၂၀၁၇ ခုနှစ်၊ သြဂုတ်လ ၃၁ ရက်

 Unique Asia Travels & Tours မှ တာဝန်ယူဆောင်ရွက်သော Air Asia Travel Service Center (Mandalay)ဖွင့်ပွဲ အခမ်းအနားကို သြဂုတ်လ ၃၁ ရက် နံနက် ၈ နာရီခွဲက မန္တလေး၊ ချမ်းအေားသာစံမြို့နယ်၊ ၇၃လမ်း၊ ၂၉လမ်းနှင့် လမ်း၃၀ကြားတွင် ကျင်းပရာ မန္တလေးတိုင်း ဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီးဌာန ဝန်ကြီး ဦးမြတ်သူ၊ Unique Asia Travels & Tours မှ ဒါရိုက်တာ ဦးလင်းဇော်ဝေမန်း၊ မန်နေဂျင်းဒါရိုက်တာ ဒေါ်ဆုဝေထက်လှိုင်၊ Thai Air Asia Co.,Ltd. မှ Mr.Tep Neeranatporee တို့က ဖဲကြိုးဖြတ်ဖွင့်လှစ်ပေးသည်။

 Air Asia Travel Service Center (Mandalay)တွင် Air Asia လေယာဉ်လက်မှတ်များရောင်းချခြင်း၊ လေယာဉ်လက်မှတ် ရက်ပြောင်းရွှေ့ခြင်း နှင့် Air Asia ဖြင့်သွားသည့် ခရီးစဉ်များအတွက် လိုအပ်သော စီစဉ်ဆောင်ရွက်မှုအားလုံးကို ဝန်ဆောင်မှုများပေးမည့်အပြင် မန္တလေးလေဆိပ် အကြို၊ အပို့ကားစီစဉ်ပေးခြင်း၊ ကားအငှားဝန်ဆောင်မှုပေးခြင်း၊ ခရီးစဉ်များ စီစဉ်ဆောင်ရွက်ပေးခြင်း၊ ဗီဇာဝန်ဆောင်မှုများကို စီစဉ်ဆောင်ရွက် ပေးသွားမည်ဖြစ်သည်။

 Air Asia သည် မန္တလေးမှ ဘန်ကောက်သို့ စက်တင်ဘာလတွင် တနင်္လလာ၊ ဗုဒ္ဓဟူး၊ သောကြာ၊ တနင်္ဂနွေနေ့များတွင် တစ်နေ့လျှင် နှစ်ကြိမ် ပျံသန်းပြီး ကျန်နေ့များတွင် တစ်ကြိမ် ပျံသန်းလျက်ရှိရာ အောက်တိုဘာလမှစတင်၍ တစ်နေ့လျှင် နှစ်ကြိမ် ပျံသန်းသွားမည်ဖြစ်ပြီး ဘန်ကောက် မှတစ်ဆင့် အာရှနိုင်ငံများနှင့် သြစတေးလျနိုင်ငံရှိ လေဆိပ်ပေါင်း ၁၀၀ ကျော်သို့ ချိတ်ဆက်ပျံသန်းပြေးဆွဲသွားမည်ဖြစ်ပြီး မန္တလေး-ဘန်ကောက် အသွားအပြန်လက်မှတ်ကို တစ်စောင်လျှင် US ဒေါ်လာ 70 မှ Promotion ပေး၍ ရောင်းချပေးသွားမည်ဖြစ်သည်။