၂၀၁၉ ခုနှစ် ဇန်နဝါရီလ ၁၁ ရက်

 မန္တလေးတိုင်းဒေသကြီးအမျိုးသမီးကော်မတီ၏ လမ်းညွှန်ကြီးကြပ်မှုဖြင့် ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် ဆောင်ဒါန်းရက်ကန်းနှင့် အသက်မွေးပညာသိပ္ပံတို့ ပူးပေါင်း၍ စက်ချုပ်နည်းပညာအခြေခံနှင့်အဆင့်မြင့် သင်တန်းဆင်းပွဲကို ဇန်နဝါရီလ ၁၁ ရက် နံနက် ၈ နာရီက အမရပူရမြို့နယ်ရှိ ဆောင်ဒါန်းရက်ကန်းနှင့် အသက်မွေးပညာသိပ္ပံအစည်းအဝေးခန်းမ၌ ကျင်းပရာ မန္တလေးတိုင်းဒေသကြီးအစိုးရအဖွဲ့  စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ဝန်ကြီး ဒေါက်တာစိုးသန်း၊ တိုင်းဒေသကြီး၊ မြို့နယ်အဆင့်ဌာနဆိုင်ရာ တာဝန်ရှိသူများ၊ ဆောင်ဒါန်းရက်ကန်းနှင့် အသက်မွေးပညာသိပ္ပံ ကျောင်းအုပ်ကြီးနှင့် ဆရာ၊ ဆရာမများ၊ ရက်ကန်းလုပ်ငန်းရှင်များအသင်းမှ အမှုဆောင်ကော်မတီဝင်များ၊ ဖိတ်ကြားထားသူများနှင့် သင်တန်းသူများ တက်ရောက်ကြသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့  စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ဝန်ကြီး ဒေါက်တာစိုးသန်းက သင်တန်းဆင်းအမှာစကား ပြောကြားပြီး သင်တန်းထူးချွန်ဆုရရှိသူများအား ဂုဏ်ပြုဆုများချီးမြှင့်သည်။

 ဆက်လက်၍ သင်တန်းဆင်းလက်မှတ်များကို မန္တလေးတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူး ဦးစိုးသန်းက ချီးမြှင့်ပြီး မန္တလေးတိုင်းဒေသကြီးအစိုးရအဖွဲ့  စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန ဝန်ကြီး ဒေါက်တာစိုးသန်းနှင့် အဖွဲ့ဝင်များက သင်တန်းသူများ၏ လက်တွေ့ချုပ်လုပ်ထားသော အဝတ်အထည်များကို ကြည့်ရှုအားပေးကြသည်။

 အဆိုပါသင်တန်းကို နိုဝင်ဘာ ၁၃ ရက်မှ ဇန်နဝါရီ ၁၁ ရက်အထိ ၂ လကြာ ဖွင့်လှစ်ခဲ့ပြီး မန္တလေးတိုင်းဒေသကြီးအတွင်းရှိ မြို့နယ်အသီးသီးမှ သင်တန်းသူ ၂၅ ဦး တက်ရောက်ခဲ့ကြသည်။