၂၀၁၉ ခုနှစ်၊ ဇွန်လ ၂၆ ရက်

(၃၂)ကြိမ်မြောက် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့ အထိမ်းအမှတ် အခမ်းအနားကို ဇွန်လ ၂၆ ရက်နေ့ နံနက် ၉ နာရီက အ.ထ.က(မတ္တရာ)အောင်ဆန်းခန်းမတွင် ကျင်းပသည်။

 အခမ်းအနားတွင် ပြည်ထောင်စုဝန်ကြီးထံမှ ပေးပို့သော အပြည်ပြည်ဆိုင်ရာ မူးယစ်ဆေးဝါးရောင်းဝယ်မှု တိုက်ဖျက်ရေးနေ့အထိမ်းအမှတ် သဝဏ်လွှာအား မြို့နယ်ရဲတပ်ဖွဲ့မှူး ရဲမှူးကျော်မိုးက ဖတ်ကြားပြီး မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများအန္တရာယ်တားဆီးကာကွယ်ရေး ဗဟိုအဖွဲ့၏ လုပ်ငန်းဆောင်ရွက်ချက်လှုပ်ရှားမှုမှတ်တမ်း Video Clip အား ပြသခဲ့သည်။

အဆိုပါအခမ်းအနားသို့ အထွေအထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးအောင်ကျော်နိုင်နှင့် ဌာနဆိုင်ရာ တာဝန်ရှိသူများ၊ မြို့နယ်ရဲတပ်မှူးနှင့် အရာရှိများ၊ တပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ ဆရာ၊ ဆရာမများနှင့် ကျောင်းသား၊ ကျောင်းသူများ တက်ရောက်ကြသည်။

 တက်ရောက်လာသူများအား ပြန်ကြားရေးနှင့် ပြည်သူဆက်ဆံရေးဦးစီးဌာန မြို့နယ်ဦးစီးမှူးနှင့် ဝန်ထမ်းများက သတင်းစကားလက်ကမ်းစာစောင်များ  ဖြန့်ဝေပေးခဲ့သည်။