၂၀၁၅ခုနှစ်၊ အောက်တိုဘာလ ၁ရက်

 မန္တလေးတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် ၂၀၁၅ခုနှစ် အပြည်ပြည်ဆိုင်ရာသက်ကြီးရွယ်အိုများနေ့အခမ်းအနားကို အောက်တိုဘာ ၁ရက် နံနက်၈နာရီက မန္တလေးမြို့တော်ခန်းမတွင်ကျင်းပသည်။

 အခမ်းအနားတွင် မန္တလေးတိုင်းဒေသကြီးအစိုးရအဖွဲ့ဝန်ကြီးချုပ် (ကိုယ်စား) တိုင်းဒေသကြီးစီမံကိန်းနှင့်စီးပွားရေးဝန်ကြီးဌာန ဝန်ကြီးဦးအောင်ဇံ အမှာ စကားပြောကြားသည်။

 ထို့နောက် မန္တလေးခရိုင်အတွင်းရှိ အခမ်းအနားသို့တက်ရောက်လာသည့် အသက် ၉၅နှစ် နှင့်အထက် အသက်ကြီးအဘိုး၊ အဘွားများအား မန္တလေးတိုင်း ဒေသကြီး မိခင်နှင့်ကလေးစောင့်ရှောက်ရေးအသင်း နာယကဒေါ်မြတ်ငွေ၊ မန္တလေးတိုင်းဒေသကြီးအစိုးရအဖွဲ့အစည်းဝင်များက အလှူငွေနှင့်ကန်တော့ ပစ္စည်းများပေးအပ်ကြသည်။ ထို့နောက် အခမ်းအနားသို့မတက်ရောက်နိုင်သော အဘိုး၊ အဘွားများအား အိမ်တိုင်ရာရောက် ကန်တော့ငွေများပေးအပ်နိုင် ရန် တိုင်းဒေသကြီးစီမံကိန်းနှင့်စီးပွားရေးဝန်ကြီးဌာန ဦးအောင်ဇံက မြို့နယ်အုပ်ချုပ်ရေးမှူးထံ အလှူငွေများလွှဲပြောင်းပေးအပ်သည်။

 ၂၀၁၅ခုနှစ်အပြည်ပြည်ဆိုင်ရာသက်ကြီးရွယ်အိုများနေ့ ဆောင်ပုဒ်ဖြစ်သော "ဘိုး၊ဘွားအားလုံးပါဝင်ဖို့၊ ရေရှည်တည်အောင်ကြိုးပမ်းစို့" နှင့်အညီ မန္တလေးတိုင်းဒေသကြီးတွင် သက်ကြီးသူချင်းကူညီစောင့်ရှောက်ရေးကို ကျေးရွာများတွင် ဖွဲ့စည်းဆောင်ရွက်လျက်ရှိပြီး ဆင်းရဲနွမ်းပါးမှုလျော့ပါးရေးနှင့် ကျေးလက်ဒေသဖွံ့ဖြိုးရေးကို တစ်ဖက်တစ်လမ်းက အထောက်အကူပြုစေရန် သက်ကြီးရွယ်အိုများဦးစီးသော ကျေးလက်ဒေသဖွံ့ဖြိုးရေးအစီအစဉ်ကို လည်းအကောင်အထည်ဖော်လျက်ရှိသည်။