၂၀၁၉ ခုနှစ်၊ ဇန်န၀ါရီလ ၁၇ ရက်

 မန္တလေးတိုင်းဒေသကြီးယဉ်ကျေးမှုအမွေအနှစ်များ ထိန်းသိမ်းရေးဥပဒေနှင့်အညီ ယဉ်ကျေးမှုအမွေအနှစ်များအား ပိုမိုထိရောက်စွာ ကာကွယ်နိုင်ရန်အတွက် ညှိနှိုင်းအစည်းအဝေးကို မန္တလေးမြို့၊ ချမ်းအေးသာစံမြို့နယ်၊ ၇၅ လမ်းနှင့် ၇၆ လမ်းကြား၊ ၂၇ လမ်းနှင့် ၂၉ လမ်းကြားရှိ ရှေးဟောင်းသုတေသနနှင့် အမျိုးသား ပြတိုက်ဦးစီးဌာန(မန္တလေးဌာနခွဲ)ရုံး အစည်းအဝေးခန်းမ၌ ဇန်နဝါရီလ ၁၇ ရက် မွန်းလွဲ ၁ နာရီက ကျင်းပသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး၊ မန္တလေးတိုင်းဒေသကြီး ယဉ်ကျေးမှုအမွေအနှစ်များ ထိန်းသိမ်းရေးကော်မတီ ဥက္ကဋ္ဌ ဦးမြတ်သူက အဖွင့်အမှာစကား ပြောကြားသည်။

 ထို့နောက် ရှေးဟောင်းသုတေသနနှင့် အမျိုးသားပြတိုက်ဦးစီးဌာန(မန္တလေးဌာနခွဲ) ညွှန်ကြားရေးမှူး၊ မန္တလေးတိုင်းဒေသကြီး ယဉ်ကျေးမှုအမွေအနှစ်များ ထိန်းသိမ်းရေးကော်မတီ အတွင်းရေးမှူး ဒေါ်စိုးစိုးဝင်းက ယဉ်ကျေးမှုအမွေအနှစ်များအား ပိုမိုထိရောက်စွာ ကာကွယ်နိုင်ရန်အတွက် ၂၀၁၈-၂၀၁၉ ဘဏ္ဍာ နှစ် ပြည်ထောင်စု ခွင့်ပြုရန်ပုံငွေဖြင့် ဆောင်ရွက်မည့် လုပ်ငန်းများအား ရှင်းလင်းပြောကြားသည်။

 ထို့နောက် တက်ရောက်လာသော တိုင်းဒေသကြီးအဆင့် ယဉ်ကျေးမှုအမွေအနှစ်များ ထိန်းသိမ်းရေးကော်မတီအဖွဲ့ဝင်များက အကြံပြုဆွေးနွေးခဲ့ကြပြီး ဝန်ကြီးက နိဂုံးချုပ်အမှာစကား ပြောကြားသည်။

 ယဉ်ကျေးမှုအမွေအနှစ်များအား ပိုမိုထိရောက်စွာ ကာကွယ်နိုင်ရန်အတွက် ၂၀၁၈-၂၀၁၉ ဘဏ္ဍာနှစ် ပြည်ထောင်စု ခွင့်ပြုရန်ပုံငွေကျပ် သိန်း ၄၀၀ ဖြင့် လုပ်ငန်းများ ဆောင်ရွက်မည်ဖြစ်ရာ မြနန်းစံကျော်ရွှေနန်းတော် အထွေထွေပြုပြင်ထိန်းသိမ်းခြင်း လုပ်ငန်းအတွက် ကျပ်သိန်း ၃၀၀ နှင့် မြင်းခြံခရိုင်၊ ဆီမီးခုံရွာ ယွန်းကျောင်းပြုပြင်ထိန်းသိမ်းခြင်းလုပ်ငန်းအတွက် ကျပ်သိန်း ၁၀၀၊ စုစုပေါင်း ကျပ်သိန်း ၄၀၀ ဖြင့် ဆောင်ရွက်သွားမည်ဖြစ်သည်။