၂၀၁၇ ခုနှစ်၊ ဇူလိုင်လ ၁၉ ရက်

 နှစ်(၇၀)ပြည့် အာဇာနည်နေ့ အထိမ်းအမှတ် မူလတန်းကြိုကျောင်းများ၊ လူငယ်သင်တန်းကျောင်းများ၊ အမျိုးသမီးကျောင်းများ၊ မသန်စွမ်းကျောင်းများ၊ ပရဟိတဂေဟာများ၏ ကဗျာ၊ သီချင်း၊ ပုံပြင်၊ ကျပန်းစကားပြောပြိုင်ပွဲများနှင့် ဆုချီးမြှင့်ပွဲအခမ်းအနားကို ယနေ့ မွန်းလွဲ ၁ နာရီက မန္တလေးပညာရေးကောလိပ် ပညာတန်ဆောင်ခန်းမတွင် ကျင်းပရာ မန္တလေးတိုင်းဒေသကြီး အမျိုးသမီးရေးရာကော်မတီ နာယကဝန်ကြီးချုပ် ဇနီး ဒေါက်တာယုယုမေတက်ရောက်အားပေးချီးမြှင့်သည်။

 ရှေးဦးစွာ မန္တလေးတိုင်းဒေသကြီး အမျိုးသမီးရေးရာကေ်ာမတီ ဥက္ကဌ သယံဇာတနှင့် သဘာဝတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်က အဖွင့်အမှာစကားပြောကြားသည်။

 ဆက်လက်၍ အမျိုးသမီးကျောင်းများ၊ မူလတန်းကြိုကျောင်းများ၊ မသန်စွမ်းကျောင်းများနှင့် ပရဟိတဂေဟာများမှ ကလေးငယ်များက ကဗျာ၊ သီချင်း၊ ပုံပြင်၊ ကျပန်း စကားပြောစွမ်းရည်များဖြင့် ပြိုင်ပွဲဝင်ဖျော်ဖြေတင်ဆက်ကြသည်။

 ထို့နောက် အကဲဖြတ်ဒိုင်များအား ဂုဏ်ပြုလက်ဆောင်များကိုလည်းကောင်း၊ ဆုရ ကလေးငယ်များအား ဂုဏ်ပြုဆုများကိုလည်းကောင်း တိုင်းဒေသကြီး အမျိုးသမီးရေးရာကော်မတီဥက္ကဌ ဝန်ကြီး ဦးမျိုးသစ်နှင့် တာဝန်ရှိသူများက ဆုများ ချီးမြှင့်ကြသည်။