၂၀၁၈ ခုနှစ်၊ ဒီဇင်ဘာလ ၁၅ ရက်

 မိတ္တီလာခရိုင်၊ သာစည်မြို့နယ်တွင် မြိုပေါ်(၇)ရပ်ကွက်နှင့် ကျေးရွာအုပ်စု (၈၇)အုပ်စုရှိပြီး ကျေးရွာ ပေါင်း(၂၄၉)ရွာရှိကာ မီးလင်းပြီးကျေးရွာ (၁၀၄)ရွာ၊ မီးလင်းရန်ကျန်ရှိသေးသည့်ကျေးရွာ (၁၄၅)ရွာကိုလည်း လျှပ်စစ်မီးရရှိရေးအတွက် အစိုးရနှင့်ပြည်သူပူးပေါင်း၍ ဆက်လက်ဆောင်ရွက် လျှက်ရှိကြောင်း သာစည်မြို့နယ် လျှပ်စစ်မန်နေဂျာရုံးမှသိရသည်။

 ၂၀၁၈ ခုနှစ် ဒီဇင်ဘာလ ၁၃ ရက်နေ့က သာစည်မြို့နယ်အတွင်းရှိ တောကင်းကျေးရွာအုပ်စုရှိ ထူးတွင်းကျေးရွာနှင့် သီးကုန်းကျေးရွာ၊ မကျီးခွ ကျေးရွာအုပ်စုရှိ ဘုန်းတလုတ်ကျေးရွာတို့တွင် လျှပ်စစ်မီးလင်းရေးဖွင့်ပွဲများကိုပြုလုပ်ခဲ့ရာ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာ ဇော်မြင့်မောင် တက်ရောက်အားပေးချီးမြှင့်ပြီး တိုင်းဒေသကြီးအစိုးရအဖွဲ့ဝင်ဝန်ကြီးများ၊ သက်ဆိုင်ရာလွှတ်တော်ကိုယ်စားလှယ်များနှင့် ကျေးရွာ လျှပ်စစ်မီးလင်းရေးကော်မတီတို့မှ တာဝန်ရှိသူများနှင့်အတူ အဆိုပါကျေးရွာအသီးသီးတို့ရှိ လျှပ်စစ်မီးလင်းရေးဖွင့်ပွဲနေရာများတွင် ဖဲကြိုးဖြတ် ဖွင့်လှစ် ပေးခဲ့ကြပြီးနောက် ဒေသခံ ကျေးလက်နေမိဘပြည်သူများအား ရင်းနှီးစွာ လိုက်လံနှုတ်ဆက်ခဲ့သည်။

 တောကင်းကျေးရွာအုပ်စုရှိ ထူးတွင်းကျေးရွာတွင် အိမ်ခြေအိမ်ထောင်စု (၉၇)စုရှိပြီး တိုင်းဒေသကြီးဘတ်ဂျက်မှ ၁၁/၀.၄ ကေဗွီအေ(၂၀၀) ထရန်စဖော်မာ(၁)လုံးနှင့် ဆက်စပ်ပစ္စည်းများ၊ ၁၁ ကေဗွီ ဓါတ်အားလိုင်း (၄၅၄၀)ပေအား ငွေကျပ်(၃၈)သန်း အကုန်ကျခံ ဆောင်ရွက်ပေးခဲ့ပြီး ကျေးရွာတွင် ၄၀၀ ဗို့ဓါတ်အားလိုင်း (၃၈၁၀)ပေအတွက် ကိုယ့်အားကိုယ်ကိုးတည်ဆောက်ခဲ့ရာ ငွေကျပ်(၂၁၆)သိန်း ကုန်ကျခဲ့ကာ ထူးတွင်းကျေးရွာ တွင် စီတီမီတာ(၁)လုံးနှင့် အိမ်သုံးမီတာ(၁၀၂)လုံး တပ်ဆင်သုံးစွဲနိုင်ခဲ့သည်။

 တောကင်းကျေးရွာအုပ်စုရှိ သီးကုန်းကျေးရွာအနေဖြင့် အိမ်ခြေအိမ်ထောင်စု (၆၇)စုရှိပြီး တိုင်းဒေသကြီးဘတ်ဂျက်မှ ၁၁/၀.၄ ကေဗွီအေ (၂၀၀) တရန်စဖော်မာ(၁)လုံးနှင့် ဆက်စပ်ပစ္စည်းများ၊ ၁၁ကေဗွီ ဓါတ်အားလိုင်း (၂၈၈၀)ပေအား ငွေကျပ်(၃၁)သန်းအကုန်ကျခံ ဆောင်ရွက်ပေးခဲ့ပြီး ကျေးရွာတွင် ၄၀၀ ဗို့ဓါတ်အားလိုင်း (၂၄၃၀)ပေအတွက် ကိုယ့်အားကိုယ်ကိုးတည်ဆောက်ခဲ့ရာ ငွေကျပ်(၁၁၀)သိန်း ကုန်ကျခဲ့ကာ သီးကုန်းကျေးရွာ တွင် စီတီမီတာ(၁)လုံးနှင့် အိမ်သုံးမီတာ(၆၆)လုံး တပ်ဆင်သုံးစွဲနိုင်ခဲ့သည်။   မကျီးခွကျေးရွာအုပ်စုရှိ ဘုန်းတလုတ်ကျေးရွာအနေဖြင့် အိမ်ခြေအိမ်ထောင်စု (၁၅၆)စုရှိပြီး တိုင်းဒေသကြီးဖွံ့ဖြိုးရေးရန်ပုံငွေဘတ်ဂျက်မှ ၃၃ ကေဗွီ Load Brake Switch (၁)စုံ၊ ၃၃/၀.၄ ကေဗွီ (၃၁၅) ကေဗွီအေ ထရန်စဖော်မာ (၁)လုံးနှင့် ဆက်စပ်ပစ္စည်းများအား ငွေကျပ်(၂၀)သန်း အကုန်ကျခံဆောင်ရွက်ပေးခဲ့ပြီး ကျေးရွာတွင် ၃၃ ကေဗွီဓါတ်အားလိုင်း(၆၃၀၀)ပေနှင့် ၄၀၀ ဗို့ဓါတ်အားလိုင်း (၅၂၀၀)ပေအတွက် ကိုယ့်အားကိုယ်ကိုးတည်ဆောက်ခဲ့ရာ ငွေကျပ်(၆၃၀)သိန်း ကုန်ကျခဲ့ကာ ဘုန်းတလုတ်ကျေးရွာတွင် စီတီမီတာ (၁)လုံးနှင့် အိမ်သုံးမီတာ(၉၃)လုံး တပ်ဆင်သုံးစွဲ ဆောင်ရွက်နိုင်ခဲ့သည်။

 “ဟိုအရင်တုန်းက ကျွန်တော်တို့ကျေးရွာမှာရှိကြတဲ့ ကျောင်းသား/သူလေးတွေဟာ စာကျက်ဖို့ဆိုရင် မီးအိမ်၊ ဖယောင်းတိုင်၊ ဆိုလာဘက်ထရီမီး အလင်းရောင်ကိုဘဲအားပြုပြီး ကျောင်းစာတွေကို လေ့လာကျက်မှတ်သင်ကြားခဲ့ကြရတာပါ၊ အခုတော့ ကောင်းစွာအလင်းရတဲ့ လျှပ်စစ်မီးရောင်အောက် မှာ ပညာတွေဆည်းပူးလေ့လာရတော့မှာဖြစ်တဲ့အတွက် မီးရရှိအောင်ဆောင်ရွက်ပေးခဲ့ကြတဲ့ တာဝန်ရှိသူတွေအားလုံးကို ကျေးဇူးတင်မိပါတယ်၊ အခုတော့ တောင်သူလုပ်ငန်းများအပြင် လျှပ်စစ်ကိုအခြေပြုပြီး ဆောင်ရွက်ရတဲ့ အသေးစားစက်မှုလုပ်ငန်းလေးတွေလုပ်ကိုင်ဖို့ အခွင့်အလမ်းရရှိ လာတော့မှာပါ၊ ကျေးရွာတွေမှာ ခေတ်နှင့်အညီဖွံ့ဖြိုးတိုးတက်ဖို့ဆိုရင် လျှပ်စစ်မီးဟာ မရှိမဖြစ် အဓိကလိုအပ်ချက်လေးတစ်ခုပါ၊ တစ်ချို့ကျေးရွာတွေက ဆိုရင် အခုလိုကျေးရွာတွေမှာ လျှပ်စစ်မီးရရှိတဲ့အခြေအနေတွေကို မမြင်သွားရတဲ့ အဘိုး၊ အဘွားတွေလည်းရှိကြပါတယ်”ဟု ဒေသခံကျေးရွာ တောင်သူများကိုယ်စား တောင်သူတစ်ဦးက ကျေးဇူးတင်စကားပြောကြားရာတွင် ရင်တွင်းစကားကို ပြောပြသည်။