၂၀၁၇ ခုနှစ် စက်တင်ဘာလ ၅ ရက်

 မန္တလေးမြို့တော်နေ ပြည်သူများသွားလာမှု အဆင်ပြေစေရေးနှင့် မြို့တော်ဖွံ့ဖြိုးတိုးတက်ရေးအတွက် မြို့တွင်း နိုင်လွန်ကတ္တရာ လမ်းခင်းခြင်း လုပ်ငန်းနှင့် ကတ္တရာလမ်းခင်းခြင်းလုပ်ငန်းများ၊ တံတားနှင့်ရေနုတ်မြောင်း တည်းဆောက်ခြင်းလုပ်ငန်းများကို မန္တလေးမြို့တော်စည်ပင်သာယာရေး ကော်မတီ၊ လမ်းတံတားဌာနမှ ဘဏ္ဍာရေးနှစ်အလိုက် ဆောင်ရွက်ပေးလျက်ရှိသည်။

 လမ်းတံတားဌာနမှ သြဂုတ်လအတွင်း နိုင်လွန်ကတ္တရာလမ်းခင်းခြင်းလုပ်ငန်းများ ဆောင်ရွက်ရာ၌ ၂၇ လမ်းကို ၇၅ လမ်းနှင့် ၇၆ လမ်းကြားတွင် အခြေခံလွှာပြုပြင်ခြင်းနှင့် နိုင်လွန်ကတ္တရာလမ်းခင်းခြင်းလုပ်ငန်း၊ ၃၈ လမ်းအား ၆၃ လမ်းနှင့် ၆၄ လမ်းကြားတွင် နိုင်လွန်ကတ္တရာလမ်းပြုလုပ်ခြင်းနှင့် အခြေခံလွှာခင်းခြင်းလုပ်ငန်းတို့ကို ဆောင်ရွက်ခဲ့သည်။ ကတ္တရာလမ်းခင်းခြင်းလုပ်ငန်းတွင် ၅၃ လမ်းတွင် သိပ္ပံလမ်းနှင့်အေလမ်းကြား၊ နှင်းဆီလမ်းအား ၅၆ လမ်းနှင့် ၅၈ လမ်းကြား၊ အကွက်(၂၃၇)၊ ပလိုင်းဓမ္မာရုံမြောက်ဘက်လမ်း ၉၀ နှင့် ၉၁ လမ်းကြားနှင့် ၂၇ လမ်းနှင့် ၂၈ လမ်းကြား ကတ္တရာလမ်း ခင်းခြင်းလုပ်ငန်း၊ ၆၅လမ်း (မြဝတီမင်းကြီးလမ်း A-1 မှ ကုသိုလ်တော်)လမ်းအထိ ကတ္တရာလမ်းခင်းခြင်းလုပ်ငန်း၊ ချယ်ရီလမ်းတွင် ၆၄လမ်းနှင့် ၆၅လမ်း ကြား၊ ၁၂လမ်းအား ကမ်းနားလမ်းအောက်လမ်းနှင့် ကမ်းနားလမ်းအထက်လမ်းကြား ကတ္တရာလမ်းခင်းခြင်းလုပ်ငန်းများကို ဆောင်ရွက်ခဲ့သည်။ ကျောက်ချောလမ်းအနေဖြင့် ရွှေဒါးကျောင်း တိုက်အုပ်ဆရာတော်ကြီး၏ ဈပနအခမ်းအနားတွင် ကမ်းနားလမ်း(ညောင်ပင်ဆိပ်)မှ ပုဂံတိုက်ရွာ အဝင်လမ်း ကျောက်ပျက်ဖြန့်ခင်းခြင်း၊ ကြက်သတ်ရုံအတွင်း ကားရပ်နားရန်နေရာ ကျောက်ပျက်ဖြန့်ခင်းခြင်းတို့ကို ဆောင်ရွက်ခဲ့သည်။ ပြည်သူများလိုအပ်ချက်အရ ဆောင်ရွက်ပေးသည့်လမ်းများမှာ ချမ်းမြသာယာရပ် ကျွဲဆည်ကန်လူနေမှုတိုက်ခန်းနှင့် ကားပစ္စည်းဈေး မြောက်ဘက်ကတ္တရာလမ်းခင်းခြင်း၊ အကွက် (၅၈၉-က) ထိန်ကုန်းရပ်၊ ရတနာလမ်းသွယ် ကတ္တရာလမ်းခင်းခြင်းလုပ်ငန်းများကို ဆောင်ရွက်ခဲ့သည်။

 တံတားလုပ်ငန်းများ ဆောင်ရွက်ရာတွင် ကြက်သတ်ရုံ Car Parking အဝင်တံတား တည်ဆောက်ခြင်းနှင့် ၂၈ လမ်းတွင် ၇၃လမ်းနှင့် ၇၅လမ်းကြား တံတားနှစ်စင်းဘေးချဲ့ခြင်းလုပ်ငန်း၊ ၃၅ လမ်းနှင့် ၇၁ လမ်း မြို့နယ်အုပ်ချုပ်ရေးမှူးရုံး(မဟာ)အဝင်တံတား ဘေးချဲ့ခြင်းနှင့် မဉ္ဇူလမ်းနှင့် ၅၈ လမ်းဆုံ တံတားတစ်စင်း တည်ဆောက်ခြင်းလုပ်ငန်းများ ဆောင်ရွက်ခဲ့သည်။ ရေမြောင်းဆောင်ရွက်ရာတွင် ၃၂လမ်းတွင် ၆၄လမ်းနှင့် ၆၆လမ်းကြား အုတ်ရေမြောင်းတည်ဆောက်ခြင်းနှင့် အမရဌာနီအရှေ့ရပ်ကွက်၊ အကွက်(၁၉/ကခ) ကင်ဆာဖောင်ဒေးရှင်းရှေ့လမ်း အုတ်ရေမြောင်းပြုလုပ်ခြင်း၊ ၆၂လမ်း တွင် လမ်း ၄၀ နှင့် ၄၁လမ်းကြား၊ မနော်ရမ္မံရှေ့ လမ်းခင်းတုံးပြုပြင်ခြင်းနှင့် ဦးပွားဂုံးကျော်အနောက်ဘက် အဆင်းလမ်းတွင် ပျက်စီးနေသော Manhole တစ်ခု ပြုပြင်တပ်ဆင်ခြင်းလုပ်ငန်းများကို မြို့တော်ဖွံ့ဖြိုးတိုးတက်ရေးအတွက် ဆောင်ရွက်ခဲ့ကြသည်။