၂၀၁၈ ခုနှစ်၊ ဇွန်လ ၁၂ ရက်

 မန္တလေး၊ အောင်မြေသာစံမြို့နယ်၊ ပြည်ကြီးရန်လုံရပ်ရှိ ပန်းမြို့တော်ဓမ္မာရုံတွင် ဇွန်လ ၁၂ ရက် နံနက်က လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မြို့နယ်ဦးစီးမှူးရုံး ဝန်ထမ်းများက ရပ်ကွက်နေပြည်သူများ၏ အိမ်ထောင်စု လူဦးရေ စာရင်း စစ်ဆေးခြင်း ကွင်းဆင်းလုပ်ငန်း ဆောင်ရွက်နေမှုကို မန္တလေးတိုင်းဒေသကြီးအစိုးရအဖွဲ့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ် ကြည့်ရှုစစ်ဆေးသည်။

 အိမ်ထောင်စုလူဦးရေစာရင်း စစ်ဆေးခြင်းလုပ်ငန်းတွင် မွေးဖွားလာသော ကလေးများအား စာရင်းတိုးပေးခြင်း၊ သေဆုံးသွားသူများအား စာရင်းလျှော့ခြင်း၊ အိုးအိမ်ခွဲ နေထိုင်သူများအား အိမ်ထောင်စုစာရင်း ခွဲပေးခြင်း၊ ပျောက်ဆုံး၊ ပျက်စီးေ နသော အိမ်ထောင်စုလူဦးရေစာရင်းများအား မိတ္တူထုတ်ပေးခြင်း၊ မိသားစုဝင်များကိုင်ဆောင်သော နိုင်ငံသားစိစစ်ရေးကတ်နံပါတ်များအား ရေးသွင်းပေးခြင်းနှင့် နိုင်ငံသားစိစစ်ရေးကတ်ပြား မရရှိသေးသောသူများအား စာရင်းထုတ်နုတ်ပြု စုခြင်းများ ဆောင်ရွက်ပေးသည်။

 ပြည်သူများ အိမ်ထောင်စုလူဦးရေစာရင်းနှင့်ပတ်သက်၍ မွေးတိုးဆောင်ရွက်လိုပါက သက်ဆိုင်ရာမြို့နယ် လဝကရုံးသို့ သွားရောက်ဆောင်ရွက်ရပြီး တစ်နေကုန် စောင့်ဆိုင်းဆောင်ရွက်ရခြင်း၊ ငွေကြေးပေးရခြင်း၊ ပြည်သူများ အလုပ်ပျက် အကိုင်ပျက်ဖြစ်ရကြောင်း၊ ယခုကဲ့သို့ ကွင်းဆင်းဆောင်ရွက်ပေးမှုကြောင့် မန္တလေးတိုင်းဒေသကြီးရှိ မြို့နယ်များအားလုံးတွင် ပြည်သူများ ကြိတ်ကြိတ်တိုး ဆောင်ရွက်နေကြပြီး ငွေကြေးကုန်ကျမှုမရှိဘဲ လွယ်ကူစွာ ဆောင်ရွက်နိုင်ခြင်းအပေါ် အောင်မြေသာစံမြို့နယ်နေ ပြည်သူတစ်ဦးက အထူးပင် ဝမ်းသာကျေနပ်ရပါကြောင်း၊ လာရောက်ကြသော ပြည်သူများလည်း ပျော်မဆုံးဖြစ်ရကြောင်း ပြောပြသည်။

 မန္တလေးတိုင်းဒေသကြီးအတွင်းရှိ ဝန်ထမ်းအင်အား အနေအထားအရ မြို့ပေါ်ရပ်ကွက်များကိုသာ ပထမဆုံး ကွင်းဆင်းဆောင်ရွက်ပေးခဲ့ကြောင်း၊ ကျေးရွာများတွင် ဆောင်ရွက်ရန် ဝန်ထမ်းအင်အား နည်းသဖြင့် မလုပ်နိုင်သေးကြောင်း၊ ကြားဖြတ်ရွေးကောက်ပွဲ ကျင်းပမည့် သပိတ်ကျင်းမြို့နယ်နှင့် မြင်းခြံမြို့နယ်များတွင် ကျေးရွာများကိုပါ အတတ်နိုင်ဆုံး ကွင်းဆင်းဆောင်ရွက်ပေးသွားမှာဖြစ်ကြောင်း၊ ယနေ့အထိ မန္တလေးတိုင်းဒေသကြီးတစ်ခုလုံးတွင် မွေး၊ တိုး၊ စာရင်းသွင်း (၁၂၀၉၅)ဦး၊ သေဆုံးစာရင်း လျှော့ (၁၄၄၉၂)ဦးနှင့် အိမ်ထောင်စုစာရင်းမိတ္တူထုတ်ပေးခြင်း (၄၀၇၄)ဦးဖြစ်သည်။