၂၀၁၇ခုနှစ် ဒီဇင်ဘာ၂၉ရက်

 စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မန္တလေးတိုင်းဒေသကြီး၊ စဥ့်ကူးမြို့နယ်၊ မတ္တရာ မြို့နယ်နှင့် သပိတ်ကျင်းမြို့နယ်တို့တွင် အောက်တိုဘာလက မိုးသည်းထန်စွာရွာသွန်းမှုကြောင့် ပျက်စီးဆုံးရှုံးသွားသောအိမ်ထောင်စု (၂၅)စုအား နိုင်ငံတော်မှ ထောက်ပံ့ငွေပေးအပ်ပွဲအခမ်းအနားကို ဒီဇင်ဘာ၂၉ရက် နံနက် ၉နာရီက စဥ့်ကူးမြို့ မြို့နယ်အထွေထွေအုပ်ချုပ်ရေးဦးစီးဌာန အစည်းအဝေး ခန်းမ၌ ကျင်းပရာ မန္တလေးတိုင်းဒေသကြီး၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်း တက်ရောက်ချီးမြှင့်ပြီး အဖွင့် အမှာစကားပြောကြားသည်။

 အခမ်းအနားတွင် သဘာဝဘေးကြောင့် အိမ်ရာပျက်စီးဆုံးရှုံးခဲ့သော အိမ်ထောင်စု (၂၅)စုအား တိုင်းဒေသကြီးဝန်ကြီး ဒေါက်တာစိုးသန်းနှင့် တာဝန်ရှိသူ တို့က စဥ့်ကူးမြို့နယ်မှ အိမ်ထောင်စု(၂၃)စုအား ငွေကျပ် ၁၅၇သိန်း၊ သပိတ်ကျင်းမြို့နယ်မှ အိမ်ထောင်စု (၁)စုအား ငွေကျပ် တစ်သိန်းခွဲ၊ စုစုပေါင်း အိမ်ထောင်စု(၂၅)စုအား ငွေကျပ် ၁၆၈၅၀၀၀၀ကို ထောက်ပံ့ပေးအပ်ခဲ့ကြပြီး၊ ဒေသခံရပ်မိရပ်ဖကိုယ်စားလှယ်တစ်ဦးက ကျေးဇူးတင်စကားပြန်လည် ပြောကြားသည်။

 အခမ်းအနားသို့ မန္တလေးတိုင်းဒေသကြီး၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်း၊ စဥ့်ကူးမြို့နယ်တိုင်းဒေသကြီး လွှတ်တော်ကိုယ်စားလှယ် ဦးအောင်သန်းထွန်းနှင့် ဒေါက်တာကျော်နိုင်ဦး၊ သပိတ်ကျင်းမြို့နယ် ပြည်သူ့လွှတ်တော်ကိုယ်စားလှယ် ဒေါက်တာအောင်နိုင်၊ မတ္တရာမြို့နယ် တိုင်းဒေသကြီးလွှတ်တော်ကိုယ်စားလှယ် ဦးမောင်မောင်အေး၊ မန္တလေးတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ တိုင်းဦးစီးမှူး ဦးမင်းဟန်၊ ပြင်ဦးလွင်ခရိုင် ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ ခရိုင်ဦးစီးမှူး ဦးစောမြင့်ထွန်းနှင့် မြို့နယ်ဦးစီးမှူးများ၊ မြို့နယ် အုပ်ချုပ်ရေးမှူး ဦးကြည်သက်မောင်နှင့် ဌာနဆိုင်ရာတာဝန်ရှိသူများ၊ သဘာဝဘေးကြောင့် ပျက်စီးဆုံးရှုံးခဲ့သော အိမ်ထောင်စု(၂၅)စုမှ အိမ်ထောင်စုဝင်များ တက်ရောက်ကြသည်။