၂၀၁၇ ခုနှစ် အောက်တိုဘာ ၂၄ရက်

 သဘာဝဘေး ကြံ့ကြံ့ခိုင်ရင်ဆိုင်တုံ့ပြန်နိုင်စွမ်း ပြည်သူလူထုအတွင်း ကျယ်ကျယ်ပြန့်ပြန့်ရောက်ရှိစေရန်နှင့် သဘာဝဘေးလျော့ပါးရေး လုပ်ငန်းများတွင် ရပ်ရွာလူထု၊ အရပ်ဘက် လူမှုအဖွဲ့အစည်းများ၊ ဌာနဆိုင်ရာများ ဟန်ချက်ညီညီ ဆောင်ရွက်နိုင်စေရန် ရည်ရွယ်၍ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မန္တလေးတိုင်းဒေသကြီး ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ကြီးမှူးကျင်းပသော သဘာဝဘေးလျော့ပါးရေး စေတနာ့ဝန်ထမ်း လူငယ်(နည်းပြ)သင်တန်းကို မန္တလေး၊ ပြည်ကြီးတံခွန်မြို့နယ်ရှိ မန္တလေးခရိုင် Community Centre သင်တန်းခန်းမတွင် အောက်တိုဘာ ၂၄ ရက် နံနက် ၉ နာရီက ကျင်းပသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနဝန်ကြီး ဦးမျိုးသစ်က အဖွင့်အမှာစကားပြောကြားသည်။

 ထို့နောက် မန္တလေးတိုင်းဒေသကြီး ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ ဒုတိယညွှန်ကြားရေးမှူး ဦးနေမျိုးထွန်းက သင်တန်းဖွင့်လှစ်ရခြင်း ရည်ရွယ်ချက်များအား ရှင်းလင်းပြောကြားသည်။

 ၎င်းနောက် မန္တလေးတိုင်းဒေသကြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တိုင်းဒေသကြီးဦးစီးမှူး ဒေါ်ဝေဝေဖြိုးက Community Centre ဖွင့်လှစ်ထားရှိမှု ရည်ရွယ်ချက်များကို ရှင်းလင်းပြောကြားသည်။

 အဆိုပါသင်တန်းကို အောက်တိုဘာ ၂၄ ရက်မှ အောက်တိုဘာ ၃၀ ရက်ထိ ဖွင့်လှစ်သွားမည်ဖြစ်ပြီး ဌာနဆိုင်ရာများမှ သင်တန်းသား၊ သင်တန်းသူ (၃၀)ဦး၊ အရပ်ဘက်လူမှု့အဖွဲ့အစည်းများမှ (၃၀)ဦး စုစုပေါင်း သင်တန်းသား၊ သင်တန်းသူ (၆၀)ဦး၊ တက်ရောက်ကြသည်။

 သင်တန်းဖွင့်ပွဲသို့ မန္တလေးတိုင်းဒေသကြီးအစိုးရအဖွဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး၊ ကယ်ဆယ်ရေးနှင့် ပြန်လည်နေရာချထားရေးဦးစီးဌာနမှ တာဝန်ရှိသူများ၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူများ၊ သင်တန်းသား၊ သင်တန်းသူများ တက်ရောက်ခဲ့ကြသည်။