၂၀၁၇ခုနှစ် ဇူလိုင်လ ၂၀ရက်

 စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန စဥ့်ကူးမြို့နယ်အတွင်းရှိ ၂၀၁၇-၂၀၁၈ခုနှစ်တွင် အကောင်အထည်ဖော်ဆောင်ရွက်မည့် မြစိမ်းရောင် စီမံကိန်းကျေးရွာ ခြောက်ရွာအား မြစိမ်းရောင်စွမ်းဆောင်ရည်မြှင့်တင်ရေးနှင့် ငွေစာရင်းပုံစံများ ဖြည့်သွင်းခြင်းသင်တန်းများဖွင့်ပွဲကို ဇူလိုင် ၁၇ရက် နံနက် ၉နာရီခွဲက မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံးခန်းမတွင် ကျင်းပရာ မြို့နယ်မြစိမ်းရောင်စီမံကိန်း အကောင်အထည်ဖော်ဆောင်ရေး လုပ်ငန်းကော်မတီဥက္ကဋ္ဌ ဦးထွန်းကျော်ဇောက  သင်တန်းအဖွင့်အမှာစကားပြောကြားပြီး အတွင်းရေးမှူး ဒေါက်တာခင်ဇော်က သင်တန်းသားများအား သင်ထောက်ကူပစ္စည်းများပေးအပ်သည်။

 အဆိုပါသင်တန်းသို့ မြစိမ်းရောင်စီမံကိန်းကျေးရွာ ခြောက်ရွာမှသင်တန်းသား ၄၂ဦး တက်ရောက်ပြီး သင်တန်းကာလမှာ နှစ်ရက်ကြာမြင့်သည်။