၂၀၁၇ခုနှစ်၊ ဖေဖော်ဝါရီလ ၄ရက်

 ကျောက်မျက်ရတနာ လုပ်ငန်းရှင်များအသင်း(မန္တလေး) ၂၀၁၄-၂၀၁၇သက်တမ်း ပဉ္စမအကြိမ် နှစ်ပတ်လည်အသင်းသားစုံညီအစည်းအဝေးကို ဖေဖော်ဝါရီလ ၄ရက် နံနက် ၉နာရီက မန္တလေးမြို့၊ ချမ်းအေးသာစံမြို့နယ်၊ ၂၆လမ်းနှင့် ၆၆လမ်းထောင့်ရှိ ဆီဒိုးနားဟိုတယ်၊ အမရပူရခန်းမ၌ကျင်းပသည်။

 အခမ်းအနားတွင် မန္တလေးတိုင်းဒေသကြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီးဦးမျိုးသစ်က အဖွင့်အမှာစကား ပြောကြားသည်။

 ထို့နောက် ကျောက်မျက်ရတနာလုပ်ငန်းရှင်များအသင်း (မန္တလေး) ဥက္ကဌ ဦးမြင့်ဟန်က နှုတ်ခွန်းဆက် စကားပြောကြားပြီး ဘဏ္ဍာရေးမှူး ဦးမြကျော်စွာဝင်းက နှစ်ချုပ်ငွေစာရင်းရှင်းတမ်းအား ရှင်းလင်းတင်ပြသည်။

 ဆက်လက်၍ ကျောက်မျက်ရတနာလုပ်ငန်းရှင်များအသင်း (မန္တလေး) အသင်းရုံးအဆောက်အအုံတည်ဆောက်ရန် အလှူငွေများပေးအပ်ကြရာ အသင်း ဥက္ကဌ ဦးမြင့်ဟန်က လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်သည်။

 ကျောက်မျက်ရတနာလုပ်ငန်းရှင်များအသင်း(မန္တလေး)သည် ကျောက်မျက်လုပ်ငန်းရှင်များ ကျောက်မျက်ဥပဒေနှင့်အညီ ကျောက်မျက်ရတနာများ တရားဝင် ရောင်းချနိုင်ရေးလုပ်ငန်း လိုင်စင်ပြုလုပ်ပေးခြင်း၊ ကျောက်မျက်အချောထည်များ ပြည်ပသို့ တရားဝင်ရောင်းချနိုင်ရေး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသို့ ခွင့်ပြုချက်ရယူဆောင်ရွက်လျက်ရှိခြင်း၊ မန္တလေး-မူဆယ်လမ်းတွင် နယ်စပ်ဖြတ်ကျော်၍ ကျောက်စိမ်းအချောထည်များ ရောင်းချနိုင်ရေး စုပေါင်းစစ်ဆေးရေးစခန်း (OSS)ကို မန္တလေးတွင် ပထမဆုံးဖွင့်လှစ်ပေးခြင်းတို့ ဆောင်ရွက်နိုင်ခဲ့သည်။