၂၀၁၇ ခုနှစ်၊ စက်တင်ဘာလ ၈ ရက်

 မန္တလေးမြို့တော်ဝန် စည်ပင်သာယာရေးဝန်ကြီးဌာနဝန်ကြီး ဒေါက်တာရဲလွင်သည် မန္တလေးမြို့တော်စည်ပင်သာယာရေးကော်မတီ ဒုတိယဥက္ကဌ ဒုတိယ မြို့တော်ဝန် ဦးရဲမွန်၊ ကော်မတီဝင်များနှင့်ဌာနမှူးများ၊ အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး၊ မြို့နယ် စည်ပင်သာယာအုပ်ချုပ်ရေးမှူး တို့နှင့်အတူ ယနေ့နံနက် ၈ နာရီခွဲက ချမ်းအေးသာစံမြို့နယ်၊ ပြည်ကြီးခ၏မျက်ရှင်ရပ်ကွက်၊ ၆၄ လမ်းနှင့်၃၁ လမ်းဆုံတွင် လမ်းတံတားဌာနမှ ဆောင်ရွက် လျက်ရှိသော အရှည်ပေ ၅၀၊ ရေသွားလမ်းအကျယ်သုံးပေရှိ အုတ်ရိုးစီကွန်ကရစ်တံတား တည်ဆောက်ရေးလုပ်ငန်းခွင်သို့ ရောက်ရှိစစ်ဆေးရာ တာဝန်ခံ အင်ဂျင်နီယာက တံတားလုပ်ငန်းဆောင်ရွက်နေမှုအခြေအနေနှင့်ပတ်သက်၍ ရှင်းလင်းတင်ပြရာ မြို့တော်ဝန်က အရည်အသွေးစံချိန်စံညွှန်း ပြည့်မီအောင် ဆောင်ရွက်သွားရန် ဖြည့်စွက်မှာကြားသည်။

 ဆက်လက်၍ မြို့တော်ဝန်နှင့် တာဝန်ရှိသူများသည် ၆၄ လမ်းနှင့် ၃၁ လမ်းဆုံအနီး ငွေတချောင်းမြောင်းမကြီး ရေစီးရေလာအခြေအနေကို ကြည့်ရှု စစ်ဆေးကာ မြောင်းတစ်လျှောက် မြောင်းဆယ်စက်ယန္တရားများ အလွယ်တကူဝင်နိုင်ရန် မြောင်းပတ်လမ်းကောင်းမွန်အောင် ဆောင်ရွက်ရေးနှင့် ၃၁ လမ်း အား ကတ္တရာလမ်းအဖြစ် အဆင့်မြှင့်တင်နိုင်ရေးတို့ကို သက်ဆိုင်ရာမြို့တော်စည်ပင် ကော်မတီဝင်နှင့် ဌာနမှူး၊ ရပ်ကွက်အုပ်ချုပ်ရေးမှူးတို့အား ပေါင်းစပ် ညှိနှိုင်းဆောင်ရွက်သွားရန် မှာကြားသည်။