၂၀၁၈ ခုနှစ် ဖေဖော်ဝါရီလ ၅ ရက်

 မန္တလေးတိုင်းဒေသကြီးအမရပူရမြို့နယ်ရှိ ရထားရဲတပ်ဖွဲ့၊ အမှတ်(၆)တပ်ခွဲ၊ မြစ်ငယ်မွမ်းမံသင်တန်းကျောင်းတွင် ဖေဖော်ဝါရီ ၅ ရက်မှ ဖေဖော်ဝါရီ ၂၃ ရက်ထိ ဖွင့်လှစ်မည့် စိတ်ခံစားမှု သုံးသပ်လေ့လာခြင်း(ဆင့်ပွား)သင်တန်း အမှတ်စဉ်(၁/၂၀၁၈)သင်တန်းဖွင့်ပွဲအခမ်းအနားကို ဖေဖော်ဝါရီ ၅ ရက် နံနက် ၈ နာရီက ကျင်းပပြုလုပ်သည်။

 အဆိုပါ သင်တန်းဖွင့်ပွဲအခမ်းအနားသို့ အမှတ်(၂) ရထားရဲတပ်ဖွဲ့ခွဲမှူး ဒုတိယရဲမှူးကြီး ခင်မောင်လှ တက်ရောက်၍ သင်တန်းဖွင့်အမှာစကား ပြောကြား ရာ “ရထားရဲတပ်ဖွဲ့ဝင် တစ်ဦးချင်းတွင်ရှိသော အရည်အချင်းများကို မွမ်းမံနိုင်သည့် အခွင့်အရေးရရှိစေရန်၊ ပြည်သူများနှင့် အပြန်အလှန် ပြောဆိုဆက်ဆံ ရာတွင် အထောက်အကူဖြစ်စေရန် ရှင်းလင်းတိကျသော ပြောဆို ဆက်ဆံမှုဖြင့် နားလည်မှုလွဲမှားခြင်းကို လျော့နည်းစေရန် ပဋိပက္ခ အလားအလာရှိသော အခြေအနေကို လျှော့ချနိုင်စေရန် ပိုမိုကောင်းမွန်သော ဆက်ဆံရေး တိုးမြှင့်ပေးနိုင်စေရန်နှင့် တပ်ဖွဲ့ဝင်များအနေဖြင့် ပြည်သူလူထုကို အလေးထားပြီး ကောင်းမွန်သော ရဲလုပ်ငန်းစဉ်များ စနစ်တကျ ဆောင်ရွက်တတ်၍ မိမိကိုယ်ကို နည်းစနစ်မှန်ကန်စွာ ထိန်းကျောင်းတတ်စေရန် ရည်ရွယ်ပြီး သင်တန်းကို ဖွင့်လှစ်သင်ကြားပေးရခြင်းဖြစ်ကြောင်း”ပြောကြားသည်။

 သင်တန်းဖွင့်ပွဲသို့ အမှတ် (၁)ရထားရဲတပ်ဖွဲ့ခွဲမှူးရုံး(မန္တလေး)မှ တပ်ဖွဲ့ခွဲမှူး ယာယီရဲမှူး စိုးမိုးလွင်၊ ဌာနချုပ် တပ်ခွဲမှူး ဒုတိယ ရဲမှူး ဇော်အောင်၊ အမှတ် (၃)တပ်ခွဲမှူးရုံး (ရွာထောင်)မှ တပ်ခွဲမှူး ဒုတိယရဲမှူး လေးအောင်၊ အမှတ် (၄)တပ်ခွဲမှူးရုံး(မန္တလေး)မှ တပ်ခွဲမှူး ဒုတိယရဲမှူး တင်မောင်ထွန်း၊ အမှတ် (၆)တပ်ခွဲမှူးရုံး(မြစ်ငယ်)မှ တပ်ခွဲမှူး ဒုတိယ ရဲမှူး သိန်းလင်း၊ (နည်းပြ)ရဲအုပ်  လွင်အောင်တို့နှင့် သင်တန်းသားအရာရှိနှင့် အခြားအဆင့်တပ်ဖွဲ့ဝင်များ တက်ရောက်ကြသည်။