၂၀၁၇ ခုနှစ်၊ အောက်တိုဘာလ ၁၂ ရက်

 ကျေးလက်နေပြည်သူများအား အလုပ်အကိုင်အခွင့်အလမ်းများ အကောင်အထည်ဖော်ဆောင်ရွက်ပေးခြင်းဖြင့် မိသားစုဖွံ့ဖြိုးတိုးတက်စေပြီး လူနေမှု အဆင့် မြင့်မားလာစေရမည်ဟူသော ရည်ရွယ်ချက်ဖြင့် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ သာစည်မြို့နယ် ကျေးလက်ဒေသဖွံ့ဖြိုး တိုးတက်ရေးဦးစီးဌာနက ကြီးမှူး၍ ကျေးလက်လူငယ်များအတွက် အသက်မွေးဝမ်းကျောင်းအထောက်အကူပြု အခြေခံလက်သမားပညာသင်တန်း ၂/၂၀၁၇ ဖွင့်ပွဲကို အောက်တိုဘာ ၁၂ ရက် နံနက် ၉ နာရီက သာစည်မြို့နယ်၊ ချမ်းသာကြီးကျေးရွာ ဘုန်းတော်ကြီးဝင်းအတွင်း၌ ကျင်းပပြုလုပ်သည်။

 အခမ်းအနားတွင် မန္တလေးတိုင်းဒေသကြီး၊ တိုင်းဒေသကြီးလွှတ်တော်ကိုယ်စားလှယ် ဦးစံထွန်းနှင့် မြို့နယ်ကျေးလက်ဒေသဖွံ့ဖြိုးတိုးတက်ရေး ဦးစီးဌာန ဦးစီးမှူး ဦးဌေးကိုတို့က အမှာစကားပြောကြားကြပြီး မြို့နယ်ဒုတိယအုပ်ချုပ်ရေးမှူး ဦးစစ်ငြိမ်းအေးနှင့် တာဝန်ရှိသူများက သင်တန်းသား များအား လုပ်ငန်းခွင်အထောက်အကူပြု လက်သမားပစ္စည်းများ ပေးအပ်ကြသည်။

 အဆိုပါ သင်တန်းသို့ မြစိမ်းရောင်စီမံကိန်းဝင် ကျေးရွာများမှ ကျေးလက်လူငယ် ၁၀ ဦးတို့ တက်ရောက်ကြပြီး သင်တန်းကာလမှာ ရက်ပေါင်း ၂၀ ကြာမြင့်မည်ဖြစ်သည်။