၂၀၁၇ ခုနှစ် စက်တင်ဘာလ ၅ ရက်

မန္တလေး၊ အောင်မြေသာစံမြို့နယ်၊ ပြည်ကြီးရန်လုံရပ်ကွက်၊ ၈၆ လမ်း၊ ၁၅ လမ်းနှင့် ၁၇ လမ်းကြားရှိ ရပ်ကွက်အုပ်ချုပ်ရေးမှူးရုံးရှေ့၌ ပြည်ကြီးရန်လုံ ရပ်ကွက် လူကုန်ကူးမှုတားဆီးကာကွယ်ရေးဆိုင်ရာ စောင့်ကြည့်အဖွဲ့နှင့် World Vision International Myanmar (Aung Myay Thar Zan)တို့ ပူးပေါင်း ဆောင်ရွက်သည့် မြန်မာနိုင်ငံလူကုန်ကူးမှုတိုက်ဖျက်ရေးနေ့ လူကုန်ကူးမှုအသိပညာပေး မြေစိုက်ပိုစတာစိုက်ထူခြင်းနှင့်ဖွင့်ပွဲကို စက်တင်ဘာ ၅ ရက် နံနက် ၈ နာရီက အဆိုပါရုံးရှေ့၌ ကျင်းပသည်။

 အခမ်းအနားသို့ မန္တလေးတိုင်းဒေသကြီး လူမှုဝန်ထမ်းဦးစီးဌာန တိုင်းဒေသကြီးဦးစီးမှူး ဦးမောင်မောင်၊ အောင်မြေသာစံမြို့နယ် ဒုတိယအုပ်ချုပ်ရေးမှူး ဦးစိုးမြင့်အောင်၊ အမှတ်(၁၁)လူကုန်ကူးမှုတားဆီးနှိမ်နင်းရေး ရဲတပ်ဖွဲ့စု(မန္တလေး)မှ ရဲမှူးမျိုးဇင်၊ World Vision International Myanmar မှ စီမံချက် နယ်မြေတာဝန်ခံ ဒေါ်နော်မာသောနှင့်အဖွဲ့၊ မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်စမ်းယုနိုင်၊ အမှတ်(၄)နယ်မြေရဲစခန်းမှူး ရဲအုပ်မြတ်ကျော်သူ၊ မြို့နယ် စေတနာ့ဝန်ထမ်းမူးယစ်ကြီးကြပ်ရေးမှူးအသင်း တွဲဖက်အတွင်းရေးမှူး ဦးမိုးသန်းဦး၊ ရပ်ကွက်အုပ်ချုပ်ရေးမှူး ဦးဇော်မိုးလွင်နှင့် အကွက်တာဝန်ခံများ၊ (၁၉)ရပ်ကွက်မှ ရပ်ကွက်အုပ်ချုပ်ရေးမှူးများ၊ ရပ်ကွက်အမျိုးသမီးရေးရာအဖွဲ့ဥက္ကဋ္ဌ ဒေါ်အေးအေးသန်းနှင့်အဖွဲ့ဝင်များ၊ ရပ်ကွက် မိခင်နှင့်ကလေး စောင့်ရှောက်ရေးအသင်းဝင်များ၊ ရပ်မိ၊ ရပ်ဖများ၊ လူမှုရေးအသင်းအဖွဲ့များ တက်ရောက်ကြသည်။

 အခမ်းအနားတွင် တိုင်းဒေသကြီးလူမှုဝန်ထမ်းဦးစီးဌာန တိုင်းဒေသကြီးဦးစီးမှူး ဦးမောင်မောင်၊ မြို့နယ်ဒုတိယအုပ်ချုပ်ရေးမှူး ဦးစိုးမြင့်အောင်၊ မြို့နယ် မြို့နယ်အမျိုးသမီးရေးရာအဖွဲ့ဥက္ကဋ္ဌ ဒေါ်စမ်းယုနိုင်၊ အမှတ်(၁၁)လူကုန်ကူးမှုတားဆီးနှိမ်နင်းရေး ရဲတပ်ဖွဲ့စု(မန္တလေး)မှ ရဲမှူးမျိုးဇင်၊ World Vision International Myanmar မှ စီမံချက် နယ်မြေတာဝန်ခံ ဒေါ်နော်မာသောတို့က ပဉ္စမအကြိမ်မြောက် မြန်မာနိုင်ငံလူကုန်ကူးမှုတိုက်ဖျက်ရေးနေ့ အကြို အထိမ်းအမှတ်အဖြစ် လူကုန်ကူးမှုတားဆီးကာကွယ်ရေးဆိုင်ရာ အရေးပေါ် Hot Line ဖုန်းနံပါတ်မြေစိုက်ပိုစတာအား ဖဲကြိုးဖြတ် ဖွင့်လှစ်ပေးကြသည်။

 ဆက်လက်၍ ရဲမှူးမျိုးဇင်နှင့်အဖွဲ့က လူကုန်ကူးမှုတားဆီးကာကွယ်ရေးအသိပညာပေး လက်ကမ်းစာစောင်များ ဖြန့်ဝေခဲ့ကြသည်။