၂၀၁၇ခုနှစ်၊ အောက်တိုဘာလ ၁၁ ရက်

 မြို့ပြဆိုင်ရာစီမံခန့်ခွဲမှု ဆိုသည်မှာ ပြည်သူကိုဝန်ဆောင်မှုပေးဖို့ဖြစ်ပြီး Master Plan များရေးဆွဲသည့်အခါတွင်လည်း ပြည်သူလူထုကို အကျိုးပြုရမည်ဖြစ်ကြောင်း၊ မန္တလေးမြို့တော်ကို Green, Clean and Smart City ဖြစ်စေရေးအတွက် ရည်မှန်းချက်ကို အကောင်အထည်ဖော်ရန် ပြည်လူထုပူးပေါင်းပါဝင်မှုဖြင့် လက်တွဲလုပ်ဆောင်ရမည်ဖြစ်ကြောင်း မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်က မြို့ပြစီမံခန့်ခွဲမှု ဆိုင်ရာအစီအစဉ် (Urban Management Program) မြန်မာနိုင်ငံမြို့ကြီးများ၏ အမှိုက်နှင့်စွန့်ပစ်ပစ္စည်းစီမံခန့်ခွဲမှုဆိုင်ရာ အမျိုးသားအဆင့် Seminar တွင် ပြောကြားသည်။

 အဆိုပါ Seminar ကို ပြင်သစ်နိုင်ငံသံရုံးနှင့် မန္တလေးမြို့တော် စည်ပင်သာယာရေးကော်မတီတို့ ပူးပေါင်းကာ Hotel Marvel တွင် ပြုလုပ်ခြင်းဖြစ်ပြီး ယနေ့နံနက်ပိုင်းမှစတင်၍ အောက်တိုဘာ ၁၃ ရက်အထိပြုလုပ်သွားမည်ဖြစ်သည်။

 "Urban Management ဆိုတာ အရင်ကတည်းက ရှိခဲ့ပါတယ်၊ ဒါပေမယ့် Urban Management ဆိုတာ ပြည်သူ့ဝန်ဆောင်ဖို့ပါ၊ ပြည်သူတွေ အတွက် ကျန်းမာရေးနဲ့ညီညွတ်တဲ့ နေထိုင်ရေးအတွက် အစိုးရကလုပ်ပေးတဲ့အခါမှာ စေတနာပါဖို့လိုပါတယ်၊ ကျွန်တော်တို့ ပြည်သူ့အခွန်အခ တွေနဲ့ပဲ ပြည်သူ့အကျိုးကို ဆောင်ရွက်တဲ့အခါ ကိုယ်ပစ္စည်းမဟုတ်ဘူးဆိုတာသိထားရမယ်။မြို့ပြစီမံခန့်ခွဲမှုအတွက် ပိုပြီး Master Plan တွေ ထားရှိဖို့လိုပါတယ်၊ မရှိလို့မဖြစ်ပါဘူး။ မန္တလေးမြို့မှာ လူဦးရေက ၁ဒသမ ၄ ဘီလီယံလောက်ရှိပါပြီ၊ လူဦးရေတိုးလာတာနဲ့တပြိုင်နက် အမှိုက်သရိုက်က ပေါ်လာပြီ၊ စက်မှုဇုန်တွေက အညစ်အကြေးတွေလည်း ဘယ်လို စီမံခန့်ခွဲမယ်ဆိုတာ ပေါ်လာပြီ၊ Master Plan တွေရေးဆွဲတဲ့အခါ ပြည်သူလူထုကိုလည်း အကျိုးပြုရမယ်၊ မြို့တော်စည်ပင်က ဆောင်ရွက်နေတာတွေသိပါတယ်၊ ဒါပေမယ့် ပြည်သူပါဝင်ပူးပေါင်းဖို့တော့ အားနည်း နေပါသေးတယ်။ Urban Management အတွက် လူထုပူးပေါင်းပါဝင်မှုမြင့်တက်အောင် ပညာပေးရမယ်၊ ဆုပေး၊ဒဏ်ပေးတွေပါ စဉ်းစားဖို့ ကောင်းပါတယ်၊ မန္တလေးကို မြို့တော်ဝန်က Green, Clean and Smart City လုပ်ချင်နေတယ်၊ ဒီလို ရည်မှန်းချက်ကို အကောင်အထည်ဖော်ဖို့ မှန်ကန်တဲ့ခြေလှမ်းတွေနဲ့ စတင်ရမယ်၊ ကိုယ်ချည်းသွားလို့တော့မရဘူး၊ အတူလက်တွဲခေါ်ရမယ်၊ အဲ့လိုလုပ်ဖို့ ဒီလို Seminar တွေက အသိ အမြင်တွေ ရလာလိမ့်မယ်ထင်ပါတယ်" ဟု ၀န်ကြီးချုပ်က ပြောသည်။

 အလုပ်ရုံဆွေးနွေးပွဲ ပြုလုပ်ခြင်းမှာ မြို့များတွင် အမှိုက်နှင့်စွန့်ပစ်ပစ္စည်းများ စီမံခန့်ခွဲမှုလုပ်ငန်းနှင့်ပတ်သက်သည့် သတင်းအချက်အလက်နှင့် အသိပညာဖလှယ်နိုင်ရန်၊ လုပ်ထုံးလုပ်နည်းကောင်းများ ပေါ်ပေါက်လာစေရန်နှင့် အမှိုက်နှင့်စွန့်ပစ်ပစ္စည်းဆိုင်ရာ ကိစ္စရပ်များတွင် ပြည်သူလူထု အသိပညာမြှင့်တင်၍ ပူးပေါင်း ပါဝင်စေရန် စသည့်ရည်ရွယ်ချက်များဖြင့် ပြုလုပ်ခြင်းဖြစ်သည်။

 "ဆွေးနွေးပွဲလာတဲ့သူတွေက ဒီကရမယ့် အသိအမြင်တွေကို တခြားသူတွေကို ပြန်မျှဝေပေးရမယ်၊ ကိုယ့်ရဲ့မြို့တွေမှာ Solid Waste Management ဘယ်လိုလုပ်မလဲဆိုတာကို တာဝန်ရှိပုဂ္ဂိုလ်တွေ၊ အရပ်ဘက်လူ့အဖွဲ့အစည်းတွေ၊ ပြည်သူလူထုတွေကို ပညာပေး စည်းရုံးရမယ်၊ ယနေ့ကမ္ဘာကြီးက Waste Management တင်မဟုတ်ဘူး၊၊ Sustainable အတွက် တောင်းဆိုနေပြီ၊ လူထုအတွက် လုံခြုံစိတ်ချရတဲ့ ရေကောင်းရေသန့် တောင်းဆိုသံ တွေရှိနေတယ်၊ ဒါတွေကို ထည့်စဉ်းစားရမယ်၊ ကျွန်တော်တို့ဘာပဲလုပ်လုပ် နိုင်ငံရေးအပေါ်မှာ မူတည်ပါတယ်၊ နိုင်ငံရေးကို မေ့ထားလို့မရပါဘူး။ ငြိမ်းချမ်းရေး၊ ဒီမိုကရေစီရေး၊ ဖွံ့ဖြိုးရေးတွေကိုလည်း မေ့ထားလို့မရဘူး၊ တကယ်နိုင်ငံကိုချစ်တဲ့ စိတ်ဟာနောင်မျိုးဆက်သစ်အတွက် စဉ်းစားတယ်၊ ဒါကြောင့် နောင်မျိုးဆက်သစ်တွေအတွက် စဉ်းစားဆွေးနွေး ဆောင်ရွက်ပေးကြပါ၊ ဒါပေမယ့် Action Plan တော့ဖြစ်မှဖြစ်ရပါမယ် " ဟုလည်း ၀န်ကြီးချုပ်က တိုက်တွန်းခဲ့သည်။

 ဆွေးနွေးပွဲတွင် မြန်မာနိုင်ငံဆိုင်ရာ ပြင်သစ်သံအမတ်ကြီး Mr. Olivier Richard က အလုပ်ရုံဆွေးနွေး ပွဲကျင်းပရခြင်းနှင့် နှစ်နိုင်ငံပူးပေါင်း ဆောင်ရွက်မှုများ၊ အသိအမြင်ဆိုင်ရာဖလှယ်ခြင်းနှင့် ကူညီထောက်ပံ့မှုဆိုင်ရာများနှင့် ယခုဆွေးနွေးပွဲမှ အကြံဥာဏ်ကောင်းများ ပေါ်ထွက်မည့် အခြေအနေများကိုပြောကြားပြီး ပတ်ဝန်းကျင်ထိန်သိမ်းရေးဦးစီးဌာန ညွန်ကြားရေးမှူး ဦးမင်းမော်က မြန်မာနိုင်ငံရှိ အမှိုက်နှင့်စွန့်ပစ်ပစ္စည်းများ စီမံခန့်ခွဲမှုဆိုင်ရာ အဓိက စိန်ခေါ်မှုများကို ရှင်းလင်းတင်ပြ၍ ဆွေးနွေးပွဲကို သတ်မှတ်ထားသော အစီအစဉ်များ အတိုင်းပြုလုပ်ခဲ့သည်။

 အလုပ်ရုံဆွေးနွေးပွဲသို့ တိုင်းဒေသကြီးလွှတ်တော် ဒုတိယဥက္ကဋ္ဌ ဒေါက်တာခင်မောင်ဌေးနှင့် တိုင်ဒေသကြီးအစိုးရအဖွဲ့ အဖွဲ့အစည်းဝင်များ၊ လွှတ်တော်အသီးသီးမှ ကိုယ်စားလှယ်များ၊ မန္တလေးမြို့တော်စည်ပင်သာယာရေးကော်မတီမှ ဒုတိယမြို့တော်ဝန်နှင့် ကော်မတီဝင်များ၊ ဌာနမှူးများ နှင့် အရာထမ်းဝန်ထမ်းများ၊ ပြင်သစ်သံရုံးမှတာဝန်ရှိသူများ၊ ပြင်သစ် NGO အဖွဲ့အစည်းများမှ တာဝန်ရှိသူများနှင့် ပညာရှင်များ၊ ပြည်တွင်းပြည်ပ ပညာရှင်များ၊ မြန်မာနိုင်ငံရှိ မြို့ကြီး ၂၀ မှ မြို့ပြစီမံခန့်ခွဲမှုတာဝန်ရှိပုဂ္ဂိုလ်များ၊ အခြေခံပညာကျောင်းများမှ ဆရာ၊ ဆရာမများ၊ ကျောင်သား ကျောင်းသူများ၊ NGOများနှင့် လေ့လာလိုသူများ တက်ရောက်ကြသည်။

 ဆွေးနွေးပွဲပြုလုပ်သည့်သုံးရက်တာကာလအတွင်း မြို့များတွင် အမှိုက်နှင့်စွန့်ပစ်ပစ္စည်းများ၊ စီမံခန့်ခွဲခြင်း၊ စီမံခန့်ခွဲမှုကောင်းစွာဖြင့် ၀န်ဆောင်မှု ပေးခြင်း၊ မန္တလေးမြို့ အမှိုက်နှင့်စွန့်ပစ်ပစ္စည်းများ စီမံခန့်ခွဲခြင်း၊ ရေရှည်နည်းဗျူဟာများ၊ အမှိုက်မှစွမ်းအင်သို့ စီမံကိန်းများ၊ အရှေ့တောင်အာရှတွင် အောင်မြင်မှုများရရှိရေးအတွက် ကြိုတင်ပြင်ဆင်မှုများ၊ ထိုင်းနိုင်ငံ အမှိုက်နှင့်စွန့်ပစ်ပစ္စည်းများ စီမံခန့်ခွဲမှု ၁၀ နှစ်တာ အတွေ့အကြုံများ၊ မြန်မာနိုင်ငံ ရှိ မြို့များ၏ အမှိုက်နှင့် စွန့်ပစ်ပစ္စည်းဆိုင်ရာ စီမံခန့်ခွဲမှု၊ ၀န်ဆောင်မှုအခြေအနေများ၊ အမှိုက်နှင့်စွန့်ပစ်ပစ္စည်းဆိုင်ရာတွင် ပူးပေါင်းဆောင်ရွက် ဆက်သွယ်ရေးလှုပ်ရှားမှုများအတွက် အဓိကကျသောနည်းဗျူဟာများ၊ မိဘ၊ ဆရာနှင့် ကျောင်းသားကျောင်းသူများစုပေါင်း၍ သဘာဝပတ်ဝန်းကျင် ဆိုင်ရာပြဿနာများကိုဖြေရှင်းခြင်း စသည့်အကြောင်းအရာများကို အပြန်အလှန်ဆွေးနွေးခြင်း၊ လက်တွေ့ကွင်းဆင်းလေ့လာမှုများကို သုံးသပ်ခြင်း စသည်ဖြင့် ပြုလုပ်ကြမည်ဖြစ်ပါသည်။