၂၀၁၇ ခုနှစ်၊ ဖေဖော်ဝါရီလ ၆ ရက်

 ကျောက်ဆည်မြို့မရဲစခန်းမှ စခန်းမှူး ဒုရဲမှူး သိန်းဝင်းနှင့် တပ်ဖွဲ့ဝင်များသည် ဖေဖော်ဝါရီ ၆ ရက် နံနက် ၉ နာရီက ကျောက်ဆည်မြို့နယ်၊ ပုထိုးနီကျေးရွာအုပ်စု၊ သပြေသာကျေးရွာ စေတနာရှင်ဓမ္မာရုံ၌ မှုခင်းကျဆင်းရေး၊ သက်ငယ်မုဒိမ်းမှုပပျောက်ရေး အသိပညာပေးဟောပြော ပွဲ ကျင်းပသည်။

 အဆိုပါ အခမ်းအနားသို့ ကျေးရွာအုပ်စု၊ အုပ်ချုပ်ရေးမှူးနှင့် ရပ်မိ၊ ရပ်ဖများ၊ ကျေးရွာသူ၊ ကျေးရွာသားများ စုစုပေါင်းအင်အား ၂၀၀ ကျော် တက်ရောက်ကြသည်။

 အခမ်းအနားတွင် ကျောက်ဆည်မြို့မစခန်းမှူး ဒုရဲမှူးသိန်းဝင်းက မှုခင်းနှင့် သက်ငယ်မုဒိမ်းမှုဖြစ်ရပ် ဖြစ်စဉ်များအကြောင်းနှင့် ထိုသို့မဖြစ်ပွား ရအောင် ဆောင်ရန်၊ ရှောင်ရန် အချက်များ၊ ပြစ်မှုကျူးလွန်သူများအား ရာဇသတ်ကြီးပုဒ်မများအရ အမှုဖွင့်အရေးယူဆောင်ရွက်ပုံ အဆင့်ဆင့် အကြောင်းများ၊ ယာဉ်စည်းကမ်း၊ လမ်းစည်းကမ်းအကြောင်း သိကောင်းစရာများ၊ မူးယစ်ဆေးဝါးအန္တရာယ် ဆောင်ရန်၊ ရှောင်ရန်အချက်များကို အကျယ်တဝင့် ရှင်းလင်းပြောကြားပြီး ရဲတပ်ဖွဲ့ဝင်များက မှုခင်းအသိပညာပေး လက်ကမ်းစာစောင်များကို ဖြန့် ဝေပေးခဲ့သည်။