၂၀၁၈ခုနှစ်၊ အောက်တိုဘာလ ၁၀ ရက်

 တာဝန်ယူမှုရှိသော ရင်းနှီးမြှုပ်နှံမှုများ ပိုမိုဝင်ရောက်လာစေရန်နှင့် လာမည့်နှစ် ၂၀ အတွင်း ရင်းနှီးမြှုပ်နှံမှုပမာဏ အမေရိကန်ဒေါ်လာ ၂၀၀ ဘီလီယံကျော် ရရှိစေရန် မျှော်မှန်းရေးဆွဲထားသည့် မြန်မာနိုင်ငံ ရင်းနှီးမြှုပ်နှံမှုမြှင့်တင်ရေးစီမံကိန်းစာအုပ်မိတ်ဆက်ပွဲကို အောက်တိုဘာလ ၁၀ ရက်နေ့ နံနက် ၉ နာရီက သိပံ္ပလမ်းနှင့် ၇၁ လမ်းနှင့် ၇၂ လမ်းကြား မန္တလေး၊ ကွန်းဗင်းရှင်းစင်တာတွင် ကျင်းပသည်။

 အခမ်းအနားသို့ မန္တလေးတိုင်းဒေသကြီးအစိုးရအဖွဲ့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်၊ ကုမ္ပဏီများညွှန်ကြားမှုဦးစီးဌာန ညွှန်ကြားရေးမှူးချုပ်၊ မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦး၊ ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ JICA၊ GIZနှင့် သက်ဆိုင်ရာဝန်ကြီးဌာနများမှ တာဝန်ရှိသူများ၊ ရင်းနှီးမြှုပ်နှံမှုနှင့် ကုမ္ပဏီများနှင့် ဖိတ်ကြားထားသူများတက်ရောက်ကြသည်။

 မြန်မာနိုင်ငံအတွင်း ပြည်တွင်းပြည်ပရင်းနှီးမြှုပ်နှံမှုများ မြှင့်တင်ရန် ရည်ရွယ်၍ ၂၀၁၆-၂၀၁၇ ခုနှစ်မှ ၂၀၃၅-၂၀၃၆ ခုနှစ်အထိ နှစ် ၂၀ စီမံကိန်းရေးဆွဲထားကြောင်း၊ မြန်မာနိုင်ငံ၏ အားသာချက်နှင့်အခွင့်အလမ်းများအပေါ်အခြေခံပြီး အလားအလာရှိသောလုပ်ငန်းများတွင် ရင်းနှီးမြှုပ်နှံမှုများမြှင့်တင်ရေးအတွက် ရင်းနှီးမြှုပ်နှံမှုမဟာဗျူဟာများချမှတ်ကာ အကောင်အထည်ဖော်ဆောင်ရွက်သွားမည့်အစီအစဉ်များ ထည့်သွင်းထားကြောင်း၊ နိုင်ငံ၏အလားအလာရှိသည့် ကဏ္ဍများဖြစ်သည့် ပို့ကုန်ဦးစားပေးလုပ်ငန်းများ၊ အခြေခံအဆောက်အအုံနှင့် ဖွံ့ဖြိုးဆဲပြည်တွင်းလုပ်ငန်းများ အပါအဝင်ပြည်တွင်းလုပ်ငန်းများ အပါအဝင် ပြည်တွင်းဈေးကွက်ဦးစားပေးလုပ်ငန်းများ၊ စိုက်ပျိုးရေး၊ သစ်တော၊ သတ္ထုတူးဖော်ရေး၊ ရေလုပ်ငန်းစသည့် ရင်းမြစ်အခြေပြုသဘာဝသယံဇာတများ အသုံးပြုသည့်လုပ်ငန်းများ၊ ICT အစရှိသည့် ကဏ္ဍများတွင် ရင်းနှီးမြှုပ်နှံမှုများကို အားပေးဆောင်ရွက်စေခြင်းဖြင့် ပန်းတိုင်ရရှိရန် ရေးဆွဲထားကြောင်း၊ ရင်းနှီးမြှုပ်နှံမှုမြှင့်တင်ရေးအတွက် အကောင်အထည်ဖော်သည့် ရင်းနှီးမြှုပ်နှံမှုမဟာဗျူဟာတစ်ခုဖြစ်သည့် နိုင်ငံခြားရင်းနှီးမြှုပ်နှံသူများနှင့်စီးပွားရေးလုပ်ငန်းများ လုပ်သာကိုင်သာ အခွင့်အလမ်းများရရှိစေရေးအတွက် ဥပဒေမူဝါဒပိုင်းတွင် ပြုပြင်ပြောင်းလဲမှုများ ဆောင်ရွက်ခဲ့ကြောင်း၊ ၂၀၁၇ ခုနှစ်တွင် မြန်မာနိုင်ငံရင်းနှီးမြှုပ်နှံမှု ဥပဒေသစ်အရ တိုင်းဒေသကြီးနှင့်ပြည်နယ်များအတွက် လုပ်ပိုင်ခွင့်များခွဲဝေပေးလိုက်ခြင်းသည် တိုင်းဒေသကြီးများတွင်ရှိသည့် လုပ်ငန်းရှင်များ လုပ်ကိုင်ရပိုလွယ်ကူသွားကြောင်း၊ တိုင်းအတွင်းရင်းနှီးမြှုပ်နှံမှုများကို ခွင့်ပြုနိုင်ရန်မန္တလေးတိုင်းဒေသကြီး ရင်းနှီးမြှုပ်နှံမှုကော်မတီကို ဖွဲ့စည်းထားပြီးဖြစ်ကြောင်း၊ မြန်မာနိုင်ငံ၏ ဖွံ့ဖြိုးမှုဦးစားပေး စီးပွားရေးစင်္ကြံ(၄)ရပ်အနက် မန္တလေးတိုင်းဒေသကြီးသည် ဦးစားပေး-၂ ဖြစ်သည့် ရန်ကုန်နှင့်မြစ်ကြီးနားကို မန္တလေးမှ ဖြတ်၍ ဆက်သွယ်ထားသော ဗဟိုကျသည့် တောင်-မြောက်စင်္ကြံနှင့် ဦးစူားပေး-၃ ဖြစ်သည့် ကျောက်ဖြူနှင့်မူဆယ်ကို မန္တလေးမှ ဖြတ်၍ ဆက်သွယ်ထားသည့် ရှေ့မြောက်-အနောက်တောင်စင်္ကြံသစ်တို့တွင် ပါဝင်ကြောင်း၊ တိုင်းဒေသကြီးအတွင်း စီးပွားရေးလုပ်ငန်းများသည် စီးပွားရေးစင်္ကြံများနှင့် ဆက်သွယ်ပေါင်းစည်း ချိတ်ဆက်မှုများ ဆောင်ရွက်ခြင်းဖြင့် စိမံကိန်းကို အကောင်အထည်ဖော်ရာရောက်ကြောင်း၊ စီမံကိန်းကို အောင်မြင်စွာ အကောင်အထည်ဖော်နိုင်ရန် ပုဂ္ဂလိကကဏ္ဍနှင့် ဌာနများ ပူးပေါင်းဆောင်ရွက်ခင်းဖြင့် ပြည်တွင်း၊ ပြည်ပရင်းနှီးမြှုပ်နှံမှုများ တိုးမြှင့်တင်ရောက်လာပြီး မန္တလေးတိုင်းဒေသကြီး၏ ဖွံ့ဖြိုးတိုးတက်မှုမှတစ်ဆင့် နိုင်ငံတော်ဖွံ့ဖြိုးတိုးတက်ရေးများစွာ အထောက်အကူပြုနိုင်မည်ဖြစ်ကြောင်း ဝန်ကြီး ဦးမျိုးသစ်က ပြောကြားသည်။

 အဆိုပါ စီမံကိန်းကို မြန်မာနိုင်ငံရင်းနှီးမြှုပ်နှံမှုကော်မရှင်နှင့် ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စိ JICA တို့ ပူးပေါင်း ရေးဆွဲခဲ့ခြင်းဖြစ်ပြီး ရင်းနှီးမြှုပ်နှံမှုရည်မှန်းချက်များကို မဟာဗျူဟာများချမှတ်ကာ လုပ်ငန်းအဖွဲ့များ ဖွဲ့စည်းအကောင်အထည်ဖော် ဆောင်ရွက် သွားမည်ဖြစ်သည်။

 အခမ်းအနားတွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန ညွှန်ကြားရေးမှူးချုပ်၊ မြန်မာနိုင်ငံရင်းနှီးမြှုပ်နှံမှုကော်မရှင် အတွင်းရေးမှူး ဦးအောင်နိုင်ဦးနှင့် Japan International Corporation Agency(JICA) မှ Senior Representative Mr. Mamoru SAKAI၊ Team Leader Mr.Kazuo Mishima တို့က Myanmar Investment Promotion Plan (MIPP)နှင့် စပ်လျဉ်း၍ အသေးစိတ်ရှင်းလင်းဆွေးနွေးခဲ့ကြသည်။