၂၀၁၇ ခုနှစ်၊ ဖေဖော်ဝါရီလ ၁ ရက်

 လျှပ်စစ်နှင့် စွမ်းအင်ဝန်ကြီးဌာန၊ မန္တလေး လျှပ်စစ်ဓာတ်အားပေးရေးကော်ပိုရေးရှင်း မန္တလေးခရိုင် လျှပ်စစ်မန်နေဂျာနှင့် ဒုတိယခရိုင် လျှပ်စစ်မန်နေဂျာတို့ ဦးစီး၍ လျှပ်စစ်မှ ဝန်ထမ်းများက ပြည်သူများ ဓာတ်အား စဉ်ဆက်မပြတ်ရရှိရေးအတွက် စီမံဆောင်ရွက်ပေးလျက်ရှိသည်။

 ‘အပတ်စဉ် ဝန်ထမ်းအင်အား ၁၀၀ ခန့်နဲ့ ဆောင်ရွက်လျက်ရှိပါတယ်။ ပြည်သူများ ဓာတ်အား စဉ်ဆက်မပြတ် ရရှိရေး၊ လျှပ်စစ်အန္တရာယ် ကင်းရှင်းရေး အတွက် ဆောင်ရွက်ခြင်းဖြစ်ပါတယ်’ဟု ခရိုင်လျှပ်စစ်မန်နေဂျာက ပြောသည်။ ခရိုင်တာဝန်ရှိသူများနှင့် ဝန်ထမ်းများသည် ဇန်နဝါရီ ၃၁ ရက် နံနက် ပိုင်းမှစ၍ လုပ်ငန်းဆောင်ရွက်ကြသည်။

 မန္တလေးခရိုင်အတွင်းရှိ လိုင်းအပြစ် ဖြစ်ပွားမှုများသည့် ၃၃ ကေဗွီဖီဒါ (၃)၊ ဖီဒါ (၄)၊ ပလိပ်-စစ်ကိုင်း (၁)ဒင်္ဂါးချောင်း ဖီဒါများကို သစ်ပင်ခုတ်ခြင်း၊ ကြွေသီး လဲခြင်း၊ ကြိုးလဲခြင်း၊ JUMPER Connection ပြုပြင်ခြင်းများကို အပတ်စဉ်ဆောင်ရွက်ပေးလျက်ရှိသည်။