၂၀၁၇ခုနှစ်၊ စက်တင်ဘာလ ၂၅ ရက်

သာစည်မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးအရာရှိ ဦးလှိုင်မင်းထွန်းနှင့်ဝန်ထမ်းများသည် မြစိမ်းရောင်ကျေးရွာ စီမံကိန်းကို အကောင်အထည်ဖော်ဆောင်ရွက်လျက်ရှိသော လူကုန်းကျေးရွာသို့ စက်တင်ဘာလ ၂၃ ရက်က ကွင်းဆင်းသွားရောက်ကြည့်ရှုကြသည်။

 မြို့နယ်ဦးစီးအရာရှိ ဦးလှိုင်မင်းထွန်းနှင့်အဖွဲ့သည် ရှေးဦးစွာ ကျေးရွာမြစိမ်းရောင်ကြီးကြပ်မှုကော်မတီဝင်များနှင့်တွေ့ဆုံ၍ စီမံကိန်းလုပ်ငန်းများ၏ ငွေစာရင်းထိန်းသိမ်းဆောင်ရွက်ထားရှိမှုကို ကြည့်ရှုစစ်ဆေးပြီး ဆောင်ရွက်အကောင်အထည်ဖော်နေကြသည့်လုပ်ငန်းများ၏ အားသာချက်၊ အားနည်းချက် များကိုဆွေးနွေးကာ အရင်းမပျောက်လည်ပတ်ရန်ပုံငွေများဖြင့် ကျေးလက်စီးပွားရေးလုပ်ငန်းများဖွံ့ဖြိုးတိုးတက်နေမှုအခြေအနေများကို လှည့်လည် ကြည့်ရှုစစ်ဆေးကြသည်။

 အဆိုပါလူကုန်းကျေးရွာသည် အိမ်ထောင်စု ၁၅၈စု၊ လူဦးရေ ၆၈၆ဦးရှိသော ရွာတစ်ရွာဖြစ်သည်။ ၂၀၁၄-၂၀၁၅ဘဏ္ဍာရေးနှစ်မှစတင်ကာ မြစိမ်းရောင် ကျေးရွာစီမံကိန်းကို ငွေကျပ်သိန်း ၃၀၀ ဖြင့် စတင်အကောင်အထည်ဖော်ဆောင်ရွက်ခဲ့သည်။ ဒေသခံကျေးလက်ပြည်သူအများစုမှာ မွေးမြူရေးနှင့် ရောင်းဝယ်ရေးတို့တွင် အဓိကအလေးထား၍ မြစိမ်းရောင်ချေးငွေဖြင့် လုပ်ငန်းများကိုလုပ်ကိုင်လျက်ရှိရာ ယနေ့အထိ လူကုန်းကျေးရွာအနေဖြင့် မြစိမ်းရောင်အရင်းမပျောက်လည်ပတ်ရန်ပုံငွေ တိုးတက်ပွားများလာမှုမှာ ငွေကျပ်သိန်းပေါင်း ၄၂၀ကျော် ရှိသွားပြီဖြစ်သည်။