၂၀၁၈ ခုနှစ်၊ ဇူလိုင်လ ၉ ရက်

 မန္တလေးမြို့တော်ဝန်၊ စည်ပင်သာယာရေးဝန်ကြီးဌာန ဝန်ကြီး ဒေါက်တာ ရဲလွင်သည် မန္တလေးမြို့တော်စည်ပင်သာယာရေးကော်မတီ ဒုတိယဥက္ကဋ္ဌ ဒုတိယမြို့တော်ဝန် ဦးရဲမွန်၊ ကော်မတီဝင်များနှင့် ဌာနမှူးများ လိုက်ပါကာ ဇူလိုင် ၉ ရက် နံနက် ၉ နာရီက မြို့ပြဖွံ့ဖြိုးတိုးတက်ရေးလုပ်ငန်းများကို လှည့်လည်ကြည့်ရှုစစ်ဆေးသည်။

 မြို့တော်ဝန်နှင့်အဖွဲ့သည် မဟာအောင်မြေမြို့နယ်၊ ၆၂ လမ်း၊ ၃၆ လမ်းနှင့် ၃၇ လမ်းကြားရှိ မန္တလေးမြို့တော်စည်ပင်သာယာရေးကော်မတီပိုင် ယခင် ပြည်ကြီးမျက်ရှင်ဟိုတယ် ယခု နဒီမြန်မာဟိုတယ် သို့ ရောက်ရှိပြီး သန့်ရှင်းရေးနှင့် စိမ်းလန်းစိုပြည်ရေး ဆောင်ရွက်ထားရှိမှုနှင့် အဆင့်မြှင့်တင်ရေး လုပ်ငန်းများ ဆောင်ရွက်ရန်တို့ကို လှည့်လည်ကြည့်ရှုစစ်ဆေးကာ တာဝန်ရှိသူများအား လုပ်ငန်း ဆိုင်ရာ လိုအပ်ချက်များကို ဖြည့်စွက်မှာကြားသည်။

 ဆက်လက်၍ မြို့တော်ဝန်နှင့်အဖွဲ့သည် ပြည်ကြီးတံခွန်မြို့နယ်၊ ကနောင်မင်းသားကြီးလမ်းရှိ စက်မှု(၂)ဈေးသို့ ရောက်ရှိကာ တည်ဆောက်ပြီးစီးမှု အခြေအနေများအား ကြည့်ရှုစစ်ဆေးပြီး မြို့တော်ဝန် က သတ်မှတ်ရက်အတွင်း အချိန်မီ ပြီးစီးအပ်နှံနိုင်ရေး ဆောင်ရွက်သွားရန် ဈေးနှင့် သားသတ်ဌာန ဌာနမှူးအား မှာကြားသည်။

 ထိုမှတစ်ဆင့် မြို့တော်ဝန်နှင့်အဖွဲ့သည် စစ်ကိုင်း-မြစ်ငယ်ဖြတ်လမ်းနှင့် ယခင် စစ်ကိုင်းတံတားဟောင်းထိပ် လမ်းဆုံနေရာတွင် မန္တလေးမြို့တော်စည်ပင် သာယာရေးကော်မတီမှ ဆောင်ရွက်လျက် ရှိသော ၇၂ ပေအကျယ် အဝိုင်းပတ် တည်ဆောက်ရေးလုပ်ငန်းသို့ ရောက်ရှိလာရာ လမ်းတံတားဌာန တာဝန်ခံ အင်ဂျင်နီယာက အဝိုင်းပတ်လမ်း ပြုပြင်ခင်းကျင်းဆောင်ရွက်ပြီးစီးမှုနှင့် မီးတိုင် စိုက်ထူ သွားမည့် အခြေအနေကိုလည်းကောင်း၊ ပန်းဥယျာဉ်နှင့်ကစားကွင်းများဌာနမှ အဝိုင်းပတ်အတွင်း ညောင်ဝါ၊ ပတ္တမြားညို၊ ဘိုကတော်မျက်ခုံးအပင်များ စိုက်ပျိုးနေမှု၊ မီးတိုင်ဘေးပတ်လည်တွင် ပန်း စက္ကူ၊ ပုဏ္ဏရိပ်ပင်များနှင့် ကျန်နေရာလွတ်များ၌ ဂျပန်မြက်ပင်များ ဖြည့်စွက်စိုက်ပျိုးသွားမည့်အစီအစဉ်များကို ရှင်းလင်းတင်ပြကြရာ မြို့တော်ဝန်က လိုအပ်ချက်များ ဖြည့်စွက်မှာ ကြားသည်။

 ဆက်လက်၍ မြို့တော်ဝန်နှင့်အဖွဲ့သည် အမရပူရမြို့နယ်၊ မြို့ပတ်ကမ်းနားလမ်း၊ ရွှေကြက်ယက်မှ ရှမ်းကလေးကျွန်းအပိုင်းရှိ မန္တလေးမြို့တော်စည်ပင် သာယာရေးကော်မတီ ပန်းဥယျာဉ်နှင့် ကစားကွင်း များဌာန၊ လူထုအပန်းဖြေပန်းခြံများကို လှည့်လည်ကွင်းဆင်းစစ်ဆေးပြီး မြို့တော်ဝန်က ပန်းခြံများအတွင်း စိမ်းလန်းစိုပြည်ရေးနှင့် ကျူးကျော်မှုများမရှိစေရေးတို့ကို တာဝန်ရှိသူများအား မှာကြားသွား ကြသည်။