၂၀၁၇ ခုနှစ်၊ ဧပြီလ ၉ ရက်

 ဧပြီ ၇ ရက်တွင် ကျရောက်သည့် ကမ္ဘာ့ကျန်းမာရေး အထိမ်းအမှတ် အခမ်းအနားအား ဧပြီ ၇ ရက် နံနက် ၁၀ နာရီက မန္တလေးမြို့၊ ချမ်းအေးသာစံမြို့နယ်၊ အမှတ် (၁၆)အခြေခံပညာအထက်တန်းေ ကျာင်း ခန်းမ၌ ကျင်းပရာ မန္တလေးတိုင်းဒေသကြီးအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာ စိုးသန်း၊ မန္တလေးတိုင်းဒေသကြီး ပြည်သူ့ကျန်းမာရေးဦးစီးဌာနမှူး ဒေါက်တာ ဝင်းနိုင်၊ စိတ်ကျန်းမာရေးဆေးရုံကြီး(မန္တလေး)စိတ်ကျန်းမာရေးအထူးကုဆရာဝန်ကြီး ပါမောက္ခ ဒေါက်တာစန္ဒာ၊ တွဲဖက်ပါမောက္ခ ဒေါက်တာ နွယ်နီ၊ ခရိုင် ပြည်သူ့ကျန်းမာရေးဦးစီးဌာနမှူး ဒေါက်တာ ကျော်စိုး၊ ချမ်းအေးသာစံမြို့နယ်အုပ်ချုပ်ရေးမှူး ဦးကျော်ဆွေ၊ ချမ်းအေးသာစံမြို့နယ် ကျန်းမာရေးဦးစီးဌာနမှူး ဒေါက်တာ လင်းလင်းချစ်နှင့် ကျန်းမာရေးဝန်ထမ်းများ၊ ရပ်ကွက်အုပ်ချုပ်ရေးမှူးများနှင့် ရပ်ကွက်နေပြည်သူများ တက်ရောက်ကြသည်။

 အဆိုပါ အခမ်းအနားတွင် ဒေါက်တာ ဝင်းနိုင်က အဖွင့်အမှာစကားပြောကြားပြီး တွဲဖက်ပါမောက္ခ ဒေါက်တာ နွယ်နီက "စိတ်ကျဝေဒနာ ပြောဆိုတိုင်ပင်ပါ"ခေါင်းစဉ်ဖြင့် စိတ်ကျန်းမာခြင်းဆိုတာ စိတ်ကျန်းမာရေး ချို့ယွင်းစေသော အကြောင်းအရာများ၊ စိတ်ကျန်းမာရေး ချို့ယွင်းမှုကြောင့် တွေ့ရသော ပြဿနာများ၊ စိတ်ဓာတ်ကျရောဂါရဲ့ လက္ခဏာများ၊ စိတ်ပိုင်းဆိုင်ရာ နောက်ဆက်တွဲ ပြဿနာများ၊ ခန္ဓာကိုယ်ပိုင်းဆိုင်ရာ ပြဿနာများ၊ လူမှုပတ်ဝန်းကျင်ဆိုင်ရာ ပြဿနာများ၊ စိတ်ကျန်းမာရေး စောင့်ရှောက်ပေးနေသူများ သိထားလိုက်နာသင့်သည့် အချက်များ၊ စိတ်ကျဝေဒနာသည် များကို ကူညီခြင်း၊ စိတ်ကျဝေဒနာကို ဘယ်လိုကာကွယ်မလဲ ခေါင်းစဉ်များကို အကျယ်တဝင့် ရှင်းလင်း၍ မြန်မာနိုင်ငံတွင် စိတ်ကျဝေဒနာရှင် နှစ်သန်းခန့်ရှိကြောင်းတို့ကို ပြောကြားပြီး ရပ်ကွက်နြေ ပည်သူများက သိရှိလိုသည့်အချက်များကို မေးမြန်းရာ ပါမောက္ခ ဒေါက်တာ စန္ဒာနှင့် ဒေါက်တာ လင်းလင်းချစ်တို့က ပြန်လည်ဖြေကြားပြီး အခမ်းအနားကို ရုပ်သိမ်းခဲ့သည်။