၂၀၁၇ ခုနှစ်၊ ဇူလိုင်လ ၂၅ ရက်

 လူကုန်ကူးမှုတိုက်ဖျက်ရေးပညာပေးဟောပြောပွဲကို ဇူလိုင် ၂၄ ရက် နံနက် ၈ နာရီက မြင်းခြံမြို့နယ်အထွေထွေအုပ်ချုပ်ရေးဦးစီးဌာန ဧည့်ရိပ်သာ အစည်းအဝေးခန်းမတွင် ကျင်းပသည်။

 ရှေးဦးစွာ မြင်းခြံခရိုင်အုပ်ချုပ်ရေးမှူး ဦးကျော်ဝင်းဦးက အဖွင့်အမှာစကားပြောကြားပြီး ခရိုင်ရဲတပ်ဖွဲ့မှူး ဒုတိယရဲမှူးကြီး အုန်းသွင်က လူကုန်ကူးမှု အကြောင်းအရာများကို ဟောပြောသည်။

 ထို့နောက် မြင်းခြံမြို့မစခန်းမှူး ဒုတိယရဲမှူး မျိုးလွင်က လူကုန်ကူးမှုနှင့် လူမှောင်ခိုကွာခြားပုံ၊ လူကုန်ကူးမှုတိုက်ဖျက်ရေးတွင် ပြည်သူနှင့်အတူ ဌာနဆိုင်ရာများအားလုံး လက်တွဲဝိုင်းဝန်းဆောင်ရွက်ရေး၊ တရုတ်နိုင်ငံနှင့် ထိုင်းနိုင်ငံတို့တွင် သွားရောက်လုပ်ငန်းလုပ်ကိုင်ရာမှ လူကုန်ကူးမှုနှင့် လူမှောင်ခို ဖြစ်သွားခြင်းအကြောင်းများကို ပရိုဂျက်တာဖြင့် ရှင်းလင်းဟောပြောသည်။

 လူကုန်ကူးမှုတိုက်ဖျက်ရေးပညာပေးဟောပြောပွဲသို့ ခရိုင်အုပ်ချုပ်ရေးမှူးနှင့် မြင်းခြံ၊ တောင်သာ၊ နွားထိုးကြီး၊ ငါန်းဇွန်မြို့နယ်အုပ်ချုပ်ရေးမှူးများနှင့် ဌာနဆိုင်ရာတာဝန်ရှိသူများ၊ မြို့မိ၊ မြို့ဖများနှင့် ဖိတ်ကြားထားသူများ တက်ရောက်ကြသည်။