၂၀၁၉ ခုနှစ် မေလ ၂၁ ရက်

 အလုပ်သမားညွှန်ကြားရေးဦးစီးဌာနနှင့် ရွှေ့ပြောင်းသွားလာမှုဆိုင်ရာ နိုင်ငံတကာအဖွဲ့အစည်း IOM တို့ကြီးမှူးကျင်းပသော ရွှေ့ပြောင်းသွားလာနေထိုင်ခြင်းနှင့် ဖွံ့ဖြိုးရေးဆိုင်ရာဆွေးနွေးပွဲကို ၂၀၁၉ ခုနှစ်၊ မေလ ၂၁ ရက်နေ့ နံနက် ၁၀ နာရီက ၆၇လမ်း၊  ၃၂ လမ်းနှင့် ၃၃ လမ်းကြား၊ Hotel Sakura Princess ရှိ ချယ်ရီခန်းမတွင် ကျင်းပသည်။

 ဆွေးနွေးပွဲသို့ မန္တလေးတိုင်းဒေသကြီးအစိုးရအဖွဲ့ဝင် သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်၊ တိုင်းဒေသကြီးအသီးသီးမှ လွှတ်တော်ကိုယ်စားလှယ်များ၊ မန္တလေးတိုင်းဒေသကြီး အလုပ်သမားညွှန်ကြားရေး ဦးစီးဌာန ညွှန်ကြားရေးမှူး ဒေါ်အေးမွန်စိုး၊ အသက်မွေးဝမ်းကျောင်းနှင့်စားနပ် ရိက္ခာ ဖူလုံရေးရန်ပုံငွေ(Life Myanmar)၊ ရွှေ့ပြောင်းသွားလာမှုဆိုင်ရာ နိုင်ငံတကာအဖွဲ့အစည်း IOM၏ မြန်မာနိုင်ငံဆိုင်ရာ ဌာနေကိုယ်စားလှယ်အဖွဲ့မှ တာဝန်ရှိ သူများ၊ ဖိတ်ကြားထားသူများ တက်ရောက်ကြသည်။

 “မန္တလေးတိုင်းနှင့် မကွေးတိုင်းက ခြောက်သွေ့ဇုန်ထဲမှာပါတယ်၊ ဖွံ့ဖြိုးတိုးတက်မှုအရ ရေရရှိမှု၊ ဒေသခံတွေဟာ ရာသီဥတု ပူပြင်းမှုဒဏ်တွေကြောင့် ခြောက်သွေ့ဇုန်မှာကျရောက်တဲ့ ဒေသခံတွေဟာ ရွှေ့ပြောင်းအလုပ်လုပ်ကြရပါတယ်၊ ရွှေ့ပြောင်းအလုပ်လုပ်ကြရတဲ့အခါ တရုတ်၊ ထိုင်း၊မလေးရှားစတဲ့နီးစပ်ရာ နေရာတွေကို သွားကြရပါတယ်။

 ၂ဝ၁၄ ခုနှစ် မြန်မာနိုင်ငံလူဦးရေနှင့်သန်းခေါင်စာရင်းအရဆိုရင် ရွှေ့ပြောင်းသွားလာသူ ၂ သန်းရှိတယ်လို့သိရပါတယ်၊ ပြည်ပသွားရောက်တဲ့အလုပ်သမားတွေ တရားဝင်နည်းလမ်းနဲ့သွားနိုင်အောင် အလုပ်သမားညွှန်ကြားရေးဦးစီးဌာနနှင့် အဓိကချိတ်ဆက်ဖို့ သတင်းအချက်တွေရယူဖို့၊ ဒုက္ခမရောက်ခင်ကြိုတင်သိထားဖို့ လိုပါတယ်” ဟု မန္တလေးတိုင်းဒေသကြီးဒေသကြီး သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်ကပြောသည်။

 ရွှေ့ပြောင်းသွားလာခြင်းနှင့်ဖွံ့ဖြိုးရေးဆိုင်ရာ ချိတ်ဆက်မှုအား လွှတ်တော်ကိုယ်စားလှယ်ကြီးများနှင့် အစိုးရအဖွဲ့အစည်းများမှ တာဝန်ရှိသူများအား အသိပေး ဆွေးနွေးခြင် မန္တလေးတိုင်းဒေသကြီးအတွင်းပြုလုပ်ခဲ့သည့် မြန်မာပြည်တွင်း ဆင်းရဲနွမ်းပါးမှုလျော့ချရေးနှင့် အားလုံးပါဝင်သော ဖွံ့ဖြိုးတိုးတက်ရေးအတွက် လူသားရွှေ့ပြောင်းသွားလာမှုကို မြှင့်တင်ခြင်း၊ (CHIMe) သုတေသနလေ့လာမှုမှ မန္တလေးတိုင်းဒေသကြီးအတွင်း လေ့လာတွေ့ရှိချက်များကို တင်ပြခြင်း၊ လုပ်သားရွှေ့ပြောင်းသွားလာခြင်းနှင့် ဖွံ့ဖြိုးရေးဆိုင်ရာချိတ်ဆက်မှု၏ အပေါင်းလက္ခဏာဆန်သော ကောင်းကျိုးများကို မြှင့်တင်နိုင်ရန် ဆွေးနွေးပွဲ တက်ရောက်သူများနှင့် လွှတ်တော်ကိုယ်စားလှယ်ကြီးများမှ အကြံပြုဆွေးနွေးခြင်းစသည့် ရည်ရွယ်ချက်များဖြင့်ကျင်းပခြင်းဖြစ်သည်။

 ဆွေးနွေးပွဲတွင် အသက်မွေးဝမ်းကျောင်းနှင့် စားနပ်ရိက္ခာဖူလုံရေး ရန်ပုံငွေ Life Myanmar မှ Mr.Benjamin Harkils၊ ရွှေ့ပြောင်းသွားလာနေထိုင်ခြင်းဆိုင်ရာ နိုင်ငံတကာအဖွဲ့အစည်း IOM ၏  မြန်မာနိုင်ငံဆိုင်ရာဌာနေကိုယ်စားလှယ် Mr.Akio Nakayama တို့က ရွှေ့ပြောင်းသွားလာနေထိုင်ခြင်းနှင့် ဖွံ့ဖြိုးရေးဆိုင်ရာ အကြောင်းအရာများနှင့်ပတ်သက်၍လည်းကောင်း၊ အလုပ်သမားညွှန်ကြားရေးဦးစီးဌာန ညွှန်ကြားရေးမှူး ဒေါ်အေးမွန်စိုးက အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ဦးဆောင်အကောင်အထည်ဖော်လျက်ရှိသော လုပ်ငန်းစဉ်များအကြောင်းကိုလည်းကောင်း၊  IOM စီမံကိန်း မန်နေဂျာ Ms. Undraa Suren က ရွှေ့ပြောင်းသွားလာမှုနှင့် ဖွံ့ဖြိုးရေးဆက်နွယ်မှုသဘောတရားများအကြောင်းကိုလည်းကောင်း၊ National Liasion and Programme Officer,  IOMမှ ဦီးအောင်ကျော်သန်းက အစိုးရနှင့် အိုင်အိုအမ်တို့၏ ပူးပေါင်းဆောင်ရွက်မှုရွှေ့ပြောင်းသွားလာခြင်း၏ အပေါင်းလက္ခဏာ အကျိုးဆက်များအား မြှင့်တင်ခြင်းဆိုင်ရာ လုပ်ငန်းစဉ်များအကြောင်းအားလည်းကောင်း ရှင်းလင်းဆွေးနွေးပြောကြားကြသည်။

 ဆွေးနွေးပွဲအား အစီအစဉ်အတိုင်းကျင်းပရာ ညနေပိုင်းတွင် ဖွံ့ဖြိုးရေးအတွက် လုပ်သားရွှေ့ပြောင်းသွားလာခြင်း၏ အပေါင်းလက္ခဏာ အကျိုးဆက်များ မြှင့်တင်ရန်နှင့် လွှတ်တော်ကိုယ်စားလှယများ၏ အခန်းကဏ္ဍကို အဖွဲ့များခွဲ၍ အုပ်စုဖွဲ့ဆွေးနွေးခြင်းနှင့်ဆွေးနွေးမှုရလဒ်များအား ပြန်လည်သုံးသပ်ဆွေးနွေး ခြင်းများ ပြုလုပ်ခဲ့ကြောင်း သိရသည်။