၂၀၁၇ခုနှစ် စက်တင်ဘာလ ၇ရက်

 စဥ့်ကိုင်မြို့နယ်အတွင်း အကောင်အထည်ဖော်ဆောင်ရွက်လျက်ရှိသော မြစိမ်းရောင်စီမံကိန်းကျေးရွာ ၂၈ရွာမှ ကျေးရွာရန်ပုံငွေ ကြီးကြပ်မှု ကော်မတီများ၊ မြို့နယ်ဦးစီးမှူး ဒေါ်ခင်မာစန်းနှင့် ဝန်ထမ်းများသည် မြစိမ်းရောင်စီမံကိန်းလုပ်ငန်းများ အောင်မြင်စွာအကောင်အထည်ဖော် ဆောင်ရွက်စေရန်အတွက် စဥ့်ကိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနရုံး အစည်းအဝေးခန်းမတွင် စက်တင်ဘာလ ၆ရက်နေ့ နံနက် ၁၁နာရီက ဆွေးနွေးပွဲ ကျင်းပသည်။

 အဆိုပါ မြစိမ်းရောင်စီမံကိန်း ကျေးရွာ ၂၈ရွာမှ ကျေးရွာရန်ပုံငွေ ကြီးကြပ်မှုကော်မတီများ စုံညီစွာဖြင့် လစဉ်ဆွေးနွေးမှုများကို စဥ့်ကိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနအနေဖြင့် ဆောင်ရွက်ပေးမှုကြောင့်ကျေးရွာများတွင် မြစိမ်းရောင်ကျေးရွာစီမံကိန်း ဆောင်ရွက်လျက် ရှိသော ကျေးရွာရှိ အသင်းသူ၊ အသင်းသားများ၏ တစ်ပိုင်တစ်နိုင် ကိုယ်ပိုင်စီးပွားရေး အကောင်အထည်ဖော် ဆောင်ရွက်နေမှုအခြေအနေများ၊ ကျေးရွာရန်ပုံငွေ ကြီးကြပ်မှု ကော်မတီဝင်များ၏ ကျေးရွာရန်ပုံငွေအပေါ် စီမံခန့်ခွဲနိုင်မှု အခြေအနေများအား ပွင့်လင်းမြင်သာစွာ ဆွေးနွေးခွင့်ရရှိပြီး တွေ့ကြုံရသော အခက်အခဲများကို ဝိုင်းဝန်းဖြေရှင်းကာ ရှေ့ဆက်ဆောင်ရွက်သွားမည့်လုပ်ငန်းများ ပိုမိုအောင်မြင်စွာ ကြိုးစားဆောင်ရွက်နိုင်သည့် အခွင့်အလမ်းများရရှိကြောင်း စဥ့်ကိုင်မြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူးက ပြောပြသည်။