၂၀၁၇ ခုနှစ်၊ ဧပြီလ ၁၀ ရက်

 မန္တလေးမြို့တော် မဟာသင်္ကြန်မဏ္ဍပ်ကို (၁၃.၄.၂၀၁၇)၊ မဟာသင်္ကြန်အကြိုနေ့ နံနက် (၀၇း၀၀)နာရီတွင် စည်ကားသိုက်မြိုက်စွာ ကျင်းပမည်ဖြစ်ပါသည်။

 မန္တလေးမြို့တော် မဟာသင်္ကြန်မဏ္ဍပ် ဖွင့်ပွဲတွင် မြို့တော်စည်ပင်ဆိုင်းအဖွဲ့၊ စိန်ဒူးဝါးမင်္ဂလာဆိုင်းအဖွဲ့တို့နှင့်အတူ ယိမ်းအကများ၊ နိုင်ငံကျော်အဆိုတော် လင်းလင်း၊ ချစ်သုဝေ၊ သျှီ၊ ဆုန်သင်းပါရ် အပါအဝင် အဆိုတော်များ၏ သီဆိုဖျော်ဖြေမှုများ၊ မြို့မတူရိယာအသင်းကြီးနှင့်အတူ အလှပြယာဉ်များ၊ သံချပ်အသင်းအဖွဲ့များလည်း ပါဝင်ဆင်နွှဲကြမည်ဖြစ်သည်။

 မန္တလေးမြို့တော် မဟာသင်္ကြန်မဏ္ဍပ် ဖွင့်ပွဲအခမ်းအနားကို ပါဝင်ဆင်နွှဲနိုင်ရန် အလှပြယာဉ်များ၊ သံချပ်အသင်းအဖွဲ့များကိုလည်း ဖိတ်ခေါ်ပါသည်။ လိုအပ်သော နေရာချထားမှုများပြုလုပ်နိုင်ရန် ဌာနမှူး၊ ပြည်သူ့ဆက်ဆံရေးနှင့် ပြန်ကြားရေးဌာန (၂၉ လမ်း၊ ၇၃ × ၇၄ လမ်းကြား)သို့ (၁၁.၄.၂၀၁၇)ရက်နေ့အတွင်း ဆက်သွယ်စာရင်းပေးစေလိုပါသည်။

 မန္တလေးမြို့တော်သူ၊ မြို့တော်သားများအနေဖြင့် ဖွင့်ပွဲအခမ်းအနားကို ပါဝင်ဆင်နွှဲကြရန် ဖိတ်ခေါ်ပါသည်။