၂၀၁၇ ခုနှစ်၊ မတ်လ ၁၇ ရက်

 မန္တလေးမြို့တော်စည်ပင်သာယာရေးကော်မတီ၊ လမ်းတံတားဌာနအနေဖြင့် မြို့တော်အတွင်းရှိ လမ်းများကို ဘဏ္ဍာရေးနှစ်အလိုက် စီမံဆောင်ရွက်ပေး လျက်ရှိရာ မြေသားလမ်းမှ ကျောက်ချောလမ်းသို့ လည်းကောင်း၊ ကျောက်ချောလမ်းမှ ကတ္တရာလမ်းသို့လည်းကောင်း၊ ကတ္တရာလမ်းမှ နိုင်လွန်ကတ္တရာ လမ်းသို့လည်းကောင်း အဆင့်မြှင့်တင်ဆောင်ရွက်ပေးလျက်ရှိသည်။

 ထိုသို့ဆောင်ရွက်ရာတွင် ချမ်းမြသာစည်မြို့နယ်၊ ခိုင်ရွှေဝါလမ်း၊ ၄၈လမ်းနှင့် ၅၅လမ်းကြား ကျောက်ချောလမ်းခြင်းလုပ်ငန်းနှင့် လမ်းဘေး ဝဲ၊ယာ ရေနုတ် မြောင်းများရေစီးရေလာကောင်းမွန်စေရေးအတွက် မြောင်းတူးဖော်ပေးသည့်လုပ်ငန်းကို မတ်လ ၁၀ ရက်က မြို့သစ်နေပြည်သူများအတွက် ဆောင်ရွက် ပေးခဲ့သည်။

 “မြို့တော်အတွင်း လမ်းတွေကောင်းဖို့အတွက် စီမံဆောင်ရွက်ရာမှာ မြို့တွင်း အဓိကကျတဲ့လမ်းတွေကိုတော့ နိုင်လွန်ကတ္တရာလမ်းခင်းပေးလျက်ရှိပါတယ်။ ဒါ့အပြင် လမ်းများအဆင့်မြှင့်တင်ခင်းပေးတဲ့ လုပ်ငန်းတွေ၊ ပြည်သူလူထုလိုအပ်ချက်ရှိတဲ့လမ်းတွေကိုလည်း ဘဏ္ဍာရေးနှစ်အလိုက် ဆောင်ရွက်ပေးလျက် ရှိပါတယ်။ လမ်းကောင်းဖို့ ဆောင်ရွက်ခြင်းနဲ့အတူ ယာဉ်စည်းကမ်း၊ လမ်းစည်းကမ်းကောင်းဖို့ ယာဉ်ကြောခွဲမျဉ်း၊ ယာဉ်ကြောပြမျဉ်းတွေ ရေးဆွဲတဲ့လုပ်ငန်း ကိုလည်း ဆောင်ရွက်ပေးလျက်ရှိပါတယ်”ဟု လမ်းတံတားဌာနက တာဝန်ရှိသူ တစ်ဦးက ပြောသည်။