၂၀၁၇ ခုနှစ် မတ်လ ၂၀ ရက်

 မြန်မာ့ရိုးရာယဉ်ကျေးမှုမဟာသင်္ကြန်ပွဲတော်ကာလတွင် ဦးပိန်တံတားသို့ လာရောက်လည်ပတ်သူ များပြားသည့်အတွက် တံတားကြံ့ခိုင်မှုရှိစေရန် ယာယီပြုပြင်ခြင်းလုပ်ငန်းများကို ငွေကျပ် သိန်း ၄၀ သုံးစွဲ၍ အချိန်မီဆောင်ရွက်သွားမည်ဖြစ်ကြောင်း မန္တလေးတိုင်းဒေသကြီးအစိုးရအဖွဲ့၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်က ပြောသည်။

 “ဦးပိန်တံတား ရေရှည်တည်တံ့အောင် ပြုပြင်ထိန်းသိမ်းဖို့ ရန်ပုံငွေလိုအပ်နေတယ်။ လောလောဆယ် သင်္ကြန်တွင်း တံတားကြံ့ခိုင်မှုအတွက် ယာယီပြုပြင်ဖို့ တောင်မင်းကြီး ဂေါပကအဖွဲ့ထံ တံတာြး ပုပြင်ဖို့လှူဒါန်းထားတဲ့ ငွေကျပ်သိန်း ၄၀ နဲ့ ဆောင်ရွက်သွားမှာပါ”ဟု ဝန်ကြီးကပြောသည်။

 ထို့ပြင် သင်္ကြန်ကာလအတွင်း ဦးပိန်တံတားပေါ် ဖြတ်သန်းသွားလာမှု အထူးများပြားသည့်အတွက် တံတားကြံ့ခိုင်မှုနှင့်ပြည်သူများ ဘေးအန္တရာယ် မဖြစ်ပေါ်စေရေးအတွက် ကြိုတင်ဆောင်ရွက်မှု များ လုပ်ဆောင်ရန် အမရပူရမြို့နယ်အုပ်ချုပ်ရေးအဖွဲ့သို့ ညွှန်ကြားထားသည်။

 ဦးပိန်တံတားကြီးအား ရှေးမူမပျက် ပြန်လည်ပြုပြင်ခြင်းလုပ်ငန်းများကို ၂၀၁၆ ခုနှစ် မတ် ၂၃ ရက်မှ စ၍ အလှူရှင် Myanmar Tea Wood ကုမ္ပဏီမှ ဆောင်ရွက်ပြီး တံတားကြီး၏ ကြံ့ခိုင်မှုအားနည်း သည့် အစိတ်အပိုင်းအားလုံးကို ပြန်လည်ပြုပြင်ထိန်းသိမ်းသွားမည်ဖြစ်သော်လည်း လက်ရှိတွင် ၃၀ ရာခိုင်နှုန်း ဆောင်ရွက်ပြီး ရပ်နားထားခဲ့သဖြင့် ဆက်လက်ပြုပြင်မှုများ လုပ်ဆောင်နိုင်ရန် တိုင်းဒေသကြီးအစိုးရအဖွဲ့မှ ဆက်သွယ်မေးမြန်းထားကြောင်း တိုင်းဒေသကြီးဝန်ကြီးက ဆက်လက်ပြောကြားခဲ့သည်။

 ဦးပိန်တံတားကြီးသည် နှစ်ပေါင်း ၁၆၀ ကျော် သက်တမ်းရှိနေပြီဖြစ်၍ နှစ်ကာလကြာမြင့်လာသည်နှင့်အမျှ ဆွေးမြေ့ပျက်စီးမှုများဖြစ်ပေါ်ခဲ့သဖြင့် ၂၀၀၀ ပြည့်နှစ်နောက်ပိုင်းတွင် ငါးကြိမ်တိုင် ပြုပြင် ထိန်းသိမ်းမှုလုပ်ငန်းများဆောင်ရွက်ခဲ့သည့်အပြင် ၂၀၁၄-၂၀၁၅ ဘဏ္ဍာရေးနှစ်တွင်လည်း ခွင့်ပြုရန်ပုံငွေ ကျပ် ၁၃၄ သိန်း အကုန်ကျခံ၍ ပြုပြင်မှုများဆောင်ရွက်ခဲ့သည်။

 အဆိုပါ တံတားကြီးအား ကြံ့ခိုင်မှုရှိစေရန်အတွက် ယခင်ကလည်း ပြုပြင်ထိန်းသိမ်းခြင်းလုပ်ငန်းများဆောင်ရွက်ခဲ့ပြီး တံတား၏ အခန်းပေါင်း ၄၈၁ ခန်းအနက် ကြံ့ခိုင်မှုမရှိတော့သည့် ၆၁ ခန်းမှ တိုင်များ၊ ကြမ်းခင်းများ၊ ထုတ်တန်းများနှင့် ဆင့်တန်းများကို အစားထိုးလှဲလှယ်ခဲ့သည်။ တံတားကြီး၏ ရှေးဟောင်းတိုင်များအား ဗားကရာကျောင်းဝင်းတွင်လည်းကောင်း၊ ကြမ်းခင်းများအား တောင် မင်းကြီး ဂေါပကအဖွဲ့ရုံးတွင်လည်းကောင်း စနစ်တကျ သိမ်းဆည်းထားကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန(မန္တလေးဌာနခွဲ)မှ ပြောကြားခဲ့သည်။