၂၀၁၇ခုနှစ်၊ ဇူလိုင်လ ၃ ရက်

 မန္တလေးတိုင်းဒေသကြီးအစိုးရအဖွဲ့က တင်ဒါကော်မတီဥက္ကဌတာဝန်ပေးလို့ တင်ဒါခေါ်ယူတဲ့လုပ်ငန်း ဘယ်လိုဆောင်ရွက်ရမယ်ဆိုတာ သိရှိနိုင်ဖို့၊ ဆွေးနွေးနိုင်ဖို့တွေ့ဆုံတာဖြစ်ပါတယ်။  ဌာနများအလိုက် အခက်အခဲရှိတာကို ညှိနှိုင်းပေါင်းစပ်ဆောင်ရွက်မယ်ဆိုရင် အဆင်ပြေမယ်လို့ထင်ပါတယ်။ ကျွန်တော့်ဘက်ကအတတ်နိုင်ဆုံး ဖြည့်ဆည်းဆောင်ရွက်ပေးပါ့မယ်။ မန္တလေးမြို့တော်စည်ပင်သာယာရေးလုပ်ငန်းတွေမှာ အကျိုးရှိသွားအောင် တင်ဒါလုပ်ငန်း အောင်မြင်ဖို့လိုပါတယ်ဟု မန္တလေးတိုင်းဒေသကြီးအစိုးရအဖွဲ့ဝင် တင်ဒါကော်မတီဥက္ကဌ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနဝန်ကြီး ဦးမျိုးသစ်က ယနေ့မွန်းလွဲပိုင်းတွင် မန္တလေးမြို့တော်စည်ပင်သာယာရေးကော်မတီရုံး အစည်းအဝေးခန်းမတွင် ကျင်းပသည့် ၂၀၁၇-၂၀၁၈ ဘဏ္ဍာရေးနှစ်အတွင်း အိတ်ဖွင့်တင်ဒါဆောင်ရွက်မည့်လုပ်ငန်းများနှင့် ပတ်သက်၍ ရှင်းလင်းတင်ပြခြင်း အခမ်းအနားတွင် ပြောကြားသည်။

 ဆက်လက်၍ ဒုတိယမြို့တော်ဝန်က ၂၀၁၇-၂၀၁၈ ဘဏ္ဍာရေးနှစ်အတွင်း အိတ်ဖွင့်တင်ဒါဆောင်ရွက်မည့် လုပ်ငန်းများနှင့်ပတ်သက်၍ ရှင်းလင်း တင်ပြသည်။

 ယင်းနောက် ဌာနများအလိုက်အိတ်ဖွင့်တင်ဒါ ဆောင်ရွက်မည့်လုပ်ငန်းများကို စာရင်းဇယားများနှင့်ရှင်းလင်းတင်ပြကြရာ ဒုတိယမြို့တော်ဝန်နှင့် ကော်မတီဝင်များက ဖြည့်စွက်ဆွေးနွေးတင်ပြသည်။

 ထို့နောက် ဆွေးနွေးတင်ပြချက်များအပေါ် တိုင်းဒေသကြီး ဝန်ကြီးက ပေါင်းစပ်ညှိနှိုင်း ဆောင်ရွက်ပေးပြီး နိဂုံးချုပ်အမှာစကား ပြောကြားသည်။

 အဆိုပါ ရှင်းလင်းခြင်းသို့ မန္တလေးမြို့တော်စည်ပင်သာယာရေးကော်မတီ ဒုတိယဥက္ကဌ ဒုတိယမြို့တော်ဝန် ဦးရဲမွန်၊ တွဲဖက်အတွင်းရေးမှူးနှင့် ကော်မတီဝင်များ၊ ဌာနမှူးများ တက်ရောက်ကြသည်။