၂၀၁၇ ခုနှစ်၊ မတ်လ ၁၄ ရက်

 မန္တလေးတိုင်းဒေသကြီးအတွင်းရှိ မြို့နယ်၊ ကျေးရွာများ၌ ယခုနှစ် မတ်လအတွက် နွေရာသီကာလ ရေပြတ်လပ်မှုမရှိစေရန် တိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ငွေကျပ် သန်း ၂၀ သုံးစွဲ၍ ဆောင်ရွက်သွားမည်ဖြစ်သည်။

 အလားတူ မိတ္ထီလာခရိုင်၊ မလှိုင်မြို့နယ်အတွင်းရှိ ကျေးရွာပေါင်း ၂၄ ရွာရှိသည့်အနက် ၂၀၁၇ ခုနှစ် နွေရာသီကာလတွင် ပူးပြင်းခြောက်သွေ့၍ ရေရှားပါးမှု များဖြစ်ပေါ်လာနိုင်သော ခန့်မှန်းကျေးရွာ ၂၀ ရွာ၌ ရေရှားပါးပြတ်လပ်မှု မဖြစ်ပေါ်စေရေးအတွက် ကြိုတင်စီမံချက် ရေးဆွဲအကောင် အထည်ဖော် ဆောင်ရွက်သွားမည်ဟု မလှိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ပြောကြားခဲ့သည်။

 မလှိုင်မြို့နယ်မှာ ကျေးရွာအုပ်စုပေါင်း ၅၂ အုပ်စု၊ ကျေးရွာပေါင်း ၂၄၇ ရွာ၏ လက်ရှိရေသုံးစွဲမှုမှာ အိမ်ခြေ ၃၂၁၂၁ အိမ်၊ လူဦးရေ ၁၇၄၆၅၆ ဦးရှိပြီး ကျေးလက်ဒေသများအတွင်းရှိ ပြည်သူ များရေရှားပါးမှုများ မဖြစ်ပေါ်စေရေးအတွက် တွင်းနက် ၁၇၁၅ တွင်း၊ တွင်းတိမ်/လက်တူးတွင်း ၈၈၈ တွင်း၊ မိုးရေလှောင်ကန် ၈၉ ကန်၊ (၂၀၁၆-၂၀၁၇) ဘဏ္ဍာရေးနှစ်များတွင်လည်း ရေရှား ပါးသောကျေးရွာများ၌ လက်တူးတွင်း၊ မြေသား ရေကန် စသည်များ ဆောင်ရွက်ပေးခဲ့ပါတယ်။ ယခုနှစ် နွေကာလမှာလဲ ဒေသခံကျေးလက်နေပြည်သူများ ရေရှားပါးမှုမဖြစ်ပေါ်စေရေးအတွက် ကြိုတင်စီမံချက်ရေးဆွဲထားတဲ့ ရေပြတ်လပ်နိုင်တဲ့ ကျေးရွာပေါင်း ခန့်မှန်း ရွာ ၂၀ အား ရေရှားပြတ်လပ်မှုမဖြစ်ပေါ်စေရေးအတွက် ဆောင်ရွက်ပေး သွားမှာပါ ယခုနှစ်(၂၀၁၆-၂၀၁၇) ဘဏ္ဍာရေးနှစ် တွင် စက်ရေတွင်းနက်တူးဖော်ခြင်း လုပ်ငန်း (၄)ခု၊ မြေသားရေကန် (၁) ကန်၊ အခြားလုပ်ငန်း (၁)ခု ဆောင်ရွက်ပေးခဲ့သလို (၂၀၁၇-၂၀၁၈) ဘဏ္ဍာရေးနှစ်တွင် မြို့နယ်အတွင်းရှိ ရေရှားပါးသော ကျေးရွာများ၌ စက်ရေတွင်းနက် တူးဖော်ခြင်း လုပ်ငန်း(၁၀)ခု ဆောင်ရွက်ရန် လျာထားပြီးပါပြီဟု မလှိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးအရာရှိ ဦးအောင်ဗိုလ်ဗိုလ် (နည်းပညာ)က ပြောကြားခဲ့သည်။

 ယခုနှစ်နွေရာသီတွင် မန္တလေးတိုင်းဒေသကြီး (၁၆)မြို့နယ်အတွင်းရှိ ကျေးရွာပေါင်း (၁၆၅)ရွာ၌ ဧပြီလအတွင်း ရေပြတ်လပ်မှုနှင့် ကြုံတွေ့နိုင်ပြီး ယခုမတ်လအတွင်း မြို့နယ်(၁၅)မြို့နယ်ရှိ ကျေးရွာ ၁၄၉ ရွာတွင် ရေရှားပါးလာကာ ဧပြီလတွင် ရေပြတ်လပ်မှုနှင့်အဓိကကြုံတွေ့နိုင်မည်ဟု သက်ဆိုင်ရာ တာဝန်ရှိသူများက ခန့်မှန်းထားသော ကျေးရွာများမှာ မလှိုင်၊ နွားထိုးကြီး၊ ကျောင်ပန်းတောင်း၊ တံတားဦး၊ စဥ့်ကိုင်၊ မြစ်သား၊ ကျေက်ဆည်၊ တောင်သာ၊ ပျော်ဘွယ်၊ ရမည်းသင်း၊ သာစည်၊ ဝမ်းတွင်း၊ ငါန်းဇွန်၊ မိတ္ထီလာမြို့နယ်များ ဖြစ်သလို ရေရှားပါးပြတ်လပ်နိုင်သော ဒေသများရှိ ကျေးရွာများ၌ ယခုနှစ်အတွင်း တိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ငွေကျပ် သန်း(၂၀)သုံးစွဲ ဆောင်ရွက် သွားမည်ဖြစ်သည်။