်းပါကြောင်း၊ အစဉ်အလာရှိသောသမိုင်းကို ကောင်းမွန်အောင်ဆက်လက် ထိန်းသိမ်း ရမည်မှာ ယနေ့ Student Union များ၏ တာဝန်ဖြစ်ကြောင်း၊ ကျောင်းသားသမဂ္ဂများသည့် ကျောင်းသားများ အခွင့်အရေး၊ တိုးတက်ရေး၊ ကျောင်းသားများဘ၀အာမခံချက်ရရှိရေးများကို ဦးတည်ဆောင်ရွက်ရမည့် တာဝန်ဖြစ်ပြီး အရေးကြုံလာသည့် အခါနိုင်ငံအရေးကိုလည်း ဆောင်ရွက် ကြရမည်ဖြစ်ကြောင်း၊ ယနေ့ ခေတ်သည် ဒီမိုကရေစီခေတ်ဦးဖြစ်သည့်အတွက် တွေ့ဆုံဆွေးနွေးရေး ယဉ်ကျေးမှုကို ထူထောင်ရမည်ဖြစ်ကြောင်း၊ ဆရာများကလည်း ကျောင်းသားများဘဝကိုနားလည်ပြီး ကျောင်းသားများကလည်း ဆရာများ အခြေအနေကိုသိ၍ တွေ့ဆုံဆွေးနွေးရေးလမ်းကြောင်းဖြင့် ဆောင်ရွက်ရမည်ဖြစ်ပါကြောင်း၊ ကျောင်းသားကျောင်းသူများအနေဖြင့် ကျောင်းသားအရေးသာမက မိမိနိုင်ငံ၏ ဦးတည်ချက်လမ်းကြောင်းကို လည်းသိရှိကာ ငြိမ်းချမ်းရေးတွင်၊ အစိုးရနှင့်အတူ ပူးပေါင်းပါဝင်ဖို့လိုကြောင်းစသည်ဖြင့်လည်း ထည့်သွင်းပြောကြားခဲ့သည်။

 ယင်းနောက် မန္တလေးတက္ကသိုလ် ကျောင်းသားသမဂ္ဂအဖွဲ့အတွင်းရေးမှူး(ယာယီ)နှင့် အဖွဲ့ဝင်တို့က ကျေးဇူးတင်စကားနှင့် ကျောင်းသားသမဂ္ဂ မူဝါဒများကိုရှင်းလင်းတင်ပြကြပြီး မန္တလေးတက္ကသိုလ် ကျောင်းသားသမဂ္ဂအဖွဲ့ဝင်ဟောင်းများကိုယ်စားလှယ်တစ်ဦးက ခေတ်အဆက်ဆက် ဖြတ်သန်းခဲ့ရသည့် ကျောင်းသား သမဂ္ဂ၏ အတွေအကြုံများ၊ ကြိုးပမ်းဆောင်ရွက်ခဲ့မှုများနှင့် ကျောင်းသားသမဂ္ဂအဖွဲ့ဝင်သစ်များအတွက် အမှာစကားကို ပြောကြားခဲ့သည်။

 မန္တလေးတက္ကသိုလ် ကျောင်းသားသမဂ္ဂအဖွဲ့(ယာယီ)သည် ၂၀၁၆ခုနှစ် ဇူလိုင်လတွင်ကျင်းပသော မန္တလေးတက္ကသိုလ်ကျောင်းသားထု အစည်းအဝေး ဆုံးဖြတ်ချက်ကိုအခြေခံပြီး ကျောင်းသားသမဂ္ဂ ဖွဲ့စည်းပုံရေးဆွဲရေးကော်မတီကိုဖွဲ့စည်းကာ ယင်းမှတစ်ဆင့် ၂၀၁၇ခုနှစ် ဇန်နဝါရီတွင် ယာယီအဖွဲ့အဖြစ် ဖွဲ့စည်းပေါ်ပေါက်လာခြင်းဖြစ်ကြောင်း၊ လက်ရှိတွင် ကျောင်းသားသမဂ္ဂ(ယာယီ)အဖွဲ့အနေဖြင့် ရွေးကောက်ပွဲကျင်းပနိုင်ရေးနှင့် ကျောင်းသားထု အခွင့်အရေး ကာကွယ်ရန် ရည်ရွယ်ဆောင်ရွက်လျက်ရှိသည်။