၂၀၁၉ခုနှစ်၊ ဇွန်လ ၉ ရက်

 မြန်မာနိုင်ငံရင်ခွင်မဲ့ကလေးငယ်များ လျှော့ချရေးနှင့် ကာကွယ်စောင့်ရှောက်ရေးအသင်း၏ မန္တလေးတိုင်းဒေသကြီးအတွင်း တိုင်းဒေသကြီးအဆင့်၊ ခရိုင်အဆင့်၊ မြို့နယ်အဆင့်အသင်းများအား အလံပေးအပ်ပွဲနှင့် အလုပ်အမှုဆောင်အဖွဲ့ဝင်များ ကတိသစ္စာခံယူပွဲအခမ်းအနားကို ဇွန်လ ၉ ရက် နံနက် ၉ နာရီခွဲက မင်္ဂလာမန္တလေး ရှင်းလင်းဆောင်တွင် ကျင်းပသည်။

 ရှေးဦးစွာ မန္တလေးတိုင်းဒေသကြီး အမျိုးသမီးကော်မတီဥက္ကဋ္ဌ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်နှင့် မြန်မာနိုင်ငံ ရင်ခွင်မဲ့ကလေးငယ်များ လျှော့ချရေးနှင့် ကာကွယ်စောင့်ရှောက်ရေးအသင်း(ဗဟို) ဥက္ကဋ္ဌ ဒေါ်မေယဉ်ထွန်းက အမှာစကားပြောကြားသည်။ ထို့နောက် တိုင်းဒေသကြီး၊ ခရိုင်၊ မြို့နယ် ဖွဲ့စည်းရေးတာဝန်ခံ ဒေါက်တာယုယုမေက မန္တလေးတိုင်းဒေသကြီးအတွင်း ရင်ခွင်မဲ့ ကလေးငယ်များ လျှော့ချရေးနှင့် ကာကွယ်စောင့်ရှောက်ရေးအသင်း တိုင်းဒေသကြီးအဆင့်၊ ခရိုင်နှင့် မြို့နယ်အဆင့်အသင်းများဖွဲ့စည်းဆောင်ရွက်မှုများနှင့် ပတ်သက်၍ ရှင်းလင်းပြောကြားသည်။

 ဆက်လက်၍ (ဗဟို)အသင်းဥက္ကဋ္ဌနှင့် တာဝန်ရှိသူများက တိုင်းဒေသကြီး၊ ခရိုင်၊ မြို့နယ်အဆင့် အသင်းများအား အသင်းအလံ၊ အလုပ်အမှုဆောင် အဖွဲ့ဝင်များ အတည်ပြု တာဝန်ပေးအပ်လွှာ၊ အသင်းဖွဲ့စည်းပုံစာအုပ်နှင့် ရင်ထိုးတံဆိပ်များကို ပေးအပ်ရာ တိုင်းဒေသကြီး၊ ခရိုင်၊ မြို့နယ်တို့မှ အသင်းဥက္ကဋ္ဌ များနှင့် အတွင်းရေးမှူးများက လက်ခံရယူကြသည်။

 ယင်းနောက် တိုင်းဒေသကြီး၊ ခရိုင်၊ မြို့နယ်အသင်း အလုပ်အမှုဆောင် အဖွဲ့ဝင်များက ကတိသစ္စာခံယူခဲ့ကြကာ အသင်း(ဗဟို)အထွေထွေ အတွင်းရေးမှူး ဒေါက်တာမြသီတာက ရှေ့လုပ်ငန်းစဉ်များနှင့် ပတ်သက်၍ ရှင်းလင်းပြောကြားပြီး(ဗဟို)တွဲဖက် အတွင်းရေးမှူး ဒေါက်တာပြုံးမွန်အိက ကျေးဇူးတင်စကား ပြောကြားသည်။