၂ဝ၁၉ ခုနှစ် မေလ ၂၉ ရက်

 အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့နှင့် ILO-VZ တို့ပူးပေါင်း၍ အလုပ်တွင်ထိခိုက်မှု အကျိုးခံစားခွင့် အာမခံစနစ် လုပ်ငန်းဖြေလျော့မှုစမ်းသပ်စီမံက်ိန်း စတင်ခြင်းအခမ်းအနားကို မေလ ၂၉ ရက် နံနက် ၁၀ နာရီက ၇၈ လမ်းနှင့် ၃၄ လမ်းထောင့်၊ ရတနာပုံစူပါစင်တာ လေးလွှာရှိ မန္တလေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း MRCCI အစည်းအဝေးခန်းမတွင် ကျင်းပသည်။

 အခမ်းအနားသို့ မန္တလေးတိုင်းဒေသကြီးအစိုးရအဖွဲ့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်၊ လွှတ်တော်အသီးသီးမှ ကိုယ်စားလှယ်များ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လူမှုဖူလုံရေးအဖွဲ့ ညွှန်ကြားရေးမှူးချုပ် ဦးမောင်မောင်အေးနှင့် ဌာနဆိုင်ရာများမှ တာဝန်ရှိသူများ၊ အပြည်ပြည်ဆိုင်ရာ အလုပ်သမားရေးရာအဖွဲ့မှ Ms. Mariana Infante Villarroel နှင့် ကိုယ်စားလှယ်များ၊ အလုပ်ရှင် အဖွဲ့အစည်းနှင့် အလုပ်သမားအဖွဲ့အစည်းတို့မှ ကိုယ်စားလှယ်များတက်ရောက်ကြသည်။

 အပြည်ပြည်ဆိုင်ရာပြဋ္ဌာန်းချက်များဖြစ်သည့် Universal Declaration of Human Right(UDHR) ၁၉၄၈ခုနှစ်နှင့် The International Covenant on Economic, Social and Culture Right(ICESCR) ၁၉၆၆ခုနှစ်တို့၌ လုပ်ငန်းခွင်ထိခိုက်မှု အကာအကွယ်ပေးရေးဆိုင်ရာအခွင့်အရေးများကို ပြဋ္ဌာန်းထားရှိပြီး ၎င်းအခွင့်အရေးများရရှိရန်အတွက် နိုင်ငံတကာ၌ အစိုးရ၊ အလုပ်ရှင်၊ အလုပ်သမားပူးပေါင်း၍ ဘေးကင်းပြီး ကျန်းမာရေးနှင့်ပြည့်စုံသည့် လုပ်ငန်းခွင်အခြေအနေ ဖန်တီးပေးခြင်း၊ ကြိုတင်ကာကွယ်ခြင်း၊ ကုသပေးခြင်းနှင့် လုပ်ငန်းခွင်ရောဂါများ ထိန်းချုပ်ကာကွယ်ခြင်းအပြင် လုပ်ငန်းခွင် ထိခိုက်ဒဏ်ရာရရှိသည့် အလုပ်သမားနှင့် ယင်း၏ မိသားစုဝင်များအား သင့်တော်သည့် အကျိုးခံစားခွင့်များ ပေးခြင်းတို့ကို ဥပဒေပြဋ္ဌာန်းခြင်း၊ မူဝါဒနှင့် လုပ်ငန်းစဉ်များချမှတ်ခြင်းတို့ဖြင့် ဆောင်ရွက်လျက်ရှိသည်ကို တွေ့ရှိရမှာဖြစ်ကြောင်း၊ တိုင်းဒေသကြီးအတွင်း အလုပ်လုပ်ကိုင်နေကြသည့် အလုပ်သမားများ နေထိုင်သွားလာမှုအဆင်ပြေစေရေး လုပ်ငန်းခွင်ဘေးအန္တရာယ်ကင်းရှင်းရေး၊ ကျန်းမာရေးစောင့်ရှောက်မှု ပိုမိုပြည့်စုံကောင်းမွန်စေရေး၊ လုပ်ငန်းခွင် တည်ငြိမ်ရေး၊ အလုပ်ရှင်၊ အလုပ်သမားဆက်ဆံမှုကောင်းမွန်စေရေး၊ အငြင်းပွားမှုများပေါ်ပေါက်လာလျှင် အလုပ်သမားဥပဒေများနှင့် အညီ ဖြေရှင်းဆောင်ရွက်ပေးရေးတို့ကို မိမိတို့တိုင်းဒေသကြီးအစိုးရအဖွဲ့မှ သက်ဆိုင်ရာဝန်ကြီးဌာန၊ အလုပ်ရှင်၊ အလုပ်သမားအဖွဲ့အစည်းများနှင့် ပူးပေါင်း ဆောင်ရွက်လျက်ရှိပါကြောင်း၊ လူမှုဖူလုံရေး အဖွဲ့အနေနှင့်လည်း ငွေကြေးအကျိုးခံစားခွင့်နှင့် ကျန်းမာရေးစောင့်ရှောက်မှုလုပ်ငန်းများ ပိုမိုကောင်းမွန်အောင် ဆောင်ရွက်နိုင်ရန် ILO ၏ နည်းပညာအကူအညီရယူပြီး ပြုပြင်ပြောင်းလဲမှုများ ဆောင်ရွက်ရာတွင် စီမံခန့်ခွဲမှု ကဏ္ဍပြုပြင်ပြောင်းလဲခြင်းနှင့် ပတ်သက်ပြီး အလုပ်တွင် ထိခိုက်မှု အကျိုးခံစားခွင့်လျှောက်ထားရာတွင် ဆောင်ရွက်ရမည့် လုပ်ငန်းစဉ်များကို ဖြေလျှော့ပြီး ယခုကဲ့သို့ ပြည်ကြီးတံခွန်မြို့နယ်၌ စမ်းသပ်စီမံက်ိန်း  စတင်ဆောင်ရွက်ခြင်းဖြစ်သည့်အတွက် မိမိတို့တိုင်းဒေသကြီးအနေဖြင့် လိုအပ်ချက်များကို ဝိုင်းဝန်းကူညီဆောင်ရွက်ပေးမည်ဖြစ်ကြောင်း၊ အလုပ်သမားများ၏ အကျိုးခံစားခွင့်များကို ထိရောက်မြန်ဆန်စွာပေးနိုင်ပါက လူမှုဖူလုံရေးစီမံကိန်းကို အလုပ်ရှင်၊ အလုပ်သမားများ ပိုမိုယုံကြည်အားကိုးလာမှာ ဖြစ်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်က ပြောကြားသည်။

 လူမှုဖူလုံရေးအဖွဲ့အနေဖြင့် အလုပ်တွင် ထိခိုက်မှုအကျိုးခံစားခွင့် အာမခံစနစ်လုပ်ငန်းဖြေလျှော့မှု စမ်းသပ်စီမံကိန်းကို နိုင်ငံတကာမှ ကျွမ်းကျင်သူ ပညာရှင်များနှင့် ပူးပေါင်းပြီး လေ့လာဆန်းစစ်မှုများပြုလုပ်၍ စမ်းသပ်စီမံကိန်းကို ၂၀၁၉ ခုနှစ် ဇွန်လ ၁ ရက်နေ့မှ ဒီဇင်ဘာလအထိ ရန်ကုန်တိုင်းဒေသကြီး၊ လှိုင်သာယာမြို့နယ်နှင့် မန္တလေးတိုင်းဒေသကြီး၊ ပြည်ကြီးတံခွန်မြို့နယ်တို့တွင် စမ်းသပ်ဆောင်ရွက်သွားမည်ဖြစ်သည်။

 လူမှုဖူလုံရေးအဖွဲ့အနေဖြင့် အာမခံအလုပ်သမားများအား ကျန်းမာရေးစောင့်ရှောက်မှုပေးခြင်းနှင့် မကျန်းမာမှု၊ မီးဖွားမှု၊ သေဆုံးမှုနှင့် အလုပ်တွင် ထိခိုက်ဒဏ်ရာ ရမှုတို့ကြောင့် လုပ်ခဝင်ငွေလျော့နည်းခြင်း၊ ရပ်စဲခြင်းများဖြစ်ပေါ်သည့်အခါ အလုပ်သမားနှင့် ၎င်းအပေါ်မှီခိုနေသည့် မိသားစုဝင်တို့အား ငွေကြေးအကျိုးခံစားခွင့် ခွင့်ပြုထုတ်ပေးခြင်းဖြင့် စီးပွားရေး၊ လူမှုရေး ဒုက္ခများခံစားရခြင်းမှ ကာကွယ်ပေးရန်ဖြစ်ကြောင်း၊ လုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးဆိုင်ရာ ဥပဒေကို ၂၀၁၉ ခုနှစ် မတ်လ ၁၅ ရက်နေ့က ထုတ်ပြန်ခဲ့ပြီး နည်းဥပဒေများ ရေးဆွဲ ထုတ်ပြန်နိုင်ရန် အတွက် ဆွေးနွေးညှိနှိုင်းမှုများ ဆောင်ရွက်လျက်ရှိကြောင်း၊ လုပ်ငန်းခွင်ဘေးအန္တရာယ်ကင်းရှင်းရေးသည် အလုပ်သမားအားလုံးအတွက် အရေးကြီးသော လုပ်ငန်းစဉ်ဖြစ်ပြီး အကြောင်းအမျိုးမျိုးကြောင့် လုပ်ငန်းခွင်တွင် မတော်တဆထိခိုက်မှုများတွေ့ကြုံရလာပါက လူမှုဖူလုံရေးဥပဒေနှင့် အကျုံးဝင်သည့် အလုပ်သမားများသည် အလုပ်တွင် ထိခိုက်မှုအကျိုးခံစားခွင့် အာမခံစနစ်သို့ ထည့်ဝင်ကြေးပေးသွင်းထားရုံဖြင့် ဆေးကုသမှုခံယူခွင့်၊ ယာယီမသန်စွမ်းမှု အကျိုးခံစားခွင့်၊ အမြဲတမ်းမသန်စွမ်းမှုအကျိုးခံစားခွင့်နှင့် အလုပ်ကို အကြောင်းပြု၍ သေဆုံးမှုကြောင့် ကျန်ရစ်သူအကျိုးခံစားခွင့်တို့အား ဥပဒေပါ ပြဋ္ဌာန်းချက် နှင့်အညီ ခံစားရမှာဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လူမှုဖူလုံရေးအဖွဲ့ ညွှန်ကြားရေးမှူးချုပ် ဦးမောင်မောင်အေး ကပြောသည်။

 လုပ်ငန်းခွင်ဘေးအန္တရာယ်ကင်းရှင်းရေးနှင့် ကျန်းမာရေးသည် လူသားများ၏အခွင့်အရေးပင်ဖြစ်ပြီး လုပ်ငန်းခွင်မတော်တဆဖြစ်မှုနှင့် လုပ်ငန်းခွင်နှင့် သက်ဆိုင်သည့် ရောဂါများကြောင့် နှစ်စဉ် အလုပ်သမား ၂.၇၈သန်း သေဆုံးကြရကြောင်း၊ ယင်းအနက်မှ ၂.၄သန်းခန့်သည် လုပ်ငန်းခွင်နှင့် သက်ဆိုင်သည့် ရောဂါများကြောင့် သေဆုံးရခြင်းဖြစ်ကြောင်း အပြည်ပြည်ဆိုင်ရာ အလုပ်သမားရေးရာအဖွဲ့ILO ၏ ထုတ်ပြန်ထားသည့် နောက်ဆုံးခန့်မှန်းခြေစာရင်းအရ သိရသည်။

 အလုပ်တွင် ထိခိုက်မှုအကျိုးခံစားခွင့် အာမခံလုပ်ငန်းဖြေလျော့မှု စမ်းသပ်စီမံက်ိန်း စတင်ခြင်းအခမ်းအနားတွင် Senior Technical Officer Ms. Mariana Infante Villarroel က Ell Piolt Projectဒီဇိုင်းရေးဆွဲခြင်းနှင့် ပတ်သက်၍လည်းကောင်း၊ လူမှုဖူလုံရေးအဖွဲ့ ညွှန်ကြားရေးမှူး ဒေါ်သန်းသန်းနုက Ell Piolt Project ဖြေလျော့မှုလုပ်ငန်းများအား ပရောဂျက်ဖြင့်ရှင်းလင်းတင်ပြခဲ့ပြီး တက်ရောက်လာသူများမှ သိရှိလိုသည်များအား ပြန်လည်ရှင်းလင်းဖြေကြားခဲ့သည်။