၂၀၁၈ ခုနှစ်၊ ဒီဇင်ဘာလ ၁၂ ရက်

 မန္တလေးတိုင်းဒေသကြီးနယ်မြေအတွင်း မှုခင်းကျဆင်းရေး၊ မှုခင်းမဖြစ်ပွားစေရေးနှင့် ပြည်သူများ စိတ်ချမ်းမြေ့စွာ နေထိုင်သွားလာနိုင်ရေးတို့အတွက် ရဲတပ်ဖွဲ့ဝင်များနှင့် ပူးပေါင်းအဖွဲ့သည် ညစဉ် ပိတ်ဆို့ရှာဖွေစစ်ဆေးရေးများ ပြုလုပ်လျက်ရှိရာ ဒီဇင်ဘာ ၁၀ ရက်က မြို့ဝင်/မြို့ထွက် ဂိတ်များနှင့် မန္တလေးမြို့တွင်း မြို့နယ်(၇)မြို့နယ် သတ်မှတ်(၇)နေရာနှင့် ဒီဇင်ဘာလ ၁၂ ရက် နံနက်ပိုင်းတွင် မြို့ဝင်/မြို့ထွက်ဂိတ်များနှင့် မန္တလေး မြို့တွင်း မြို့နယ် (၃)မြို့နယ် သတ်မှတ်နေရာ (၃)နေရာတွင် အထူးပိတ်ဆို့ရှာဖွေစစ်ဆေးခြင်း၊ ဆိုင်ကယ်၊ ကားလှည့်ကင်းများကို မန္တလေးတိုင်း ဒေသကြီး ရဲတပ်ဖွဲ့မှူး ရဲမှူးကြီး မြင့်ဦး၊ ဒုတိယတိုင်းဒေသကြီးရဲတပ်ဖွဲ့မှူး ရဲမှူးကြီး ကိုကိုလွင်၊ ဒုတိယရဲမှူးကြီး တင်အေးကျော်နှင့် မန္တလေး ခရိုင်ရဲတပ်ဖွဲ့မှူး ဒုတိယရဲမှူးကြီး မျိုးအောင်တို့မှ ဦးစီး၍ ကြပ်မတ်ဆောင်ရွက် လျက်ရှိသည်။