၂၀၁၇ ခုနှစ်၊ စက်တင်ဘာလ ၂ ရက်

 မန္တလေးတိုင်းဒေသကြီးရဲတပ်ဖွဲ့၏ မှုခင်းပညာပေးယာဉ်ဖြင့် တာဝန်ရှိ ရဲတပ်ဖွဲ့ဝင်များသည် မူးယစ်ဆေးဝါးတားဆီးနှိမ်နင်းရေး၊ လူကုန်ကူးမှုတားဆီး နှိမ်နင်းရေး၊ မှုခင်းကြိုတင်ကာကွယ်ရေး၊ မှုခင်းကျဆင်းရေး၊ ယာဉ်စည်းကမ်း၊ လမ်းစည်းကမ်းပညာပေးရေး၊ ဝန်ဆောင်မှုကိုရှေ့ရှုသော ရဲလုပ်ငန်း ဆောင်ရွက်မှုများအား ပြည်သူများသိရှိစေရေးအတွက် မှုခင်းအသိပညာပေးဟောပြောမှုများ၊ မှတ်တမ်းဓာတ်ပုံများနှင့်ပတ်သက်၍ ရှင်းလင်းပြောကြား ခြင်း၊ ပညာပေးဗီဒီယိုဇာတ်လမ်းများပြသ၍ မှုခင်းအသိပညာပေးလက်ကမ်းစာစောင်များဖြန့်ဝေခြင်းအား သြဂုတ်လ ၃၀ ရက် မွန်းလွဲ ၁၂ နာရီ ၅ မိနစ် မှ မွန်းလွဲ ၁ နာရီအထိ မတ္တရာမြို့နယ်၊ တောင်ပြုံးရွာ အထက်တန်းကျောင်းတွင် ပြုလုပ်သည်။

 အခမ်းအနားတွင် ကျေးအုပ်ဆရာကြီး ဦးသန်းဌေးနှင့် ဆရာ၊ ဆရာမများ၊ ကျောင်းသား၊ ကျောင်းသူများ၊ အနီးဝန်းကျင်ရွာများမှ ပြည်သူများ၊ စုစုပေါင်း ၂၃၀ ဦးတို့ကလည်းကောင်း၊ ဆက်လက်၍ ယင်နေ့ မွန်းလွဲ ၂ နာရီ ၃၅ မိနစ်မှ ညနေ ၃ နာရီ ၃၅ မိနစ်အထိ မတ္တရာမြို့၊ မြို့မဈေးရှေ့တွင် ပြုလုပ်ခဲ့ရာ အ.ထ.က(မတ္တရာ)မှ ကျောင်းအုပ်ဆရာမကြီး ဒေါ်မျိုးကေသီကျော်နှင့် ဆရာ၊ ဆရာမများ၊ ကျောင်းသား၊ ကျောင်းသူများ၊ အနီးဝန်းကျင် ရပ်ကွက်များမှ ပြည်သူများ၊ စုစုပေါင်း ၂၆၀ ဦးတို့က ကြည့်ရှုလေ့လာကြသည်။