၂၀၁၈ခုနှစ်၊ နိုဝင်ဘာလ ၂၈ ရက်

 “ငါးစားခရီးဆက်ဘဝတစ်သက်’’ ခေါင်းစဉ်ဖြင့် ငါးစားသုံးမှုမှရရှိသော အာဟာရတန်ဖိုးများနှင့် ကျန်းမာသောလူနေမှုဘဝများဆက်စပ်နေကြောင်း အသိပညာပေးဟောပြောခြင်းကို အာဟာရနှင့်စားနပ်ရိက္ခာဖူလုံရေး အသိပညာပေးလှုပ်ရှားမှုအဖြစ် နိုဝင်ဘာလ ၂၈ ရကက်နေ့၊ နံနက်ပိုင်းက အမရ ပူရမြို့နယ်ရှိ အမှတိ(၁)အခြေခံပညာအထက်တန်းကျောင်း၌ ပြုလုပ်သည်။

 မြန်မာ့ရေသတ္တဝါမွေးမြူရေးကဏ္ဍရေရှည်ဖွံ့ဖြိုးတိုးတက်ရေးစီမံကိန်း၏ အသိပညာပေးလှုပ်ရှားမှုများအဖြစ် ကျေးရွာအာဟာရဆိုင်ရာလှုပ်ရှားမှု၊ ဈေးတွင်း အာဟာရဆိုင်ရာလှုပ်ရှားမှု၊ ကျောင်းတွင်းအာဟာရဆိုင်ရာလှုပ်ရှားမှုများကို ကျိုင်းတုံမြို့၊ ပုသိမ်မြို့၊ ကလေးမြို့နှင့်ရွှေဘိုမြို့တို့တွင် ကျင်းပခဲ့ပြီး မန္တလေး တိုင်းဒေသကြီး အမရပူရမြို့နှင့် ဧရာဝတီတိုင်းဒေသကြီး ပုသ်ိမ်မြို့တို့တွင် တစ်နှစ်ပတ်လုံးပြုလုပ်သွားမည်ဖြစ်သည်။

 ဟောပြောပွဲတွင် မန္တလေးတိုင်းဒေသကြီး စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်းက “မြန်မာ့ရေသတ္တဝါ မွေးမြူရေးကဏ္ဍရေရှည်ဖွံ့ဖြိုးတိုးတက်ရေး(MYSAP)ဟာ ဥရောပသမဂ္ဂ၏ အကူအညီဖြင့် ဆင်းရဲမှုလျော့ချရေးစီမံကိန်း၊ အာဟာရနှင့်စားနပ်ရိက္ခာ ဖူလုံရေးအတွက် ဆောင်ရွက်လျက်ရှိကြောင်း။ အထူးသဖြင့် ကျေးလက်ဒေသများတွင် ငါးနှင့်ငါးထွက်ကုန်များ၏ကောင်းကျိုးများကို အသိပညာပေးပြီး ငါးထွက်ကုန်များ တိုးမြှင့်ခြင်းဖြင့် အစားအစာရရှိနိုင်မှုမြှင့်တင်ခြင်းလုပ်ငန်းများကို အဓိကဆောင်ရွက်လျက်ရှိကြောင်း။ အခမ်းအနားတက်ရောက်သူများ အနေဖြင့် အခြေခံအာဟာရအကြောင်း၊ ငါးမှရရှိနိုင်သော အာဟာရတန်ဖိုးများ၊ အစာအုပ်စုများနှင့်ညီညွတ်မျှတသော အစားအစာများစားသုံးရန် ပိုမို နားလည်လာမည်ဖြစ်ပါကြောင်း။

 ကျေးလက်ဒေသဖွံ့ဖြိုးတိုးတက်ရေးနှင့် တစ်ပိုင်တစ်နိုင်ငါးမွေးမြူရေးလုပ်ငန်းများ ရေရှည်ဖွံ့ဖြိုးတိုးတက်လာစေရေး၊ ငါးမှရရှိသော အာဟာရဓာတ်များကို ကျယ်ကျယ်ပြန့်ပြန့်နားလည်လာပြီး အာဟာရဓာတ်မျှတစွာ စားသောက်လာစေရေး၊ အာဟာရဓာတ်မျှတသောလူငယ်များ၊ ကျောင်းသား၊ ကျောင်းသူများ မှတစ်ဆင့် အသိဥာဏ်ပညာမြင့်မားသော၊ ဝင်ငွေမြင့်မားသော နိုင်ငံသားကောင်းများဖြင့် စီးပွားရေးဖွံ့ဖြိုးသောနိုင်ငံတော် ဖြစ်ပေါ်လာစေရေးတို့အတွက် ဝိုင်းဝန်းကြိုးပမ်းဆောင်ရွက်သွားကြရမည်ဖြစ်ကြောင်း’’ ပြောကြားသည်။

 အဆိုပါဟောပြောပွဲသည် ဥရောပသမဂ္ဂနှင့် ဂျာမနီအစိုးရတို့၏အကူအညီဖြင့်စီမံကိန်းများအကောင်အထည်ဖော်လျက်ရှိသော မြန်မာ့ရေသတ္တဝါမွေးမြူရေး ကဏ္ဍ ရေရှည်ဖွံ့ဖြိုးတိုးတက်ရေးစီမံကိန်း(MYSAP)နှင့် အာဟာရဆိုင်ရာမိတ်ဖက်အဖွဲ့အစည်းများ ပူးပေါင်း၍ ပြုလုပ်ခြင်းဖြစ်ပြီး ငါးစားသုံးမှုမြှင့်တင်ခြင်းနှင့် နေ့စဉ်အစာအုပ်စုမျိုးစုံစားသုံးခြင်းကို ကလေးသူငယ်များ၊ အရွယ်ရောက်ပြီးသော အမျိုးသမီးများကြား ပိုမိုမြှင့်တင်လုပ်ဆောင်သွားရန် ဦးတည်ဆောင်ရွက် သွားမည်ဖြစ်သည်။

 အခမ်းအနားတွင် မြန်မာ့ရေသတ္တဝါမွေးမြူရေးကဏ္ဍ ရေရှည်ဖွံ့ဖြိုးတိုးတက်ရေးစီမံကိန်း(MYSAP)၏ အာဟာရအကြံပေး Ms.Heike Voegler ကလည်း အခမ်းအနားကျင်းပရခြင်းရည်ရွယ်ချက်များကို ရှင်းလင်းပြောကြားပြီး၊ Arts For All Human Drama အဖွဲ့က “ အနုပညာသည်အားလုံးအတွက်’’ ပြဇာတ်ကို ကျောင်းသား၊ကျောင်းသူလေးများနှင့် ပူးပေါင်းတင်ဆက်ခြင်း၊ အာဟာရတန်ဖိုးမပြတ်သန့်ရှင်းလတ်ဆတ်သော ဟင်းချက်သရုပ်ဖော်ပြသခြင်း၊ မြွေလှေကားဂိမ်းကစားခြင်း၊ အာဟာရနှင့်စားနပ်ရိက္ခာဆိုင်ရာ နားလည်မှုဥာဏ်စမ်းမွေးခွန်းများ မေးမြန်းဖြေဆိုခြင်း စသည့် အစီအစဉ်များကို ကျောင်းအုပ်ကြီးများ၊ ဆရာ၊ ဆရာမများ၊ ကျောင်းသား၊ ကျောင်းသူ ၃၀၀ ကျော်နှင့်အတူ အာဟာရဆိုင်ရာအသိပညာပေးပွဲကို ပြုလုပ်ကျင်းပခဲ့သည်။