၂၀၁၇ ခုနှစ်၊ သြဂုတ်လ ၂၂ ရက်

 မန္တလေးခရိုင်၊  Community Centre အတွက် ရှေးမူလက်ရာရှေးဟောင်းပစ္စည်းများနှင့် ကလေးကစားစရာပစ္စည်းများ ပေးအပ်လှူဒါန်းပွဲကို မန္တလေးမြို့၊ ပြည်ကြီးတံခွန်မြို့နယ်ရှိ မန္တလေးခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး၌ ၂၂ ရက်နေ့ မွန်းလွဲပိုင်း ၂ နာရီက ကျင်းပပြုလုပ်သည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့၊ တိုင်းရင်းသားရေးရာဝန်ကြီး ဦးစိုင်းကျော်ဇောက အဖွင့်အမှာစကားပြောကြားပြီး မန္တလေးတိုင်း ဒေသကြီး ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဒုတိယညွှန်ကြားရေးမှူး ဒေါ်ဝေဝေဖြိုးက Community Centre နှင့် ပတ်သက်သည့် လုပ်ငန်းစဉ်များအား ရှင်းလင်းပြောကြားသည်။ ထို့နောက် မန္တလေးတိုင်းဒေသကြီး စာကြည့်တိုက်များ ဖောင်ဒေးရှင်းဥက္ကဌ ဒေါ်မမနိုင် နှင့် ကိုယ်ပိုင်ကျောင်းများအသင်း ဥက္ကဌ CAE ကိုယ်ကိုင်ကျောင်းမှ ကျောင်းအုပ်ဆရာမကြီး ဒေါ်နှင်းနှင်းမော်တို့က လှူဒါန်းရခြင်းရည်ရွယ်ချက်များ ရှင်းလင်းပြောကြားသည်။

 ၄င်းနောက် အလှူရှင်များက ရုပ်သေးပစ္စည်းများ၊ ရှေးမူလက်ရာရှေးဟောင်းပစ္စည်းများ၊ ရှေးဟောင်းရှားပါးစာပေများ၊ ရှေးဟောင်းရေဒီယို (အကြီး)၊ ရှေးဟောင်းမှန်စီရွှေချယပ်ကြီးများ၊ ရှေးဟောင်းရက်ကန်းစင်အသုံးအဆောင်ပစ္စည်းများ၊ ပန်းချီကားများ၊ ကလေးကစားစရာ ပစ္စည်းများ ၊အရုပ်များနှင့် Water Cooler တစ်လုံး အစရှိသော ပစ္စည်းများအား အလှူရှင်အသီးသီးက Community Centre အတွက် ပေးအပ်လှူဒါန်းရာ တာဝန်ရှိသူများက လက်ခံရယူသည်။ ယင်းနောက် ပြည်ကြီးတံခွန်မြို့နယ် ရပ်မိ၊ ရပ်ဖ ဦးသောင်းနိုင်က ကျေးဇူးတင်စကား ပြန်လည် ပြောကြားသည်။

 မန္တလေးခရိုင် Commuity Centre ကိုစက်တင်ဘာ ၁ ရက်နေ့တွင် မန္တလေးခရိုင် ပြန်/ဆက် ရုံးတွင်ဖွင့်ပွဲကျင်းပသွားမည်ဖြစ်ပြီးလှူဒါန်းပွဲသို့ မန္တလေးတိုင်းဒေသကြီးအစိုးရအဖွဲ့ တိုင်းရင်းသားရေးရာဝန်ကြီးနှင့်ဌာနဆိုင်ရာတာဝန်ရှိသူများ၊ မန္တလေးတိုင်းဒေသကြီး စာကြည့်တိုက်များ ဖောင်ဒေးရှင်း ဥက္ကဌ နှင့် အဖွဲ့ဝင်များ၊ မန္တလေးတိုင်းဒေသကြီးပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တိုင်းဒေသကြီး၊ ခရိုင်၊ မြို့နယ်များမှ တာဝန်ရှိသူများ၊ အလှူရှင်များ၊ရပ်မိ/ရပ်ဖများနှင့် ဖိတ်ကြားထားသူများ တက်ရောက်ခဲ့ကြသည်။