၂၀၁၇ခုနှစ်၊ သြဂုတ်လ ၁၀ ရက်

 ရာသီတုတ်ကွေး Seasonal Influenza A (H1N1) pdm 2009ရောဂါ ကိုစောင့်ကြပ်ကြည့်ရှုခြင်း ကုသခြင်းများကိုဆောင်ရွက်လျှက်ရှိရာတွင် မန္တလေးတိုင်းဒေသကြီးအတွင်း ယင်းရောဂါလက္ခဏာဖြင့် ဆေးရုံ တက်ရောက်ကုသမှုခံယူသူ စုစုပေါင်း ၂၀ ဦးရှိခဲ့ပြီး လက်ရှိတွင် ၁၀ ဦးမှာ ဆေးရုံများတွင် ဆက်လက် ကုသမှုခံယူဆဲဖြစ်ကာ ဆေးရုံမှ ၅ ဦး ဆင်း၍ ၅ ဦးသေဆုံးခဲ့ကြောင်း တိုင်းဒေသကြီး ကျန်းမာရေးဦးစီးဌာန၏ ဇူလိုင် ၃၀ ရက်နေ့မှ ဩဂုတ် ၁ဝရက် နံနက် ၈ နာရီအထိ စာရင်းများအရ သိရသည်။

အဆိုပါရောဂါ လက္ခဏာဖြင့် မန္တလေးအထွေထွေရောဂါကု ဆေးရုံကြီးတွင် တက်ရောက်ကုသမှုခံယူသူ စုစုပေါင်း ၁၆ ဦးရှိခဲ့သည်အနက် ၅ဦး ဆေးရုံဆင်းခဲ့ပြီး လူနာ ၃ဦး သေဆုံးကြောင်း၊ ဆေးရုံဆင်းခဲ့သည့် ၅ဦးတွင် ၂ ဦးမှာ H1N1 ဗိုင်းရပ်ပိုးမတွေ့ရှိဘဲ ၃ဦးတွင် တွေ့ရှိရသဖြင့် ကုသမှု ဆောင်ရွက်၍ ဆေးရုံမှ ဆင်းပေးခဲ့ကြောင်း၊ သေဆုံးသူ ၃ ဦးတွင် ၂ ဦး၌ ဗိုင်းရပ်ပိုးတွေ့ ရှိကြောင်းသိရသည်။

လက်ရှိတွင် မန္တလေးအထွေထွေရောဂါကု ဆေးရုံကြီး၌ တက်ရောက် ကုသမှုခံယူနေသူ ၈ ဦးအနက် ၄ ဦးမှာ H1N1 ဗိုင်းရပ်ပိုး တွေ့ရှိရပြီး ကျန်လူနာ ၄ ဦး၏ ဆေးစစ်ချက်များကို အမျိုးသားကျန်းမာရေးဓာတ်ခွဲ ဌာနသို့ပို့ ထားဆဲ ဖြစ်သည်။

မန္တလေး ခုတင် ၅၅၀ဆံ့ကလေးဆေးရုံကြီးတွင်လည်း ရာသီတုတ်ကွေးရောဂါလက္ခဏာဖြင့် ၃ ဦး တက်ရောက်ခဲ့ပြီး တစ်ဦးသေဆုံးကာ ၂ ဦးမှာ ကုသမှုခံယူဆဲဖြစ်ကြောင်း၊ ပြင်ဦးလွင်ဆေးရုံကြီးတွင် ရောဂါ လက္ခဏာဖြင့် လူနာတစ်ဦးတက်ရောက်ပြီး ဗိုင်းရပ်ပိုးတွေ့ရှိ သေဆုံးခဲ့ကာ လက်ရှိတွင် ယင်းဆေးရုံ၌ တက်ရောက်ကုသမှုခံယူဆဲလူနာ မရှိကြောင်းသိရသည်။