၂၀၁၇ ခုနှစ်၊ မတ်လ ၂၆ ရက်

 မန္တလေးတိုင်းဒေသကြီး ကာယဗလမောင်နှင့်ကြံ့ခိုင်မှုဆပ်ကော်မတီမှ ကြီးမှူးကျင်းပသော မန္တလေးတိုင်းဒေသကြီးကိုယ်စားပြု ကာယဗလ အားကစားသမားပေါ်ထွန်းရေးအတွက် ၂၀၁၇ ခုနှစ် လူသစ်တန်း ကာယဗလမောင်ပြိုင်ပွဲကို မတ်လ ၂၆ ရက် နံနက် ၁၀ နာရီခွဲက မန္တလေးမြို့၊ ဗထူးအားကစားခန်းမ၌ ပြုလုပ်ရာ ပြင်ဦးလွင်၊ ညောင်ဦးနှင့် မန္တလေးမြို့တွင်းရှိ ကလပ်အသင်းများမှ ပြိုင်ပွဲဝင်ကာယဗလမောင်လောင်း အားကစားသမား ၂၁ ဦးတို့ ပါဝင်ကာ တစ်ဦးချင်း၊ အဖွဲ့လိုက် သတ်မှတ်ကိုယ်ဟန် ခုနစ်မျိုးဖြင့် ပြသယှဉ်ပြိုင်ကြပြီး အကဲဖြတ်ဒိုင်အဖွဲ့ဝင်များက အမှတ်ပေး ရွေးချယ်ကြသည်။

 ပြိုင်ပွဲသို့ မန္တလေးတိုင်းဒေသကြီး တိုင်းရင်းသားရေးရာဝန်ကြီး၊ အားကစားနှင့်ကာယပညာဦးစီးဌာန တိုင်းဒေသကြီးဦးစီးမှူး၊ ကာယဗလနှင့်ကာယ ကြံ့ခိုင်မှုဆပ်ကော်မတီ ဒုတိယဥက္ကဋ္ဌများ၊ အဖွဲ့ဝင်များ၊ ဒိုင်များ၊ ပြိုင်ပွဲသီးသန့်အလှူရှင်နှင့် တာဝန်ရှိသူများ၊ ပြိုင်ပွဲဝင်များနှင့် အားကစားဝါသနာရှင် များ တက်ရောက် အားပေးကြသည်။

 ရှေးဦးစွာ ပြိုင်ပွဲဝင်ကာလဗလမောင် အားကစားသမားများက အစီအစဉ်အတိုင်း ယှဉ်ပြိုင်ကြပြီး ဆုချီးမြှင့်ပွဲကို ကျင်းပရာ ပြည်တွင်း၊ ပြည်ပ ပြိုင်ပွဲ များတွင် ဆုရအားကစားမောင်မယ်များဖြစ်သော 13th South East Asia(Thai) ပြိုင်ပွဲ၌ တတိယဆုရ မောင်လမင်းတစ်ရာ၊ ရန်ကုန်မြို့၌ ကျင်းပခဲ့သော ၂၀၁၆ ခုနှစ် အိုလံပစ်နေ့ သက်ကြီးတန်းမောင် ပထမ ဦးတင်လတ်၊ ကာယကြံ့ခိုင်မှုမယ် အကြီးတန်း ပထမဆုနှင့် ကလပ်အသင်း ပေါင်းစုံပြိုင်ပွဲ ဒုတိယဆုရ မနေခြည်တင့်ဝေ၊ ကာယကြံ့ခိုင်မှု မယ်အငယ်တန်း ပထမဆုရ မစုမြင့်ဝင်းနှင့် ဒုတိယဆုရ မနန်းလောင်ခန်း၊ ကလပ် ပေါင်းစုံပြိုင်ပွဲ ကီလို ၆၀ တန်း မောင် ပထမ မောင်ခင်မောင်ထွန်းနှင့် ကာယဗလမောင် ၂၀၁၆ တတိယဆုရ မောင်ချစ်ငွေတို့အား တိုင်းဒေသကြီး ကာယဗလနှင့် ကာယကြံ့ခိုင်မှုဆပ်ကော်မတီ ဒုတိယဥက္ကဋ္ဌ ဦးတင်အောင်ကြည်က ဆုငွေများ အသီးသီးပေးအပ်ချီးမြှင့်ပြီး တတိယဆုရ ဟာကြူရီ (၂)ကလပ်မှ ရန်ပိုင်စိုး၊ ဒုတိယဆုရ ကုဋေအောင် ဟာကြူရီ(၂)အား တိုင်းအားကစားနှင့်ကာယပညာဦးစီးဌာန ဒုတိယညွှန်ကြားရေးမှူး ဦးဝေဇင် က ဆုများချီးမြှင့်ကာ တိုင်းဒေသကြီး တိုင်းရင်းသားရေးရာဝန်ကြီး ဦးစိုင်းကျော်ဇောက လူသစ်တန်း ကာယဗလမောင် ပထမရရှိသည့် အောင်မျိုးရွှေ (King Body)အား ပထမဆုဖလားနှင့် ဆုငွေများ ချီးမြှင့်ခဲ့သည်။