၂၀၁၈ ခုနှစ်၊ ဇူလိုင်လ ၁ ရက်

 မန္တလေးတိုင်းဒေသကြီးအစိုးရအဖွဲ့၏ စီမံကိန်းဖြစ်သော မန္တလေး-မြို့သာ စက်မှုဥယျာဉ်မြို့တော် တည်ဆောက်ရေးစီမံကိန်းအား အစိမ်းရောင်မြို့တော် ကြီးဖြစ်ပေါ်လာစေရေးအတွက် ပတ်ဝန်းကျင်စိမ်းလန်းစိုပြေရေးလှုပ်ရှားမှု ၂၀၁၈ ခုနှစ်၊ မိုးရာသီသစ်ပင်စိုက်ပျိုးပွဲကို ဇူလိုင် ၈ ရက် နံနက် ၉ နာရီက မန္တလေးတိုင်းဒေသကြီး၊ ငါန်းဇွန်မြို့နယ်ရှိ အဆိုပါ စီမံကိန်းဧရိယာအတွင်း၌ ကျင်းပသည်။

 မိုးရာသီသစ်ပင်စိုက်ပျိုးပွဲသို့ မန္တလေးတိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး ဦးမြတ်သူ၊ ပြည်သူ့လွှတ်တော်ကိုယ်စားလှယ် ဦးမင်းသိန်း၊ ခရိုင်အုပ်ချုပ်ရေးမှူး ဦးကျော်ဝင်းဦး၊ MMID ဥက္ကဋ္ဌ ဦးအောင်ဝင်းခိုင်နှင့် စီမံကိန်းဝန်ထမ်းများ၊ ဌာနဆိုင်ရာများ၊ ကျောင်းသား၊ ကျောင်းသူများ၊ စီမံကိန်းအနီးဝန်းကျင်ရှိ ကျေးရွာအုပ်ချုပ်ရေးမှူးများနှင့် ဒေသခံပြည်သူများ စုစုပေါင်းအင်အား ၈၀၀ ကျော် တက်ရောက်ကြသည်။

 သစ်ပင်စိုက်ပျိုးပွဲတွင် မန္တလေးတိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြတ်သူနှင့် တာဝန်ရှိသူများက စိန်းပန်းပင်ကို စတင် စိုက်ပျိုးပေးကြပြီး တက်ရောက်လာသူများက ၂၀၁၈ ခုနှစ် ပတ်ဝန်းကျင်စိမ်းလန်းစိုပြေရေးလှုပ်ရှားမှု မိုးရာသီသစ်ပင်စိုက်ပျိုးပွဲ အထိမ်းအမှတ်အဖြစ် စိန်ပန်း၊ ယူကလစ်၊ တည်ပင်နှင့် ပိတောက်ပင်များကို တပျော်တပါး စုပေါင်းစိုက်ပျိုးကြရာ တိုင်းဒေသကြီးဝန်ကြီးနှင့် တာဝန်ရှိသူများက လှည့်လည်ကြည့်ရှု အားပေးကြသည်။ ယနေ့ သစ်ပင်စိုက်ပျိုးပွဲတွင် စိန်ပန်းပင် ၂၀၀၀၊ ယူကလစ်ပင် ၁၀၀၀၊ တည်ပင် ၅၀၀ နှင့် ပိတောက်ပင် ၅၀၀၊ ပျိုးပင်စုစုပေါင်း အပင် ၄၀၀၀ စိုက်ပျိုးခဲ့ကြပြီး ဇူလိုင်လ မိုးရာသီအတွင်း ပျိုးပင်စုစုပေါင်း ၃၀၀၀၀ ကျော် စိုက်ပျိုးသွားမည်ဖြစ်သည်။

 “ဒီဒေသက ပူပြင်းခြောက်သွေ့တဲ့ဒေသဖြစ်တယ်။ အခုလိုစိုက်ပျိုးတဲ့နေရာမှာ စီမံကိန်းဧရိယာအတွင်း ရေလုံလောက်မှုရရှိအောင် စတင်လုပ်ဆောင်ကာ ဒေသနဲ့ကိုက်ညီတဲ့ အပင်ကိုပျိုးပြီး အစိမ်းရောင်ဥယျာဉ်မြို့တော်ကြီးဖြစ်အောင် ဆောင်ရွက်သွားမှာပါ”ဟု MMID ဥက္ကဋ္ဌ ဦးအောင်ဝင်းခိုင်က ပြောကြားခဲ့သည်။