၂၀၁၇ခုနှစ် နိုဝင်ဘာလ ၁၂ရက်

 စတုတ္ထအကြိမ်မြောက် Majesty Classic ဂေါက်သီးရိုက်ပြိုင်ပွဲ အခမ်းအနားကို ယနေ့ နံနက် ၁၁နာရီက မန္တလေးခရိုင်၊ ပုသိမ်ကြီးမြို့နယ်၊ ရွှေစာရံဂေါက်ကွင်း၌ ကျင်းပသည်။

 ပြိုင်ပွဲသို့ အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်ဝင်းဗိုလ်ရှိန်၊ မန္တလေးတိုင်းဒေသကြီး အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး  ဗိုလ်မှူးကြီးကျော်ကျော်မင်း၊ စစ်ဘက်နယ်ဘက်မှ အရာရှိကြီးများ၊ ဌာနဆိုင်ရာများ၊ Maruman Majesty golf Club များကို ဝယ်ယူအားပေးလျက် ရှိသော မန္တလေးမြို့နှင့်အနယ်နယ်အရပ်ရပ်မှ ဂေါက်ဝါသနာရှင် အားကစားသမားများ၊ ပြိုင်ပွဲကြီးမှူးကျင်းပပေးသော ကောင်းမြတ်ကုမ္ပဏီမှ တာဝန်ရှိသူများ၊ ဖိတ်ကြားထားသူများ စုစုပေါင်း ၁၇၀ကျော်တက်ရောက်ကြသည်။

 ထို့နောက် ပြိုင်ပွဲဝင် အားကစားဝါသနာရှင်များက တီခုံ(၁)တွင် နေရာယူထားကြပြီး အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်ဝင်းဗိုလ်ရှိန်နှင့် ကောင်းမြတ်ကုမ္ပဏီလီမိတက် မန်နေးဂျင်းဒါရိုက်တာ ဦးကျော်နိုင်ဝင်းတို့က ဂေါက်သီးရိုက်ပြိုင်ပွဲကို ဖွင့်လှစ်ပေးကြသည်။

 ယင်းနောက်စုပေါင်းမှတ်တမ်းတင်ဓါတ်ပုံရိုက်ကြပြီး ပြိုင်ပွဲဝင်များက ညနေပိုင်းအထိ မိမိတို့အတွဲလိုက်ယှဉ်ပြိုင်ကစားကြသည်။