၂၀၁၇ ခုနှစ်၊ သြဂုတ်လ ၈ ရက်

 မန္တလေးတိုင်းဒေသကြီး လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၊ ကလေးပြုစုရေးဌာနတွင် ယာယီ လက်ခံစောင့်ရှောက်ပေးထားသော မိုးမိတ်မြို့မှ ကလေးငယ်နှစ်ဦးအတွက် ကမ္ဘောဇအနာဂါတ်အလင်းတန်းမြန်မာဖောင်ဒေးရှင်းက ထောက်ပံ့ငွေကျပ် သိန်း ၁၀၀ ပေးအပ်ပွဲကို ယနေ့ နံနက် ၁၁နာရီက ကလေးပြုစုရေးဌာနတွင် ကျင်းပသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်၊ တိုင်းဒေသကြီး လူမှုဝန်ထမ်းဦးစီးမှူးရုံးမှ ညွှန်ကြားရေးမှူး ဦးကျော်ဝင်းနှင့် မလှလှထွေးတို့ထံ ကမ္ဘောဇအနာဂါတ်အလင်းတန်းမြန်မာဖောင်ဒေးရှင်း၊ အထက်မြန်မာပြည် တာဝန်ခံ ဒုတိယအုပ်ချုပ်မှုဒါရိုက်တာ ဦးတင်ထွန်းက ထောက်ပံ့ငွေကျပ် သိန်း ၁၀၀ ပေးအပ်သည်။

 ထို့နောက် လူမှုဝန်ထမ်းဦးစီးမှူးရုံးမှ ညွှန်ကြားရေးမှူးက ကလေးနှစ်ဦး၏ ကျန်းမာရေးအခြေအနေများ၊ ပြုစုစောင့်ရှောက်ပေးမှုအခြေအနေများကို ရှင်းလင်းပြောကြားပြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်နှင့် ကမ္ဘောဇအနာဂါတ်အလင်းတန်းမြန်မာ ဖောင်ဒေးရှင်း၊ အထက်မြန်မာပြည် တာဝန်ခံ ဒုတိယအုပ်ချုပ်မှုဒါရိုက်တာတို့က ကလေးငယ်အား ယုယနွေးထွေးစွာဖြင့် နှစ်သိမ့်စကားများ ပြောကြားကြသည်။

  လူမှုဝန်ထမ်းဦးစီးဌာန၊ ကလေးပြုစုရေးဌာနတွင် ယာယီစောင့်ရှောက်ပေးနေသော ကလေးငယ်နှစ်ဦးမှာ အသက် ၁၂နှစ်အရွယ်နှင့် အသက် တစ်လသားရှိ မိန်းကလေးများဖြစ်ပြီး မိုးမိတ်မြို့၊ ပြည်သူ့ဆေးရုံတွင် အာဟာရပြတ်ပြီး ရောက်ရှိနေသော ကလေး လေးဦးအနက် အသက်ရှင် ကျန်ရှိနေသူ များဖြစ်သည်။

 မိုးမိတ်မြို့၊ ကျောက်လုံးကြီးကျေးရွာတွင် နေထိုင်ကြသည့် မိဘနှစ်ပါးစလုံးမှာ မူးယစ်ဆေးစွဲနေသူများဖြစ်၍ ကလေးများအား အဒေါ်ဖြစ်သူထံအပ်နှံထားခဲ့ ရာမှ ကလေးပြုစုရေးဌာနသို့ ရောက်ရှိလာခြင်းဖြစ်ကာ လူမှုဝန်ထမ်းဦးစီးဌာနစောင့်ရှောက်ပေးနိုင်ရန်အတွက် မန္တလေးတိုင်းဒေသကြီး လူမှုဝန်ထမ်း ဦးစီးမှူးရုံး၊ လားရှိုးခရိုင် လူမှုဝန်ထမ်းရုံး၊ မြို့နယ်အထွေထွေအုပ်ချုပ်ရေးရုံးတို့မှ တာဝန်ရှိသူများ၊ မိုးကုတ်မြို့ ပြည်သူ့ဆေးရုံကြီးမှ ဆေးရုံအုပ်ကြီးတို့၏ ညှိနှိုင်းဆွေးနွေးမှု၊ မိုးကုတ်ဆေးရုံမှ သူနာပြုဆရာမကြီး၊ ဆေးလူမှုဆက်ဆံရေးအရာရှိ၊ မြတ်စေတနာ လူမှုကူညီရေးအသင်း၊ ရတနာသိဒ္ဒိပရဟိတဂေဟာ တို့၏ ကူညီမှုများဖြင့် သြဂုတ် ၂ရက် ည ၇နာရီခွဲခန့်က မန္တလေးသို့ရောက်ရှိပြီး ကလေးပြုစုရေးဌာနတွင် ယာယီလက်ခံစောင့်ရှောက်ပေးထားသည်။

 လူမှုဝန်ထမ်းဦးစီးဌာနတွင်လည်း ဌာနတွင်း ဆရာဝန်၊ သူနာပြုဆရာမကြီး၊ သူနာပြုဆရာမများက အသက်တစ်လသားရှိ မပီပီအေး၏ ကျန်းမာရေး အတွက် အနီးကပ်ပြုစုစောင့်ရှောက်ပေးလျက်ရှိပြီး အသက် ၁၂နှစ်အရွယ်ရှိ မလှလှထွေးအား ဘာသာစကားကျွမ်းကျင်သူဖြင့် လေ့ကျင့်သင်ကြား ပေးလျက်ရှိသည်။

 ဆေးစွဲနေသော မိဘနှစ်ဦးအား ဆေးဖြတ်ခြင်း၊ ပြန်လည်ထူထောင်ခြင်း၊ အသက်မွေးဝမ်းကျောင်းနှင့် သင့်လျော်သော အလုပ်အကိုင်ရရှိစေရေး၊ ရေရှည် အစီအစဉ်များအတွက် ဆွေးနွေးမှုများပြုလုပ်လျက်ရှိသည်။