၂၀၁၉ ခုနှစ်၊ ဇူလိုင်လ ၁ ရက်

 မိတ္ထီလာမြို့နယ်၌ အသက်မွေးဝမ်းကျောင်း အထောက်အကူပြု အခြေခံစက်ချုပ်နည်းပညာသင်တန်းကျောင်း (ဒုတိယအကြိမ်)ကို ယနေ့နံနက် ၈ နာရီခွဲက  အောင်မင်္ဂလာခန်းမ၌ ဖွင့်လှစ်ခဲ့ရာ မန္တလေးတိုင်းဒေသကြီးဝန်ကြီးချုပ်၏ဇနီး အမျိုးသမီးကော်မတီနာယက ဒေါက်တာယုယုမေ၊ တိုင်းဒေသကြီး စိုက်ပျိုးရေး နှင့်မွေးမြူရေးဝန်ကြီး ဒေါက်တာစိုးသန်း၊ လွှတ်တော်ကိုယ်စားလှယ်များ၊ ခရိုင်အုပ်ချုပ်ရေးမှူး ဦးသက်လွင်နှင့် ဌာနဆိုင်ရာတာဝန်ရှိသူများ၊ အမျိုးသမီး ကော်မတီဝင်များ တက်ရောက်ခဲ့ကြသည်။

 ရှေးဦးစွာ မန္တလေးတိုင်းဒေသကြီး အမျိုးသမီးကော်မတီနာယက နိုင်ငံတော် ဖွံ့ဖြိုးတိုးတက်ဖို့ဆောင်ရွက်ရမှာ သက်ဆိုင်ရာလုပ်ငန်းကဏ္ဍအသီးသီးမှာ ဘွဲ့ရ ပညာတက်များလိုအပ်သလို ကျွမ်းကျင်ပညာရှင်၊ ကျွမ်းကျင်လုပ်သား၊ လိုအပ်ချက်များကိုလည်း ပိုမိုအလေးထားဆောင်ရွက်ဖို့ လိုအပ်လျက်ရှိတာကို တွေ့မြင်သိရှိလာပါကြောင်း၊ အသက်မွေးဝမ်းကျောင်းပညာဖြစ်သည့် စက်ချုပ်နည်းပညာရပ်ဆိုတာ လူတန်းစားမရွေး၊ နေရာဒေသမရွေးမရှိမဖြစ် လိုအပ်တဲ့ အတွက် အဆင့်မြင့်ပညာရေးကို အကြောင်းအမျိုးမျိုးကြောင့် ဆက်လက်မသင်ယူနိုင်သူတွေအတွက် စက်ချုပ်ပညာရပ်ကိုတက်မြောက်ပါက အိုးမကွာ၊ အိမ် မကွာ၊စက်ချုပ်ဆိုင်ဖွင့်လှစ်နိုင်ခြင်းကြောင့် မိမိနှင့်မိသားစုစားဝတ်နေရေးအတွက် အထိုက်အလျောက်အဆင်ပြေခြင်း၊ တစ်ဖက်တစ်လှမ်းမှ ထောက်ပံ့ကူညီနိုင်  ခြင်းနှင့် မိမိတို့ရဲ့လူမှုစီးပွားဘဝနယ်ပယ်မှာ လက်တွေ့အသုံးချနိုင်တဲ့ အခွင့်အလမ်းကောင်းတွေရရှိလာမှာဖြစ်ပါတယ်။

 မန္တလေးတိုင်းဒေသကြီးအမျိုးသမီးကော်မတီ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ ရက်ကန်းနှင့်အသက်မွေးပညာသင်တန်းကျောင်းတို့ပူးပေါင်း၍  ဖွင့်လှစ်သည့် အခြေခံပညာစက်ချုပ်နည်းပညာသင်တန်းကို ကျောက်ပန်းတောင်း၊ ညောင်ဦး၊ မြစ်သား၊ ဝမ်းတွင်း၊ စစ်ကိုင်း၊ သပိတ်ကျင်း၊ ပျော်ဘွယ်၊ ရမည်းသင်း၊တောင်သာ၊ မြင်းခြံ၊ မိတ္ထီလာ၊စဥ့်ကူး၊ မတ္တရာမြို့နယ်များမှ သင်တန်းသူ ၂၅ ဦးအား ဇူလိုင်လ ၁ ရက်မှ ၃၁ ရက်အထိ မိတ္ထီလာမြို့ရက်ကန်းနှင့် အသက်မွေးပညာ သင်တန်းကျောင်းတွင် စာတွေ့လက်တွေ့သင်ကြားပေးခဲ့သည်။