၂၀၁၇ခုနှစ် ဧပြီလ ၁၈ရက်

 စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စဥ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနသည် ကျေးလက်နေပြည်သူများ ဆင်းရဲ နွမ်းပါးမှုလျော့ကျစေရန် မြစိမ်းရောင်စီမံကိန်းကို အကောင်အထည်ဖော်ဆောင်ရွက်လျက်ရှိရာ စဥ့်ကူးမြို့နယ် ရွှေလှေကျေးရွာအုပ်စု၊ ကျီတော်ကုန်း ကျေးရွာ၏ မြစိမ်းရောင်စီမံကိန်းချေးငွေဖြင့် အကောင်အထည်ဖော်ဆောင်ရွက်ထားရှိသည့် စိုက်ပျိုးရေး၊ မွေးမြူရေး၊ အရောင်းအဝယ်လုပ်ငန်းဆောင်ရွက် ထားရှိမှုကို စဥ့်ကူးမြို့နယ် ကျေးလက်ဒေသဖွံ့ဖြိုးတိုးတက်ရေး ဦးစီးဌာန ဒုတိယဦးစီးမှူး ဒေါ်ခင်စန္ဒာဝင်းနှင့်အဖွဲ့သည် ယမန်နေ့က အဆိုပါကျေးရွာသို့ သွားရောက်ပြီး ကွင်းဆင်းစစ်ဆေးခဲ့ကာ ကျေးရွာရန်ပုံငွေကြီးကြပ်မှုနှင့် ဘဏ္ဍာရေးဆပ်ကော်မတီတို့ကို လစဉ်ဖြည့်သွင်းထားရှိသည့် ငွေစာရင်းပုံစံများ ဖြည့်သွင်းထားရှိမှုတို့ကို ကြီးကြပ်ခဲ့သည်။

 အဆိုပါကျေးရွာသည် နိုင်ငံတော်မှ ကျေးရွာတစ်ရွာလျှင် ထောက်ပံ့မည့် အရင်းမပျောက် လည်ပတ်ရန်ပုံငွေ ကျပ်သိန်း ၃၀၀ဖြင့် အကောင်အထည်ဖော် ဆောင်ရွက်ခဲ့ပြီး အတိုးငွေများ လစဉ်ရရှိလာကာ ကျေးရွာစီမံကိန်း၏ ရန်ပုံငွေမှာ ဒုတိယနှစ်စီမံကိန်း ရောက်သည်နှင့်အညီ ရန်ပုံငွေတိုးပွားလာပြီး စီမံကိန်း သုံးနှစ်ပြည့်ပါက ဒေသဖွံ့ဖြိုးရေးလုပ်ငန်းများကို ဆောင်ရွက်နိုင်မည်ဖြစ်သည်။