၂၀၁၆ခုနှစ်၊ ဧပြီလ ၂၅ ရက်

  ၂၀၁၆ခုနှစ် ဧပြီလ ၂၅ ရက်နေ့ (၁၃း၃၀)နာရီအချိန်တွင် မန္တလေးတိုင်းဒေသကြီးဥပဒေချုပ်သည် မန္တလေးတိုင်းဒေသကြီးဥပဒေချုပ်ရုံး၌ တိုင်းဒေသကြီး၊ ခရိုင်နှင့်မြို့နယ်ဥပဒေအရာရှိများ၊ မန္တလေးတိုင်းဒေသကြီးဥပဒေချုပ်ရုံး ဝန်ထမ်းများနှင့်တွေ့ဆုံ၍ လုပ်ငန်းညှိနှိုင်းဆွေးနွေးပွဲ ကျင်းပခဲ့ပါသည်။

 အဆိုပါ လုပ်ငန်းညှိနှိုင်းဆွေးနွေးပွဲတွင် တိုင်းဒေသကြီးဥပဒေချုပ်က လာဘ်ပေးလာဘ်ယူကင်းရှင်းရေး၊ လုပ်ငန်းများဆောင်ရွက်ရာတွင် ဥပဒေ၊ နည်းဥပဒေများနှင့်အညီဆောင်ရွက်ရေး၊ ပြည်သူများအပေါ် စေတနာထားဆောင်ရွက်ပေးရေး၊ ပြည်သူများအား ဥပဒေနှင့်အညီ ကူညီ ဆောင်ရွက်ပေးရေး၊ ဥပဒေအရာရှိ၊ ရုံးဝန်ထမ်းများသည် ပြည်သူများ ယုံကြည်အားကိုးရသော ဝန်ထမ်းများဖြစ်အောင် နေထိုင်ရေးနှင့် "ဥပဒေ ပညာသည် အကျင့်သိက္ခာနှင့်ပြည်စုံသော ပညာဖြစ်သည်" ဟူသည့် ပြည်ထောင်စုရှေ့နေရုံးချုပ်ရုံး၏ ဆောင်ပုဒ်နှင့်အညီ ဥပဒေအရာရှိများသည်လည်း အကျင့်သိက္ခာနှင့်ပြည့်စုံသော ဥပဒေအရာရှိများဖြစ်အောင် လုပ်ကိုင်ဆောင်ရွက်ရန် လိုအပ်ကြောင်း ဆွေးနွေးမှာကြားခဲ့သည်။