၂၀၁၈ ခုနှစ် ဖေဖော်ဝါရီလ ၇ ရက်

 မန္တလေး၊ ချမ်းမြသာစည်မြို့နယ် ဖွံ့ဖြိုးတိုးတက်ရေးအတွက် နိုင်လွန်ကတ္တရာလမ်း အဆင့်မြှင့်တင် လမ်းခင်းခြင်းလုပ်ငန်းများနှင့် ကိုယ့်အားကိုယ်ကိုး နိုင်လွန်ကတ္တရာလမ်း ခင်းခြင်းလုပ်ငန်းများ ဆောင်ရွက်နေမှုကို ဖေဖော်ဝါရီ ၆ ရက် နံနက်ပိုင်းက မန္တလေးမြို့တော်စည်ပင်သာယာရေးကော်မတီ ကော်မတီဝင်များဖြစ်ကြသော ဦးဇော်မျိုးလွင်၊ ဦးကျော်ဇောအောင်၊ ချမ်းမြသာစည်မြို့နယ်စည်ပင်သာယာအုပ်ချုပ်ရေးမှူး ဦးအောင်အောင်၊ လမ်းတံတား ဌာနမှ တာဝန်ခံ အင်ဂျင်နီယာ ဦးဝင်းနိုင်နှင့် လမ်းဖြစ်မြောက်ရေး တာဝန်ရှိသူများက ကွင်းဆင်းကြည့်ရှုစစ်ဆေးကြသည်။

 ထို့နောက် ကော်မတီဝင်များနှင့် တာဝန်ရှိသူများသည် မြို့သစ်(၃)ရပ်ကွက်၊ ၅၈ လမ်းနှင့် ၅၉ လမ်းကြား၊ အောင်ဆန်းလမ်းနှင့် ငကျွဲလမ်းကြားရှိ ဧကရာဇ်လမ်းနှင့် ဓမ္မာရုံလမ်းတို့ကို ကိုယ့်အားကိုယ်ကိုး နိုင်လွန်ကတ္တရာလမ်းခင်းခြင်းအား စက်ယန္တရားကြီးများဖြင့် ဆောင်ရွက်နေခြင်းကို ကွင်းဆင်း စစ်ဆေးကြပြီး အဆိုပါ လမ်းအရှည် စုစုပေါင်း ၁၃၃၀ ပေ၊ အကျယ် ၁၈ ပေတို့ကို တာဝန်ခံအင်ဂျင်နီယာအား သတ်မှတ်စံချိန်စံညွှန်းနှင့်အညီ ဆောင်ရွက် ရန်နှင့် လိုအပ်သည်များကို ကော်မတီဝင်များက ပေါင်းစပ်ညှိနှိုင်းဆောင်ရွက်ပေးခဲ့သည်။