၂၀၁၇ ခုနှစ် စက်တင်ဘာလ ၂၅ ရက်

မိတ္ထီလာတွင် ပြည်သူ့ဝန်ဆောင်မှုလုပ်ငန်းစဉ်တစ်ရပ်ဖြစ်သော နိုင်ငံသားစိစစ်ရေးကတ်ပြား ၁၀၀ ပေးအပ်ပွဲအခမ်းအနားကို စက်တင်ဘာ ၂၄ ရက် မွန်းလွဲ ၂ နာရီက မြို့နယ်အထွေထွေအုပ်ချုပ်ရေးဦးစီးဌာန ပြည်သူ့ဝန်ဆောင်မှုရုံးတွင် ကျင်းပသည်။

 အဆိုပါပေးအပ်ပွဲအခမ်းအနားတွင် အထွေထွေအုပ်ချုပ်ရေးဦးစီးဌာန(ရုံးချုပ်)၊ စီမံရေးရာဌာန ညွှန်ကြားရေးမှူး ဦးအောင်သိုက်ဝင်းက အမှာစကားပြော ကြားပြီး အက်ရှင်အေ့ဒ်မြန်မာ ကွင်းဆင်းဆောင်ရွက်မှု မန်နေဂျာ ဒေါက်တာ စီတဲကုမာက ပြည်သူ့ဝန်ဆောင်မှုပေးရေးလုပ်ငန်းစဉ်တွင် အက်ရှင်အေ့ဒ် မြန်မာ၏ ပူးပေါင်းဆောင်ရွက်မှုအခြေအနေများကို ရှင်းလင်းပြောကြားသည်။

 ဆက်လက်၍ ပြည်သူ့ဝန်ဆောင်မှုပေးရေးလုပ်ငန်းစဉ်များအား လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မြို့နယ်ဦးစီးမှူး ဦးမောင်မောင်ကြည်က ရှင်းလင်းပြောကြားပြီး ပြည်သူ့ဝန်ဆောင်မှုရုံးများ ဖွင့်လှစ်ထားရှိဆောင်ရွက်ပေးမှုအခြေအနေများကို ခရိုင်အုပ်ချုပ်ရေးမှူး ဦးကျော်ကျော်ထွန်းက ရှင်းလင်း ပြောကြားသည်။ ယင်းနောက် မြို့နယ်အတွင်းရှိ ရေငံ(အရှေ့)၊ ဆွာတော၊ သစ်ဆိမ့်ပင်၊ မြိုင်သာ၊ မကျီးချို၊ ရေငံ(အနောက်)ကျေးရွာများမှ ဒေသခံ ၁၀၀ ဦးအား အသက် ၁၈ နှစ်ပြည့် နိုင်ငံသားစိစစ်ရေးကတ်ပြားများကို အမှတ်(၁) မဲဆန္ဒနယ် တိုင်းဒေသကြီးလွှတ်တော်ကိုယ်စားလှယ် ဦးအောင်ကျော်မိုး၊ အမှတ်(၂)မဲဆန္ဒနယ် တိုင်းဒေသကြီးလွှတ်တော်ကိုယ်စားလှယ် ဦးစိုးသန်း၊ ညွှန်ကြားရေးမှူး ဦးအောင်သိုက်ဝင်းနှင့်တာဝန်ရှိသူများက ပေးအပ်သည်။

 ဆက်လက်၍ မြို့နယ်အုပ်ချုပ်ရေးမှူး ဦးသက်နိုင်က ပြည်သူ့ဝန်ဆောင်မှုလုပ်ငန်းစဉ်တွင် ပါဝင်ကူညီဆောင်ရွက်သည့် အက်ရှင်အေ့ဒ်မြန်မာနှင့် ကျေးလက်ဖွံ့ဖြိုးရေးလူငယ်များအား ကျေးဇူးတင်စကားပြောကြားပြီး အသက် ၁၈ နှစ်ပြည့် နိုင်ငံသားစိစစ်ရေးကတ်ပြားများရရှိသူများ ကိုယ်စား ရေငံ (အနောက်)ကျေးရွာဒေသခံ မခိုင်လပြည့်ဝင်းက ကျေးဇူးတင်စကားပြောကြားသည်။