၂၀၁၈ ခုနှစ်၊ သြဂုတ်လ ၂ ရက်

 မန္တလေးတိုင်းဒေသကြီး၊ မလှိုင်မြို့နယ်တွင် လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)ပေးအပ်ပွဲအခမ်းအနားကို သြဂုတ်လ ၂ ရက် မွန်းလွဲပိုင်းက မလှိုင်မြို့၊ ပန်းလှိုင်ရွှေဝါခန်းမ၌ ကျင်းပသည်။

 ပေးအပ်ပွဲတွင် မန္တလေးတိုင်းဒေသကြီးအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဝန်ကြီး ဒေါက်တာ စိုးသန်းက အဖွင့်အမှာစကား ပြောကြားပြီး ကံကြီးကျေးရွာအုပ်စုမှ တောင်သူများသို့ လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)များကို ပေးအပ်သည်။

 ထို့နောက် မိတ္ထီလာခရိုင် လယ်ယာမြေစီမံခန့်ခွဲမှုအဖွဲ့ဥက္ကဋ္ဌ ဦးသက်လွင်က လယ်ကြီးအုပ်စုမှ တောင်သူများသို့ လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)များကို ပေးအပ်သည်။ တောင်သူများကိုယ်စား လယ်ကြီးကျေးရွာမှ ဦးအောင်သိန်းက ကျေးဇူးတင်စကား ပြန်လည်ပြောကြားသည်။

 လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)ရှိသူ တောင်သူများအနေဖြင့် မိမိစိုက်ပျိုးလုပ်ကိုင်သည့် လယ်ယာမြေများ၏ ကွင်းအမှတ်၊ ဦးပိုင်အမှတ်၊ မြေမျိုး၊ ဧရိယာများကို သိရှိရမည့်အပြင် လယ်ယာမြေ လက်ရှိထားပိုင်ခွင့်၊ လယ်ယာမြေလုပ်ပိုင်ခွင့်၊ လုပ်ပိုင်ခွင့်မှထွက်ပေါ်လာသော အကျိုးအမြတ်ခံစားခွင့်၊ လုပ်ပိုင်ခွင့်အား သတ်မှတ်ထားသော စည်းကမ်းနှင့်အညီ ရောင်းချခွင့်၊ ပေါင်နှံခွင့်၊ ငှားရမ်းခွင့်ရရှိပြီး သတ်မှတ် စည်းကမ်းချက်များကို ဖောက်ဖျက်ခြင်းမရှိသရွေ့ လယ်ယာမြေလုပ်ပိုင်ခွင့်ရရှိသွားမည်ဖြစ်သည်။

 

 အဆိုပါပေးအပ်ပွဲတွင် လယ်ကြီးကျေးရွာအုပ်စုရှိ ကွင်းပေါင်း (၅)ကွင်းမှ တောင်သူ (၃၃)ဦး၏ ဦးပိုင်ပေါင်း (၄၀)၊ ဧရိယာ(၅၁)ဧက၊ ကံကြီးကျေးရွာအုပ်စုရှိ ကွင်းပေါင်း (၆)ကွင်းမှ တောင်သူ (၂၄၀)ဦး၏ ဦးပိုင်ပေါင်း (၃၁၅)၊ ဧရိယာ (၂၇၇)ဧက၊ စုစုပေါင်း ကွင်း (၁၁)ကွင်းရှိ တောင်သူ (၂၇၃)ဦး၏ ဦးပိုင်ပေါင်း (၃၅၅)၊ ဧရိယာ (၃၂၈)ဧကအတွက် လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)များကို ပေးအပ်ခဲ့ပြီး တောင်သူ များအား ရင်းရင်းနှီးနှီးနှုတ်ဆက်ကြသည်။